అప్పుడు రష్మికకు ప్రపోజ్ చేద్దామంటే సరైన ఉంగరం దొరకలేదు : విజయ్ దేవరకొండ

Vijay Deverakonda, Rashmika

స్టార్ కపుల్ విజయ్ దేవరకొండ, రష్మిక మందన్న కలిసి నటించిన రణబాలి సినిమా ప్రస్తుతం థియేటర్స్ లో దూసుకుపోతుంది.. ఇటీవలే ప్రేక్షకుల ముందుకు వచ్చిన ఈ సినిమా సూపర్ హిట్ టాక్ సొంతం చేసుకుంది. రాహుల్ సాంకృత్యాయన్ దర్శకత్వంలో వచ్చిన రణబాలి సినిమాలో విజయ్ దేవరకొండ, రష్మిక తమ పాత్రలతో ప్రేక్షకులను విశేషంగా ఆకట్టుకున్నారు. రోజు రోజుకు రణబాలి సినిమా కలెక్షన్స్ పెంచుకుంటూ దూసుకుపోతుంది. ఇదిలా ఉంటే తాజాగా హీరో విజయ్ దేవరకొండ, నటి రష్మిక మందన్న తమ ప్రేమకథకు సంబంధించి పంచుకున్న వివరాలు అభిమానులను ఆకట్టుకుంటున్నాయి. రష్మికకు ప్రత్యేకంగా ప్రపోజ్ చేయాలని విజయ్ భావించారట. అయితే, చివరి నిమిషంలో అనుకున్నది అనుకున్నట్లుగా జరగలేదట.

రీసెంట్ గా విజయ్, రష్మిక కాఫీ విత్‌ కరణ్‌’ టాక్‌ షోకు హాజరయ్యారు. ఈ కార్యక్రమంలో విరోష్ జంట అనేక విషయాలను పంచుకున్నారు. ఈ క్రమంలోనే తమ ప్రేమ, పెళ్లి గురించి కూడా మాట్లాడారు. సాధారణంగా తాను రొమాంటిక్ విషయాలను ముందుగా ఎక్కువగా ప్లాన్ చేయనని విజయ్ చెప్పారు. అయితే, రష్మిక జీవితంలో గుర్తుండిపోయేలా ఓ అందమైన ప్రపోజల్ మూమెంట్ ఉండాలని విజయ్ కోరుకున్నాడట. అందుకోసం ప్రత్యేకంగా ప్రపోజ్ చేయాలని ప్లాన్ కూడా చేశాడట.

పెళ్లికి ముందు డిసెంబరులో ఇటలీకి వెళ్లిన సమయంలో రష్మికకు ప్రపోజ్ చేయాలని విజయ్ అనుకున్నాడట. అందమైన ప్రదేశంలో తన మనసులోని మాటను చెప్పి, ఆ క్షణాన్ని జీవితాంతం గుర్తుండిపోయే జ్ఞాపకంగా మార్చుకోవాలని భావించాడట. అయితే, ఆ సమయంలో తనకు నచ్చిన ఉంగరం దొరకకపోవడంతో అనుకున్న ప్లాన్ అమలు కాలేదని తెలిపాడు. రష్మికకు ప్రపోజ్ చేయాలనే ఆలోచన ఉన్నప్పటికీ, సరైన ఉంగరం దొరకకపోవడం వల్ల ఆ ప్రత్యేకమైన క్షణాన్ని వాయిదా వేయాల్సి వచ్చిందని సరదాగా గుర్తుచేసుకున్నాడు విజయ్. ఇందుకు సంబందించిన వీడియో ఇప్పుడు సోషల్ మీడియాలో వైరల్ గా మారింది.

మరిన్ని సినిమా వార్తల కోసం ఇక్కడ క్లిక్ చేయండి.