Breaking News
  • చిత్తూరు: మదనపల్లెలో మహిళా సంఘాల ఆందోళన. నిందితుడిని ఉరి తీయాలంటూ చిన్నారి వర్షిత తల్లిదండ్రుల ధర్నా. తమకు న్యాయం చేయాలంటున్న వర్షిత తల్లిదండ్రులు. రఫీని బహిరంగంగా ఉరి తీయాలని డిమాండ్. విద్యుత్‌ టవర్‌ ఎక్కిన వర్షిత కుటుంబ సభ్యులు. కిందకు దించేందుకు పోలీసుల ప్రయత్నాలు.
  • వివాదంలో జార్జిరెడ్డి సినిమా. ఏబీవీపీ విద్యార్థులను రౌడీలుగా చూపెట్టే కుట్ర జరుగుతోందని ఆరోపణ. సినిమాలో జార్జిరెడ్డి రౌడీయిజాన్ని చూపెట్టాలన్న ఏబీవీపీ. ఇప్పటికే ప్రీ రిలీజ్‌ ఫంక్షన్‌కు అనుమతి నిరాకరించిన పోలీసులు. ఈ నెల 22న విడుదల కానున్న జార్జిరెడ్డి.
  • వరంగల్‌: ఏనుమాముల మార్కెట్ యార్ట్‌లో పత్తి కొనుగోళ్లు ప్రారంభం. ప్రభుత్వ హామీతో తిరిగి కొనుగోళ్లు ప్రారంభించిన కాటన్ వ్యాపారులు.
  • ఢిల్లీ చేరుకున్న ఎన్సీపీ అధినేత శరద్‌ పవార్‌. సా.4గంటలకు సోనియాతో భేటీ కానున్న శరద్‌పవార్‌. మహారాష్ట్రలో ప్రభుత్వ ఏర్పాటు, ఉమ్మడి కార్యాచరణపై చర్చ.
  • హైదరాబాద్‌: హైకోర్టులో అగ్రిగోల్డ్ కేసు విచారణ. తాకట్టు పెట్టిన అగ్రిగోల్డ్ ఆస్తులను వేలం వేసిన బ్యాంకర్లు. సంవత్సరం గడిచినా కొనుగోలుదారులకు అందని కన్‌ఫర్మేషన్‌ ఆర్డర్. కన్‌ఫర్మేషన్‌ ఇవ్వాలని కోరిన బ్యాంకర్లు. డిసెంబర్‌ 5న మరోసారి విచారిస్తామన్న హైకోర్టు. తదుపరి విచారణ డిసెంబర్‌ 5కు వాయిదా.
  • లోక్‌సభలో కొనసాగుతున్న ప్రశ్నోత్తరాలు. ప్రాంతీయ భాషా పరిరక్షణపై కేశినేని నాని ప్రశ్న. త్రిభాషా విధానాన్ని అమలు చేయాలి-కేశినేని నాని. ప్రాంతీయ భాషలను రక్షించాల్సిన అవసరం ఉంది-కేశినేని నాని. పలు అంశాలపై చర్చకు పట్టుబడుతున్న విపక్షాలు. విపక్ష సభ్యుల నినాదాల మధ్య కొనసాగుతున్న సభ. తెలుగు భాష ఉన్నతికి చర్యలు తీసుకుంటున్నాం-మంత్రి పోఖ్రియాల్‌.
  • ఆగ్రా జిల్లా పేరు మార్చే యోచనలో యూపీ సర్కార్. ఆగ్రా పేరును ఆగ్రావన్‌గా మార్చాలని యూపీ సర్కార్‌ యోచన. కాషాయికరణలో భాగంగా పేరు మారుస్తున్నారని విపక్షాల విమర్శలు. గతంలో ఫైజాబాద్‌ను అయోధ్యగా.. అలహాబాద్‌ను ప్రయాగ్‌రాజ్‌గా మార్చిన యూపీ సర్కార్.

పల్నాడులో హైటెన్షన్… నేతల హౌస్ అరెస్టులు… ఏం జరుగుతోంది…?

High Tension in Guntur District, several TDP Leaders are house arrest over Palnadu Politics

గుంటూరు జిల్లాలో టెన్షన్ వాతావరణం నెలకొంది. టీడీపీ, వైసీపీ పోటాపోటీగా ‘చలో ఆత్మకూరు’కు పిలుపునిచ్చారు. దీంతో అక్కడ ఉద్రిక్తత చోటుచేసుకుంది. అయితే.. ఇరు పార్టీల నిరసనలకు పోలీసులు అనుమతిని నిరాకరించారు. పల్నాడు, గుంటూరులో పోలీస్ యాక్ట్ 30, 144 సెక్షన్ విధించారు. అనుమతి లేకుండా ర్యాలీలు, సభలు, సమావేశాలు నిర్వహించడంపై నిషేధం విధించారు. అన్ని వైపులా, పోలీసులు మోహరించారు. మీడియాని కూడా అనుమతించడం లేదు. ఇక జిల్లావ్యాప్తంగా టీడీపీ నేతలను హౌస్ అరెస్ట్ చేశారు, పలువురు టీడీపీ నాయకులను బైండోవర్ చేశారు. మరోపక్క వైసీపీ, చలో ఆత్మకూరు ప్రకటించిన నేపథ్యంలో పోలీసు నుండి అనుమతి రాకపోవడంతో, వైసీపీ నేతలు జిల్లా పార్టీ కార్యాలయానికి చేరుకునే ప్రయత్నం చేస్తున్నారు.

తెదేపా అధినేత చంద్రబాబును పోలీసులు గృహనిర్బంధం చేశారు. ‘చలో ఆత్మకూరు’కు వెళ్లకుండా ఆయన నివాసం వద్ద అడ్డుకున్నారు. దీంతో నివాసంలోనే చంద్రబాబు నిరాహార దీక్షకు దిగారు. రాత్రి 8వరకూ దీక్షను కొనసాగించనున్నట్లు చంద్రబాబు తెలిపారు.  ‘చలో ఆత్మకూరు’ కార్యక్రమానికి బయలుదేరిన తెదేపా జాతీయ ప్రధాన కార్యదర్శి లోకేశ్‌ను పోలీసులు అడ్డుకున్నారు. లోకేశ్‌ను ఆయన నివాసం వద్ద అడ్డుకోవడంతో కార్యకర్తలు పోలీసులకు వ్యతిరేకంగా నినాదాలు చేశారు. ‘చలో ఆత్మకూరు’కు వెళ్లకుండా ఎక్కడికక్కడ పోలీసులు తెదేపా నేతలు, కార్యకర్తలను నిలవరిస్తున్నారు.

కోసంచలో ఆత్మకూరు కార్యక్రమానికి పెద్ద ఎత్తున టీడీపీ కార్యకర్తలతో తెలుగు యువత రాష్ట్ర అధ్యక్షుడు దేవినేని అవినాష్ తరలివెళ్లారు. గుంటూరు జిల్లా తాడేపల్లి మండలం ఉండవల్లి వద్ద ఆయనను పోలీసులు అడ్డుకున్నారు. పోలీసులకీ, దేవినేని అవినాష్‌కి మధ్య తీవ్ర స్థాయిలో వాగ్వాదం జరిగింది. పోలీసుల తీరుకు నిరసనగా టీడీపీ కార్యకర్తలతో కలిసి రోడ్డు పైన బైఠాయించి అవినాష్ ఆందోళనకు దిగారు. దీంతో అవినాష్‌ని బలవంతంగా అరెస్ట్ చేసి పోలీస్ స్టేషన్‌కు తరలించారు.

ఆత్మకూరులో పాల్గొనే అవకాశం ఉన్న ప్రకాశం జిల్లా టీడీపీ నేతలను పోలీసులు హౌస్ అరెస్టు చేశారు. మాజీ మంత్రి శిద్దా రాఘవరావు, మాజీ ఎమ్మెల్యేలు దివి శివరాం, ఎం. అశోక్ రెడ్డిని పోలీసులు హౌస్ అరెస్ట్ చేశారు. చలో ఆత్మకూరుకు అనుమతి లేదని నేతలకు తెలిపారు. ఇదిలా ఉంటే గుంటూరు జిల్లా సత్తెన పల్లిలో కూడా అరెస్టుల పర్వం కొనసాగుతోంది. చలో ఆత్మకూరు కార్యక్రమం వల్ల శాంతి భద్రతలకు విఘాతం కలగకుండా 17 మంది టీడీపీ నేతలకు సత్తెనపల్లి పట్టణ పోలీసులు బైండోవర్ నోటీసలు ఇచ్చారు.

గుంటూరు జిల్లాలో ‘చలో ఆత్మకూరు’కు అనుమతి ఇవ్వాలంటూ టీడీపీ, వైసీపీ పోటాపోటీగా అనుమతి కోరాయి. వైసీపీ అధికారంలోకి వచ్చిన తర్వాత కక్ష సాధింపులతో తమ కార్యకర్తలు, అభిమానులను ఇబ్బంది పెడుతున్నారని టీడీపీ ఆరోపిస్తుండగా.. టీడీపీ హయాంలో తమ కార్యకర్తలను ఇబ్బందులకు గురి చేశారని వైసీపీ ఆరోపిస్తోంది. ఈ నేపథ్యంలో తొలుత టీడీపీ ‘చలో ఆత్మకూరు’ పేరిట నిరసన కార్యక్రమం చేపట్టాలని నిర్ణయించింది. టీడీపీకి పోటీగా వైసీపీ కూడా ఆత్మకూరు వెళ్తామంటూ ప్రకటించింది. దీంతో ఇరు పార్టీల నేతలూ అనుమతి కోరుతూ పోలీసులను ఆశ్రయించారు. టీడీపీ తరఫున మాజీ మంత్రి నక్కా ఆనందబాబు, ఎమ్మెల్యేలు గద్దె రామ్మోహన్‌, మద్దాలి గిరిధర్‌, ఎమ్మెల్సీ అశోక్‌బాబు, మాజీ ఎమ్మెల్యే జీవీ ఆంజనేయులు తదితరులు గుంటూరు గ్రామీణ ఎస్పీ జయలక్ష్మిని కలిసి అనుమతివ్వాలని కోరారు. మరోవైపు, వైసీపీ నేతలు గుంటూరు రేంజ్‌ ఐజీ వినీత్‌ బ్రిజ్‌లాల్‌ను కలిశారు. ఎమ్మెల్యేలు అంబటి రాంబాబు, బొల్లా బ్రహ్మనాయుడు, ఎంపీలు లావు శ్రీకృష్ణదేవరాయులు, నందిగం సురేశ్‌ ఐజీని కలిసి చలో ఆత్మకూరుకు అనుమతి ఇవ్వాలని విజ్ఞప్తి చేశారు.

చలో ఆత్మకూరు విషయంలో వెనక్కు తగ్గేది లేదన్నారు టీడీపీ అధినేత చంద్రబాబు. ఎన్ని అడ్డుంకులు ఎదురైనా కార్యక్రమం ఆగదని తేల్చి చెప్పారు. వైసీపీ దాడులపై ఇప్పటికైనా చర్యలు తీసుకోకపోతే న్యాయపోరాటం చేస్తామన్నారు. చలో ఆత్మకూరు బాధితులకు భరోసా తప్ప.. యుద్ధం కాదన్నారు. కొత్త ప్రభుత్వం వచ్చాక జరిగిన దాడులపై రెండు పుస్తకాలను విడుదల చేశారు. ఆ పుస్తకాల్లో దాడులు, కేసుల వివరాలను పొందుపరిచారు. మంగళవారం సాయంత్రం గుంటూరు పార్టీ కార్యాలయంలో మాట్లాడిన బాబు వైసీపీ సర్కార్‌పై మండిపడ్డారు.

ఏపీలో అరాచక పాలనకు చరమగీతం పాడేందుకే ఈ పోరాటం చేస్తున్నానన్నారు చంద్రబాబు. అప్రజాస్వామిక పాలనపై రాజీలేని పోరాటం చేస్తామని.. కార్యకర్తలకు అండగా నిలబడతామన్నారు. పునరావాస కేంద్రాల్లో ఉన్నవాళ్లను హోంమంత్రి పెయిడ్‌ ఆర్టిస్టులంటూ ఎగతాళి చేయడం దారుణమన్నారు. బాధితులను అవమానించినందుకు హోంమంత్రి క్షమాపణ చెప్పాలని డిమాండ్ చేశారు. ఎవరు పెయిడ్‌ ఆర్టిస్టులు.. ఎవరు మొసలి కన్నీరు కారుస్తున్నారు.. అధికారం ఉందని ఇష్టానుసారం చేస్తారా అంటూ మండిపడ్డారు. ఈ ఘటనలపై ముఖ్యమంత్రి జగన్‌, డీజీపీ సమాధానం చెప్పాలన్నారు.