Video: ఫ్రిజ్‌లో నుంచి వింత శబ్దాలు.. ఏంటా అని చూడగా ఫ్యూజులౌట్.. వీడియో చూస్తే గుండె గుభేలే!
ఇటీవ‌లి కాలంలో పాములు.. ఆడవులు వదిలి జనావాసాల్లోకి వచ్చేస్తున్నాయి. ఎక్కడబడితే అక్కడ దూరిపోతున్నాయి.
ఇటీవ‌లి కాలంలో పాములు.. ఆడవులు వదిలి జనావాసాల్లోకి వచ్చేస్తున్నాయి. ఎక్కడబడితే అక్కడ దూరిపోతున్నాయి. వాహనాల్లో దూరి ఇబ్బందులు క‌లిగించిన ఘ‌ట‌న‌లు చూశాం. ఇటీవల ఓ యువ‌కుడి దుప్పుట్లోకి దూరిన నాగుపాము.. రాత్రంతా అత‌నితో పాటు నిద్రించిన ఘ‌ట‌న చూశాం. తాజాగా ఓ నాగుపాము ఇంట్లోని ఫ్రిజ్ కంప్రెష‌ర్‌లోకి దూరింది. ఈ ఘ‌ట‌న క‌ర్ణాట‌క‌లోని తుమ‌కూరులో వెలుగు చూసింది. ప్రస్తుతం అందుకు సంబంధించిన వీడియో సోషల్ మీడియాలో వైరల్ అవుతోంది.
లేత బంగారు వ‌ర్ణంలో ఉన్న ఓ ఆరు అడుగుల నాగుపాము.. ఓ ఇంట్లోని ఫ్రిజ్ కంప్రెష‌ర్‌లోకి దూరింది. బుసలు కొడుతున్న నాగుపామును కుటుంబ స‌భ్యులు గ‌మ‌నించారు. దీంతో తీవ్ర భయాందోళ‌న‌కు గురైన కుటుంబ స‌భ్యులు అట‌వీ శాఖ అధికారుల‌కు స‌మాచారం అందించారు. స్నేక్ క్యాచర్ సహయంతో ప్రెష‌ర్‌లో దూరిన నాగుపామును ప‌ట్టేశారు అధికారులు. ఆ స‌మ‌యంలో నాగుపాము ప‌డ‌గ‌విప్పుతూ బుసలు కొట్టింది. ఈ దృశ్యాన్ని చూసి కుటుంబ స‌భ్యులు ఆందోళ‌న‌కు గుర‌య్యారు. స్నేక్ క్యాచర్ ఆ పామును ఓ డ‌బ్బాలో వేసి, అనంత‌రం అడ‌విలో వ‌దిలిపెట్టాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.
