Health: ఉదయం లేవగానే వీటిని తింటున్నారా.? మీ ఆరోగ్యం ప్రమాదంలో పడ్డట్లే..
ఉదయం లేవగానే తీసుకునే ఆహారం శరీరంపై తీవ్ర ప్రభావం పడుతుంది. అందుకే పరిగడుపున మంచి ఆహారాన్ని తీసుకోవాలని నిపుణులు సూచిస్తుంటారు. ఉదయం ఆరోగ్యకరమైన బ్రేక్‌ ఫాస్ట్ తీసుకుంటే రోజంతా సాఫీగా సాగుతోంది. అయితే...
ఉదయం లేవగానే తీసుకునే ఆహారం శరీరంపై తీవ్ర ప్రభావం పడుతుంది. అందుకే పరిగడుపున మంచి ఆహారాన్ని తీసుకోవాలని నిపుణులు సూచిస్తుంటారు. ఉదయం ఆరోగ్యకరమైన బ్రేక్‌ ఫాస్ట్ తీసుకుంటే రోజంతా సాఫీగా సాగుతోంది. అయితే మనలో చాలా మంది ఉదయం తీసుకునే ఆహారంపై పెద్దగా శ్రద్ధ పెట్టరు. ఏది పడితే అది తినేస్తుంటారు. మీరు కూడా ఇలాగే ఏది పడితే దానిని తీసుకుంటున్నారా.? అయితే మీ ఆరోగ్యం ప్రమాదంలో పడినట్లేనని నిపుణులు చెబుతున్నారు. ఇంతకీ పరిగడుపున ఎలాంటి ఆహారం తీసుకోకూడదు. అలా తీసుకోవడం వల్ల కలిగే నష్టాలేంటో ఓ లుక్కేయండి..
* ఉదయం లేవగానే ఎట్టి పరిస్థితుల్లో సిట్రస్‌ పండ్లను తీసుకోకూడదు. ఉదాహరణకు నిమ్మకాయ, ఆరేంజ్‌ వంటి పండ్లకు దూరంగా ఉండాలి. వీటిని తీసుకోవడం వల్ల అల్సర్‌, గ్యాస్‌ సంబంధిత సమస్యలు వేధిస్తుంటాయి.
* ఇక ఉదయం నిద్రలేవగానే ఎక్కువగా కారం, ఉప్పు ఉండే ఆహార పదార్థలను తీసుకోకూడదు. ఇలా చేయడం వల్ల కడుపులో మంట, వికారం వంటి ఇబ్బందులు తలెత్తుతుంటాయి. కాబట్టి వీలైనంత వరకు తక్కువ కారం, ఉప్పు ఉండే ఉడికించిన ఆహారమే తీసుకోవాలి.
* సాధారణంగా బ్రేక్‌ ఫాస్ట్‌లో పూరి వంటి ఆయిల్‌తో చేసిన టిఫిన్స్‌ తీసుకుంటుంటారు. అయితే ఆయిల్‌ ఫుడ్ తీసుకోవడం వల్ల కడపులో గ్యాస్‌ ఫామ్‌ అవుతుంది. వీటివల్ల చాతిలో మంట, ఉదర సంబంధిత రుగ్మతలకు గురయ్యే అవకాశాలు ఉంటాయి.
* ఉదయం ఎట్టి పరిస్థితుల్లో సోడా, కూల్‌ డ్రింక్స్‌ వాటికి దూరంగా ఉండాలి. ఇందులో ఉండే టానిక్‌ యాసిడ్‌లు ఆరోగ్యాన్ని తీవ్రంగా ప్రభావితం చేస్తారు.
* పరిగడుపున తీసుకోకూడని ఆహార పదార్థాల్లో స్వీట్లు కూడా ప్రధానమైనవి ఇలాంటి వాటిని తీసుకుంటే పొట్ట భాగంలో కొవ్వు పెరిగే అవకాశం ఉంటుంది.
* టీ, కాఫీలకు కూడా దూరంగా ఉండాలి. వీటి వల్ల కూడా యాసిడ్ స్థాయిలో పెరిగే అవకాశం ఉంటుంది.
నోట్: పైన తెలిపిన విషయాలు ప్రాథమిక సమాచారం మేరకు మాత్రమే. ఆరోగ్యం విషయంలో వైద్యుల సూచనలనే పాటించాలి.
మరిన్ని హెల్త్ ఆర్టికల్స్ కోసం క్లిక్ చేయండి..