Lungs Health Tips: అసలే కరోనా కాలం.. ఊపిరితిత్తుల ఆరోగ్యం కోసం.. ఈ పదార్థాలను అస్సలు తినకండి
Health Tips for Lungs: ఓవైపు దేశవ్యాప్తంగా కరోనావైరస్ మహమ్మారి విజృంభిస్తోంది. ఈ మహమ్మారిని అరికట్టేందుకు శక్తివంతమైన ఊపిరితిత్తులు ఉండటం చాలా ముఖ్యం. ఇలాంటి పరిస్థితిలో, మీరు ఊపిరితిత్తులకు హాని కలిగించే
Health Tips for Lungs: ఓవైపు దేశవ్యాప్తంగా కరోనావైరస్ మహమ్మారి విజృంభిస్తోంది. ఈ మహమ్మారిని అరికట్టేందుకు శక్తివంతమైన ఊపిరితిత్తులు ఉండటం చాలా ముఖ్యం. ఇలాంటి పరిస్థితిలో, మీరు ఊపిరితిత్తులకు హాని కలిగించే పదార్థాలను తీసుకోవడం మానేస్తేనే మంచిదంటున్నారు వైద్య నిపుణులు. అవేంటో ఇప్పుడు చూద్దాం..
మద్యం: అతిగా మద్యం సేవిస్తే ఊపరితిత్తులకు చాలా ప్రమాదం. ఇది కాలేయం, లంగ్స్ను దెబ్బతీస్తుంది. ఇందులో సల్ఫైడ్ శాతం అధికంగా ఉంటుంది. దీని కారణంగా ఉబ్బసం సమస్య అధికమవుతుంది.
ఉప్పు: ఉప్పు ఎక్కువగా తినకూడదు. ఇది లంగ్స్ పనితీరును బలహీనపర్చి అనారోగ్యం బారిన పడేలా చేస్తోంది. దీనిలో ఉండే.. అధిక సోడియం కారణంగా ఉబ్బసం సమస్య ఉత్పన్నమవుతుంది.
ఫ్రైలు: వేపుళ్లను అధికంగా తినడం ఆరోగ్యానికి తీవ్ర ప్రమాదకరం. ఇది చెడు కొలెస్ట్రాల్ను ఎక్కువగా ఉత్పత్తి చేస్తుంది. ఈ కొవ్వు గుండె సమస్యలకు దారితీస్తుంది. ఊబకాయం పెరగడం వల్ల కూడా ఊపిరితిత్తులపై చెడు ప్రభావం కలుగుతుంది.
క్యాబేజీ, బ్రోకోలి: గ్యాస్ సమస్య.. ఊపిరితిత్తులను కూడా ప్రభావితం చేస్తుంది. క్యాబేజీ, బ్రోకోలిలో అధిక మొత్తంలో పోషకాలు ఉంటాయి. అవి ఆమ్లత్వం, ఉబ్బరాన్ని కలిగిస్తాయి. అందువల్ల ఇలాంటి పదార్థాలను ఎక్కువగా తినకూడదు.
కూల్డ్రింక్స్: శీతల పానీయాలను అతిగా తాగకూడదు. ఇందులో చక్కెర అధికంగా ఉంటుంది. ఇవి లంగ్స్పై చెడు ప్రభావాన్ని కలిగిస్తాయి. ఇవి బ్రోన్కైటిస్ సమస్యను మరింత పెంచి అనారోగ్యం బారిన పడేలా చేస్తాయి.