జీవకోటి జీవితాల్లో చీకటిని రూపుమాపి వెలుగును ప్రసాదించే శుభతరుణం.. సంక్రాంతి, సాంప్రదాయం ప్రకారం ఈ పర్వదినాన ఏం చేయాలి?

సంక్రాంతి అచ్చంగా సూర్యుడి పండగ. ధగధగ మెరిసే కొన్ని వేల చక్రాలు, సప్త వర్ణాలతో కూడిన గుర్రాల రథంలో.. సూర్యుడు తేజోవంతుడై..

  • Venkata Narayana
  • Publish Date - 10:00 am, Thu, 14 January 21

సంక్రాంతి అచ్చంగా సూర్యుడి పండగ. ధగధగ మెరిసే కొన్ని వేల చక్రాలు, సప్త వర్ణాలతో కూడిన గుర్రాల రథంలో.. సూర్యుడు తేజోవంతుడై..ఉత్తర దిశగా వేగంగా ప్రయాణిస్తాడు. జీవకోటి జీవితాల్లో చీకటిని రూపుమాపి వెలుగును ప్రసాదిస్తాడు. జల నిక్షేపాలను మబ్బులకు చేరుస్తాడు. ధాన్య సంపదను రాశులుగా కురిపిస్తాడు. సూర్యడు లేకుండా సృష్టే లేదు. మరి అలాంటి సూర్య భగవానుడికి నమస్కరించడం మన కర్తవ్యం. మన భాగ్యం. సూర్య నమస్కారం ఆరోగ్యకరం కూడా! సంక్రాంతి పర్వదినం రోజున ఉదయాన్నే స్నానం చేసిన తర్వాత నువ్వుల నూనెతో దీపం వెలిగించాలి. నువ్వులు, బియ్యం కలిపి శివునికి అర్పించిన తర్వాత ఆవునేతితో అభిషేకం చేయాలి. విష్ణువును, పౌష్య లక్ష్మిని పూజించి..విష్ణు సహస్రనామ పఠనం చేయాలి. తర్వాత లోకబాంధవుడు, ప్రత్యక్ష నారాయుడైన సూర్యభగవానుడిని పూజించి..కొత్త బియ్యంతో పొంగలి, పులగం తయారుచేసి, పాలు పొంగించి..భక్తి ప్రపత్తులతో ఆయనకు నివేదించడం శుభప్రదం!. అలాగే సంక్రాంతి పర్వదినాన పెద్దల ఆశీర్వాదం తప్పకు తీసుకోవాలి. సంక్రాంతిరోజు పితృదేవతలను స్మరించాలి. బంధుమిత్రులతో పండివంటలతో సంతోషాన్ని పంచుకోవాలి.