Health Tips: భోజనం తిన్న వెంటనే టీ లేదా కాఫీ తాగుతున్నారా.? అయితే డేంజర్లో పడ్డట్టే.!
మనలో చాయ్కి చాలామంది అభిమానులు ఉంటారు. చాయ్.. మన రెగ్యులర్ లైఫ్లో ఎన్నోసార్లు తీసుకుంటూ ఉంటాం. ఉదయం లేవగానే, బ్రేక్ఫాస్ట్ తర్వాత, మధ్యాహ్నం భోజనం తర్వాత, సాయంత్రం, నైట్ నిద్ర పట్టకపోతే.. ఇలా చాయ్ తాగడం చాలామంది జీవితంలో ఒక భాగం అయిపోయింది.
![Health Tips: భోజనం తిన్న వెంటనే టీ లేదా కాఫీ తాగుతున్నారా.? అయితే డేంజర్లో పడ్డట్టే.!](https://images.tv9telugu.com/wp-content/uploads/2024/06/tea-vs-coffee.jpg?w=1280)
మనలో చాయ్కి చాలామంది అభిమానులు ఉంటారు. చాయ్.. మన రెగ్యులర్ లైఫ్లో ఎన్నోసార్లు తీసుకుంటూ ఉంటాం. ఉదయం లేవగానే, బ్రేక్ఫాస్ట్ తర్వాత, మధ్యాహ్నం భోజనం తర్వాత, సాయంత్రం, నైట్ నిద్ర పట్టకపోతే.. ఇలా చాయ్ తాగడం చాలామంది జీవితంలో ఒక భాగం అయిపోయింది. కానీ టీ కాఫీలు తాగడం వల్ల కలిగే ప్రయోజనాలు ఎన్ని ఉన్నాయో అతిగా తాగడం వల్ల కూడా కలిగే నష్టాలు చాలానే ఉన్నాయని పరిశోధకులు చెబుతున్నారు. టీ కాఫీ ఏదైనా మితంగా తాగితే మంచిదని అతిగా తాగితే ఇబ్బంది తప్పదనేది పరిశోధకుల మాట.
ఇక అసలు విషయానికొస్తే టీ, కాఫీ రెండింటిలోనూ కెఫిన్ అనే ఒక రసాయనం ఉంటుంది. ఈ రసాయనం మనం తినే ఆహారంలోని ఐరన్ వంటి చిన్న చిన్న పోషకాలను శరీరం గ్రహించడంలో ఆటంకం కలిగిస్తుందని ఒక పరిశోధన తెలిపింది. అంటే భోజనానికి గంట ముందు గానీ భోజనం చేసిన గంటలోపు గానీ.. టీ, కాఫీలు తీసుకోకూడదని ఐసిఎంఆర్ కొన్ని సూచనలు చేసింది. కాఫీ, టీ భోజనానికి గంట ముందు లేదా భోజనం తర్వాత గంటలోపు తీసుకుంటే ఆహారం నుంచి మనకు లభించిన పోషకాలు శరీరానికి సరిగ్గా అందవు అని వారి పరిశోధనలో తేలింది.
మరో ఇంట్రెస్టింగ్ అంశం ఏంటంటే.. ఐసీఎంఆర్ సూచనల మేరకు బ్లాక్ టీ, గ్రీన్ టీ ఏదైనా సరే వాటిలో థియోబ్రోమైన్, థియోఫిలిన్, కెఫిన్ లాంటి రసాయనాలు ఉంటాయి. ఇవి శరీరంలోని రక్తనాళాలను సడలించి రక్తప్రసరణను క్రమబద్ధీకరిస్తాయి. దీనివల్ల గుండె జబ్బులు పొట్ట క్యాన్సర్ ప్రమాదాన్ని తగ్గిస్తాయి. కానీ పాలలో టీ, కాఫీలు కలిపితే.. టీ లేదా కాఫీ లేదా పాలు వల్ల కలిగే ప్రయోజనాలు మనకు పూర్తిస్థాయిలో అందవు అని పరిశోధకులు చెప్తున్నారు. విడిగా పాలు, బ్లాక్ చాయ్, గ్రీన్ టీ తాగడం మంచిది. కానీ పాలతో టీ, కాఫీని తీసుకోవడం వల్ల మూడు పదార్థాల వల్ల శరీరానికి లభించే ప్రయోజనాలు పూర్తిస్థాయిలో శరీరానికి అందవు అని పరిశోధకుల అభిప్రాయం.
మరిన్ని లైఫ్ స్టైల్ వార్తల కోసం క్లిక్ చేయండి..