Liger Glimpse-Vijay Devarakonda: యూట్యూబ్‏ను షేక్ చేస్తోన్న లైగర్ గ్లింప్స్.. రికార్డ్స్ కొల్లగొడుతున్న రౌడీ విజయ్..

Liger

రౌడీ హీరో విజయ్ దేవరకొండ.. మాస్ డైరెక్టర్ పూరి జగన్నాథ్ కాంబోలో రూపొందుతున్న చిత్రం లైగర్. పాన్ ఇండియా లెవల్లో తెరకెక్కుతున్న ఈ సినిమా అంచనాలు భారీగానే ఉన్నాయి. ఈ సినిమా కోసం రౌడీ ఫ్యాన్స్ ఆసక్తిగా ఎదురుచూస్తున్నారు. ఇటీవల న్యూఇయర్ సందర్భంగా అభిమానులకు స్పెషల్ గిఫ్ట్ ఇచ్చేశారు పూరి అండ్ టీం. చిత్రప్రమోషన్స్‏లో భాగంగా లైగర్ గ్లింప్స్‌ను రిలీజ్ చేసి విజయ్ దేవరకొండ అభిమానుల్లో జోష్ నింపారు. పూరి మార్క్ యాక్షన్ సన్నివేశాలతో కట్ చేసిన ఈ వీడియో.. విడుదలైన క్షణాల్లోనే సోషల్ మీడియాలో వైరల్‌గా మారింది. విజయ్ దేవరకొండను పూర్తిగా సరికొత్త లుక్‏లో చూపించి ఫ్యాన్స్‏ను ఖుషి చేశారు పూరి. కొత్త సంవత్సరం రోజున విడుదలైన లైగర్ గ్లింప్స్ యూట్యూబ్‏లో రికార్డ్స్ కొల్లగొడుతుంది.

రిలీజ్ అయిన గంటల వ్యవధిలోనే 10 మిలియన్ కు పైగా వ్యూస్ దక్కించుకున్న లైగర్ గ్లింప్స్.. తాజాగా 25 మిలియన్‏కు వ్యూస్ మైలురాయిని చేరింది. 5.5 లక్షల లైక్స్ సొంతం చేసుకుని ఆల్ టైం రికార్డ్ సృష్టించింది. నేషనల్ వైడ్ ట్రెండింగ్ టాప్‏లో దూసుకుపోతూ సంచలనం సృష్టిస్తోంది. అలాగే సోషల్ మీడియాలో విజయ్ దేవరకొండ మేనియా కొనసాగుతుంది. ఈ సినిమాలో విజయ్ కండలు తిరిగిన దేహంతో డిఫరెంట్ మేకోవర్.. సరికొత్త యాటిట్యూడ్‏తో కనిపించడంతో రౌడీ ఫ్యాన్స్ ఖుషి అవుతున్నారు. మిక్స్డ్ మార్షల్ ఆర్ట్స్ కథాంశంతో హై వోల్డేజ్ యాక్షన్ ఎపిసోడ్స్‏తో లైగర్ మూవీ తెరకెక్కుతుండగా.. ఇందులో బాక్సర్‏గా కనిపించనున్నాడు విజయ్. ఈ సినిమాతో విజయ్ పాన్ ఇండియా స్టార్‏గా మారబోతున్నారు.

ఈ పాన్ ఇండియా మూవీని పూరి కనెక్ట్స్, ధర్మ ప్రొడక్షన్స్ బ్యానర్లపై ఛార్మి, పూరి జగన్నాథ్, కరణ్ జోహార్ సంయుక్తంగా నిర్మిస్తున్నారు. ఇందులో విజయ్ సరసన బాలీవుడ్ బ్యూటీ అనన్య పాండే హీరోయిన్‏గా నటిస్తుండగా.. సీనియర్ నటి రమ్యకృష్ణ కీలకపాత్ర పోషిస్తున్నారు. ఈ సినిమా ద్వారా ప్రపంచ ప్రఖ్యాత బాక్సర్ మైక్ టైసన్ తెలుగు ప్రేక్షకులకు పరిచయం కాబోతున్నారు.

ఛాయ్ వాలా టు బాక్సర్.. ముంబై లో ఛాయ్ వాలా గా జీవనం సాగించే వ్యక్తి ఎలా బాక్సర్ గా ఎదిగాడన్నది గ్లింప్స్‏లో చూపించారు పూరి. లైగర్ సినిమాలో మైక్ టైసన్ పాత్ర చాలా కీలకంగా ఉండనున్నట్లుగా తెలుస్తోంది. శరవేగంగా షూటింగ్ జరుపుకుంటున్న ఈ సినిమా.. ఆగస్ట్ 25న ప్రేక్షకుల ముందుకు రాబోతుంది.

Also Read: Pushpa: నెట్టింట్లో బన్నీ మేనియా..  అమెజాన్ ప్రైమ్‏లో పుష్ప.. స్ట్రీమింగ్ డేట్ ఇదేనంటూ.. 

Bellamkonda Srinivas: టాకీ పార్ట్ పూర్తిచేసుకున్న హిందీ ఛత్రపతి.. త్వరలోనే ప్రేక్షకుల ముందుకు..

Balakrishna: బాలకృష్ణ సినిమాలో విలన్‏గా కన్నడ హీరో.. అధికారికంగా ప్రకటించిన చిత్రయూనిట్..

Ram Gopal Varma: అధికారం ఇచ్చింది మా తలపై కూర్చోవడానికి కాదు.. రామ్ గోపాల్ వర్మ సంచలన వ్యాఖ్యలు