Vastu Tips: ఇంటర్వ్యూల్లో అస్సలు సెలక్ట్ అవ్వడం లేదా.? ఈ వాస్తు లోపాలు సవరించుకోండి
ముఖ్యంగా ఇంటర్వ్యూలకు అటెండ్ అయ్యే వారు విజయవంతం కాలేకపోతున్నా, ఎన్ని ప్రయత్నాలు చేసినా ఉద్యోగం పొందలేకపోతున్నా కచ్చితంగా ఇంట్లో వాస్తు లోపాలు ఏవో ఉన్నాయని భావించాలని పండితులు చెబుతున్నారు. అయితే ఇంటర్వ్యూలో సెలక్ట్ కావడం అనేది ప్రతిభకు సంబంధించిన విషయం అందులో వాస్తు ఏం ఉంటుందని భావించవచ్చు...
భారతీయులు వాస్తును ఎక్కువగా విశ్వసిస్తుంటారు. మరీ ముఖ్యంగా హిందువులు వాస్తుకు ఇచ్చే ప్రాధాన్యత ఎలాంటిదో ప్రత్యేకంగా చెప్పాల్సిన పనిలేదు. వాస్తు శాస్త్రంలో ప్రతీ అంశాన్ని ఎంతో వివరంగా తెలిపారు. మన ఆరోగ్యం నుంచి మొదలు ఆర్థికం వరకు ప్రతీ అంశంపై వాస్తు ప్రభావం ఎంతగానో ఉంటుందని పండితులు చెబుతూనే ఉంటారు. ఇక ఉద్యోగం, వ్యాపారాలపై కూడా వాస్తు కచ్చితంగా ప్రభావం చూపుతుందని పండితులు చెబుతుంటారు.
ముఖ్యంగా ఇంటర్వ్యూలకు అటెండ్ అయ్యే వారు విజయవంతం కాలేకపోతున్నా, ఎన్ని ప్రయత్నాలు చేసినా ఉద్యోగం పొందలేకపోతున్నా కచ్చితంగా ఇంట్లో వాస్తు లోపాలు ఏవో ఉన్నాయని భావించాలని పండితులు చెబుతున్నారు. అయితే ఇంటర్వ్యూలో సెలక్ట్ కావడం అనేది ప్రతిభకు సంబంధించిన విషయం అందులో వాస్తు ఏం ఉంటుందని భావించవచ్చు. కానీ వాస్తు మన మానసిక స్థితిపై కూడా ప్రభావం చూపుతుందని పండితులు చెబుతున్నారు.
అందుకే ఇంటర్వ్యూలో విజయం సాధించలేకపోతుంటే కొన్ని రకాల వాస్తు చిట్కాలను పాటించాలని చెబుతున్నారు. మనకు తెలిసో తెలియకో చేసే కొన్ని వాస్తు తప్పుల వల్లే ఇలాంటి అటంకాలు ఎదురవుతాయని అంటున్నారు. వాస్తు శాస్త్రంలో తెలిపిన అంశాల ఆధారంగా ఇంటి ఉత్తరం వైపు ఎట్టి పరిస్థితుల్లో చెత్త పేరుకుపోకుండా చూసుకోవాలని చెబుతున్నారు. ఉత్తర దిశ వీలైనంత వరకు ఖాళీగా ఉండాలి.
ఉత్తర దిశ వాస్తు ప్రకారం వృత్తి వ్యాపారాలకు సంబంధించినదిగా చెబుతుంటారు. అందుకే ఈ దిశను శుభ్రంగా ఉండేలా చూసుకోవాలి. ఇక ఇంటర్వ్యూలో మంచి ఫలితం కోసం మీరు ఉండే గదిలో ఉత్తరంవైపు ఆకుపచ్చని మొక్కలను పెంచాలని పండితులు సూచిస్తున్నారు. ఆకుపచ్చ కొత్త ప్రారంభానికి ప్రతీక. ఇది మంచి అవకాశాలను ఆకర్షిస్తుందని అంటున్నారు. అలాగే మీ కంప్యూటర్ డెస్క్ వెనకాల ఉండే గోడపై పర్వతాలు ఉండే పోస్టర్ను అతికించండి. ఇది మీ ఆత్మ విశ్వాసాన్ని పెంచుతుందని అంటున్నారు.
నోట్: పైన తెలిపిన వివరాలు కేవలం పలువురు వాస్తు పండితులు తెలిపిన వివరాలు, వాస్తు శాస్త్రంలో పేర్కొన్న అంశాల ఆధారంగా అందించినవి మాత్రమే. ఇందులో ఎలాంటి శాస్త్రీయ ఆధారాలు లేవని రీడర్స్ గమనించాలి.
మరిన్ని ఇంట్రెస్టింగ్ కథనాల కోసం క్లిక్ చేయండి..