Tollywood: తల్లికాబోతున్న టాలీవుడ్ క్రేజీ హీరోయిన్.. ఫొటోస్ వైరల్.. ఎవరో గుర్తు పట్టారా?

టాలీవుడ్ ప్రముఖ హీరోయిన్ శుభవార్త చెప్పింది. త్వరలోనే తాను తల్లిగా ప్రమోషన్ పొందనున్నట్లు సోషల్ మీడియా వేదికగా అందరితో షేర్ చేసుకుంది. దీంతో పలువురు సినీ ప్రముఖులు, అభిమానులు, నెటిజన్లు ఈ ముద్దుగుమ్మకు అభినందనలు, శుభాకాంక్షలు తెలుపుతున్నారు. ప్రస్తుతం ఈ బ్యూటీ బేబీ బంప్ ఫొటోలు కూడా నెట్టింట వైరలవుతున్నాయి.

Tollywood Actress

Basha Shek |

Updated on: Jan 06, 2025 | 5:05 PM

హరిప్రియ అంటే చాలామంది గుర్తు పట్టలేకపోవచ్చు కానీ నాని నటించిన పిల్ల జమీందార్ సినిమా హీరోయిన్ అంటే ఇట్టే కళ్ల ముందు మెదులుతుంది. ఇందులో అచ్చమైన పదహారణాల తెలుగు అమ్మాయి సింధు పాత్రలో అద్భుతంగా నటించింది హరిప్రియ. పేరుకు కన్నడ ఇండస్ట్రీనే అయినా పక్కింటమ్మాయిలా అందరి మన్ననలు అందుకుంది. పిల్ల జమీందార్ సినిమాలో హరి ప్రియ అందం, అభినయానికి మంచి మార్కులు పడ్డాయి. తకిత తకిట సినిమాతో టాలీవుడ్ లోకి అడుగు పెట్టిందీ అందాల తార. రెండో సినిమా పిల్ల జమీందార్ హిట్ కావడంతో ఈ ముద్దుగుమ్మకు వరుసగా సినిమా అవకాశౄలు వచ్చాయి. వరుణ్ సందేశ్‌తో కలిసి అబ్బాయి క్లాస్- అమ్మాయి మాస్, ఈ వర్షం సాక్షిగా సినిమాల్లో హీరోయిన్ గా నటించి మెప్పించింది. అలాగే బాలకృష్ణతో కలిసి జై సింహా సినిమాలో స్క్రీన్‌ షేర్ చేసుకుంది. అయితే దీని తర్వాత తెలుగు వెండి తెరపై కనిపించలేదీ అందాల తార. కానీ కన్నడ సినిమాలో మాత్రం స్టార్ హీరోయిన్ గా క్రేజ్ సొంతం చేసుకుంది. బెల్ బోటమ్, కురక్షేత్ర, పెట్రోమాక్స్ వంటి బ్లాక్ బస్టర్ సినిమాలతో కన్నడ ఆడియెన్స్ కు బాగా చేరువైపోయింది.

సినిమాల సంగతి పక్కన పెడితే.. హరిప్రియ 2023లో వశిష్టతో కలిసి వివాహ బంధంలోకి అడుగుపెట్టింది. అన్నట్లు భర్త కూడా ప్రముఖ నటుడే. కేజీఎఫ్ సినిమాలో ప్రతినాయకుడిగా కనిపించిన వశిష్ట నారప్ప, నయీం డైరీస్‌, ఓదెల రైల్వేస్టేషన్ తదితర తెలుగు సినిమాల్లో నూ యాక్ట్ చేశాడు. చివరిగా చాందినీ చౌదరి ప్రధాన పాత్రలో వచ్చిన ఏవమ్ సినిమాలోనూ ప్రతినాయకుడిగా నటించాడు.

ఇవి కూడా చదవండి

భర్త వశిష్టతో హరి ప్రియ..

View this post on Instagram

A post shared by Hariprriya Simha (@iamhariprriya)

కాగా హరిప్రియ ఇప్పుడు 9 నెలల గర్భవతి. అంటే త్వరలోనే ఆమె ఓ పండంటి బిడ్డకు జన్మనివ్వనుందన్న మాట. తాజాగా ఓ ప్రైవేట్ రిసార్ట్‌లో హరిప్రియ సీమంతం వే డుకగా జరిగింది. ఈ కార్యక్రమానికి కుటుంబ సభ్యులు, బంధువులు, స్నేహితులు హాజరయ్యారు.