Breaking News
  • ఢిల్లీ భారత్ లో విజృంభిస్తున్న కరోనా వైరస్. ఒక లక్ష 65 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 165799. దేశ వ్యాప్తంగా యాక్టీవ్ కేసులు: 89987. కరోనా నుంచి డిశ్చార్జ్ అయిన బాధితులు: 71106. దేశం మొత్తం కరోనా తో మృతుల సంఖ్య : 4706. కేంద్ర ఆరోగ్య మంత్రిత్వ శాఖ.
  • రాజ్యసభ సెక్రటరియేట్లో ఒక విభాగానికి సీల్. అందులో పనిచేసే అధికారికి కోవిడ్-19 పాజిటివ్. శానిటైజ్ చేయడం కోసం కార్యాలయాన్ని సీల్ చేసిన అధికారులు.
  • దేశ రాజధాని ఢిల్లీలో చిరు జల్లులు. వేడిగాలులు, అధిక ఉష్ణోగ్రత నుంచి ఊరట. రానున్న 3 రోజుల్లో మరింత తగ్గనున్న ఉష్ణోగ్రత. గత 4 రోజులుగా రికార్డు స్థాయి అధిక ఉష్ణోగ్రతలు. ఢిల్లీ సహా ఉత్తరాదిన పలు ప్రాంతాల్లో తేలికపాటి వర్షాలు.
  • కరీంనగర్ పట్టణం కిసాన్ నగర్ లో దారుణం.. కన్నతల్లికి కరోనా ఉందంటూ ఇంట్లో నుండి గెంటేసిన కన్న కొడుకులు. ఇటీవలే మహారాష్ట్ర స్టేట్ షోలాపూర్ నుండి కరీంనగర్ కు వచ్చిన తల్లి శ్యామల. కరోనా లేకపోయినా కొడుకులు ఇంట్లో నుండి గెంటి వేయడంతో ఇంటి బయటే రోడ్డు మీద కూర్చొని ఉన్న వృద్ధురాలు. ఇంట్లో నుండి గెంటివేసిన కొడుకులపై చర్యలు తీసుకోవాలని కోరుతున్న స్థానికులు.
  • విశాఖ: కోవిడ్ నకిలీ పాసుల కేసు. డీజీ ఆఫీస్ నుంచి పోలీసులు జారీచెసే వాహనాల పాసులను సృష్టిస్తున్న మాయగాళ్ళు. ఒరిజినల్ పాస్ స్కాన్ చేసి.. వివరాలు మార్చి సొమ్ముచేసుకుంటున్న కేటుగాళ్ళు. ఒక్కోపాసు 3 నుంచి 6 వేలకు అమ్మకాలు.
  • పుల్వామాలో ఉగ్రదాడికి కుట్ర చేసిన వ్యక్తిని గుర్తించిన జమ్ముకశ్మీర్‌ పోలీసులు. పేలుడు పదార్థాలను అమర్చిన కారు హిదయతుల్లా మాలిక్‌కు చెందినదని పోలీసులు వెల్లడి. నిందితుడిని షోపియాన్‌కు చెందిన హిదయతుల్లాగా గుర్తించినట్లు పోలీసులు వెల్లడి. హిజుబుల్‌ ముజాహిద్దీన్‌లో హిదయతుల్లా చేరినట్లు సమాచారం.
  • తెలంగాణ కల సాకారమయ్యింది. తెలంగాణ చరిత్రలో కొండపోచమ్మ సాగర్‌ ఓ ఉజ్వలఘట్టం. నిర్వాసితుల త్యాగాల వల్లే ప్రాజెక్టు సాధ్యమయ్యింది. నిర్వాసిత గ్రామాల యువతకు ఫుడ్‌ ప్రాసెసింగ్‌ యూనిట్లలో ఉద్యోగాలు.

ఫోర్బ్స్ జాబితా.. టాలీవుడ్ నుంచి ప్రభాస్, మహేష్, త్రివిక్రమ్

Tollywood Celebrities in Forbes list, ఫోర్బ్స్ జాబితా.. టాలీవుడ్ నుంచి ప్రభాస్, మహేష్, త్రివిక్రమ్

2019 సంవత్సరానికి గానూ ప్రఖ్యాత ఫోర్బ్స్ మ్యాగజైన్ టాప్ 100 సెలబ్రిటీల జాబితాను విడుదల చేసింది. 2018 అక్టోబర్ 1 నుంచి 2019 సెప్టెంబర్ 30 మధ్య ఆయా సెలబ్రిటీలు సంపాదించిన సంపాదనతో పాటు సెలబ్రిటీల ఫేమ్ పరంగా ఈ ర్యాంకులను ప్రకటించారు. ఇక ఈ లిస్ట్‌లో టాప్ 1లో నిలిచాడు టీమిండియా కెప్టెన్ విరాట్ కోహ్లీ. గతేడాది రెండో స్థానంలో ఉన్న కోహ్లీ.. ఈ ఏడాది మొదట స్థానం సంపాదించుకోవడం విశేషం. అలాగే రెండు, మూడు స్థానాల్లో బాలీవుడ్ నుంచి అక్షయ్ కుమార్, సల్మాన్ ఖాన్ నిలిచారు.

ఇక బాలీవుడ్ నుంచి అమితాబ్ బచ్చన్(4), షారూక్ ఖాన్(6), రణ్‌వీర్ సింగ్(7), అలియా భట్(8), దీపికా పదుకొనే(10)లు టాప్‌ 10లో ఉన్నారు. మరోవైపు టాలీవుడ్ నుంచి ప్రభాస్, మహేష్, త్రివిక్రమ్‌లు టాప్ 100లో స్థానం దక్కించుకున్నారు. గతేడాది ఈ లిస్ట్‌లో లేని ప్రభాస్ ఇప్పుడు 44వ ర్యాంక్‌లో.. గతేడాది 33వ ర్యాంక్‌లో ఉన్న మహేష్ ఇప్పుడు 54వ స్థానంలో నిలిచారు. అయితే మిగిలిన టాప్ హీరోలు ఎవరూ ఈ లిస్ట్‌లో లేకపోగా.. మాటల మాంత్రికుడు త్రివిక్రమ్ 77వ స్థానంలో నిలవడం విశేషం.

కాగా ఇదే లిస్ట్‌లో అటు కోలీవుడ్, మాలీవుడ్ నుంచి రజనీకాంత్(13), ఏఆర్ రెహమాన్(16), కమల్ హాసన్(56), మోహన్ లాల్(27), విజయ్ స్థానాలను దక్కించుకున్నారు. అలాగే క్రీడారంగం నుంచి ధోని(5), సచిన్(9), రోహిత్ శర్మ(11), పీవీ సింధు(63), సైనా నెహ్వాల్(81), మిథాలీ రాజ్(88) ఈ ఏడాది ఫోర్బ్స్ లిస్ట్‌లో నిలిచారు. మొత్తానికి ఈ ఏడాది మన టాలీవుడ్ నుంచి ముగ్గురు ఈ లిస్ట్‌లో నిలవడం గర్వించదగ్గ విషయం.

Related Tags