ఆధునిక భారతంలో ఆరోగ్య సంరక్షణలో మార్పులు

Health care transformations in India, ఆధునిక భారతంలో ఆరోగ్య సంరక్షణలో మార్పులు

గత కొన్ని దశాబ్దాలుగా భారతదేశంలో హెల్త్ కేర్ పూర్తిగా పరివర్తన చెందింది. కొద్ధి కాలం క్రితం వైద్యులను దేవతలుగా మరియు ఆసుపత్రులను దేవాలయాలుగా పరిగణించేవారు. కొన్ని దశాబ్దాలుగా హెల్త్ కేర్ ప్రధానంగా ప్రభుత్వ రంగ సౌకర్యాలతో పూర్తిగా మారిపోయింది. భారతదేశంలో సరియైన సౌకర్యాలు లేనందున మెరుగైన వైద్యం కోసం విదేశాలకు వెళ్ళే ధనవంతులు ఏంతో మంది ఉండేవారు. భారతదేశం ఆరోజుల్లో ప్రపంచ ఆరోగ్య సంరక్షణ ఆశించే స్థాయిలో ఉండగా, నేడు ప్రపంచ ఆరోగ్య సంరక్షణ ప్రదాతగానే మారిపోయింది. ప్రస్తుతం మనదేశం ప్రజారోగ్య సంరక్షణ విషయంలో ఎన్నో మార్పులు చోటుచేసుకున్నాయి. ఇంకా అనేక మార్పులు వస్తునే ఉన్నాయి. ఈ మార్పులు మంచివా? లేక చెడ్డవా? అనేది ఇప్పుడు చర్చనీయాంశంగా మారింది. రాబోయే రెండు వారాల్లో నేను ఈ మార్పులు, ఆరోగ్య సంరక్షణ విషయంలో భవిష్యత్తు ఎలా ఉండబోతుందనే విషయాలను విపులంగా చర్చించదలచుకున్నాను.

Health care transformations in India, ఆధునిక భారతంలో ఆరోగ్య సంరక్షణలో మార్పులు

ప్రైవేటు హెల్త్‌కేర్ రంగంలో పెట్టుబడిదారులే ప్రధాన పాత్ర పోషిస్తారు. ఈ రంగంలో ముఖ్యమైన అంశం ఏంటంటే పెట్టుబడిదారుల్లో అంచనాలు మారిపోతున్నాయి. వైద్యుడు మరియు సమాజం మధ్య సంబంధం నమ్మకం మీద ఆధారపడి ఉంటుంది. డాక్టర్ ఏమి చేస్తారనేది ఎవరు అడగరు. అయితే ఈ విషయంలో ఇప్పుడు చాల మార్పులు వచ్చాయి. ఈ రోజు, వైద్యులు మరియు ఆసుపత్రులను కొంత అనుమానంతో చూస్తున్నారు మరియు సమాజంలో వైద్య నిపుణులకు ఉన్న గౌరవం క్షీణిస్తోంది.వైద్యులు ఎటువంటి తప్పు చేయలేని ఒక దశ నుండి, డాక్టర్ యొక్క ప్రతి చర్యను సందేహించే దుస్థితికి ఈ సమాజం చేరుకుంది. ఈ వైఖరితో ఆరోగ్య సంరక్షణ రంగంలో గణనీయమైన మార్పులు వచ్చాయి, వాటి గురించి తరువాత నేను మరింత వివరంగా వివరిస్తాను.
ఎవరైనా అనారోగ్యంతో బాధపడుతున్నప్పుడు వైద్యులు తమ వంతు కృషి చేస్తారు, కాని ఫలితం చివరికి వ్యక్తి యొక్క విధిపై ఆధారపడి ఉంటుంది. ఈ వైఖరి ఇప్పుడు పూర్తిగా మారిపోయింది. ఆధునిక కాలంలో మెరుగైన నైపుణ్యాలు, మెరుగైన సాంకేతిక పరిజ్ఞానం మరియు ప్రపంచ స్థాయి ఆసుపత్రులతో, అంచనాలు ఎక్కువైయ్యాయి. ప్రతి రోగి అనారోగ్యం యొక్క స్వభావంతో సంబంధం లేకుండా కోలుకుంటారని భావిస్తున్నారు. ఇంటర్నెట్ లో పుష్కలంగా సమాచారం అందుబాటులో ఉంది, వీటిలో ఎక్కువ భాగం నమ్మదగినవి కావు. ప్రజలు ఈ సమాచారం మీదే ఎక్కువగా ఆధారపడతారు. వివిధ వెబ్‌సైట్లలో లభించే అశాస్త్రీయ సమాచారానికి వ్యతిరేకంగా వైద్యులు తమ నిర్ణయాలను సమర్థించుకోవడం చాల కష్టమైనా పని.

1980వ దశకంలో ప్రభుత్వ రంగ ఆసుపత్రులు దేశంలో 70% హెల్త్ కేర్ ను అందించాయి. అయితే నేడు ప్రైవేటు ఆరోగ్య రంగం దేశంలో 70% హెల్త్ కేర్ ను అందిస్తుంది. ఇది అతి పెద్ద మార్పు. సమాజంలోని హెల్త్ కేర్ అవసరాలకు అనుగుణంగా జీవించడంలో ప్రభుత్వం విఫలమైందా? లేదా దేశంలో హెల్త్ కేర్ ను ప్రైవేటు రంగం ముందుగానే చేపట్టిందా?

హెల్త్ కేర్ లో లాభాలను చెడ్డ పదంగా భావించారు, కాని నేడు ప్రధాన ప్రైవేటు పెట్టుబడులే భారతదేశంలో హెల్త్ కేర్‌కు మనుగడగా మారిపోయింది. అయితే లాభాలు మాత్రం కీలకం… ఏదీ ఉచితంగా రాదు, ఎవరైనా దాని కోసం కృషిచేయాల్సిందే. మరోవైపు ఆరోగ్య సంరక్షణ కోసం జీడిపి కేటాయింపులు ఎంతమాత్రం సరిపోవడం లేదు. ఆరోగ్య రంగంలో ప్రైవేట్ పెట్టుబడులు తప్పనిసరి.. అదేవిధంగా ఈ పెట్టుబడులే భారతదేశాన్ని ప్రపంచ ఆరోగ్య సంరక్షణ పటంలో ఉండేలా చేసాయి. లాభాలు తప్పనిసరి అయితే, ఈ లాభాలను సంపాదించే పద్దతి, అందులోని పారదర్శకత ముఖ్యమనే విషయాన్ని గమనించాలి.

ఆరోగ్య రక్షణ రంగంలో అనేక మార్పులు చోటుచేసుకుంటున్నప్పటకీ దేశంలో వ్యాధులు కూడా గణనీయంగా పెరుగుతూనే ఉన్నాయి. అంటు వ్యాధులు (సంక్రమణ వ్యాధులు) దేశంలో ప్రధాన వ్యాదులకు దోహదం చేశాయి. స్మాల్ పాక్స్, చికెన్ పాక్స్, మలేరియా, క్షయ రోగుల సంఖ్య పెరిగింది. నాన్-కమ్యూనికేట్ వ్యాధులు (ఎన్‌సిడి) గుండెపోటు, స్ట్రోకులు, క్యాన్సర్, గాయాలు, ఊపిరితిత్తుల వ్యాధులు, మూత్రపిండాల వైఫల్యం మొదలైనవి. జీవనశైలిలో మార్పులు, కాలుష్యం, ఒత్తిడి మరియు అనేక ఇతర కారకాలతో సంక్రమించే వ్యాధులు కూడా ఉన్నాయి. నేడు 60% పైగా మరణాలు నాన్ కమ్యూనికేట్ వ్యాధుల వల్ల సంభవిస్తున్నాయి.

హెల్త్ కేర్ రంగం అవసరానికి అనుగుణంగా ఉందా? ఈ మార్పులు రోగులకు మంచివా? వైద్యులు మరియు ఆసుపత్రులు ప్రయోజనం లేదా ప్రతికూలతతో ఉన్నాయా? ఈ రంగాన్ని ప్రభావితం చేసే నిబంధనలు ఏమిటి? కొత్త వాతావరణంలో సంరక్షణ నాణ్యత మెరుగుపడిందా? గతంలో కంటే ఈ రోజు ఆసుపత్రులు సురక్షితంగా ఉన్నాయా? ఆరోగ్య సంరక్షణ అందుబాటులోనే ఉందా? ఈ రంగంపై కొత్త సాంకేతిక పరిజ్ఞానం యొక్క ప్రభావం ఏమిటి? అనే విషయాలతో పాటు ఆరోగ్య సంరక్షణ భవిష్యత్తుకు సంబంధించి ఇతర సమస్యలపై తదుపరి వ్యాసాలలో తెలియజేస్తాను.

Leave a Reply

Your email address will not be published. Required fields are marked *