Sonu Sood: బిడ్డకు సోనూసూద్ పేరు పెట్టుకున్న ఖమ్మం దంపతులు.. నేరుగా కలిసిన రియల్ హీరో..

కష్టం అన్నవారికి లేదనుకుండా సాయం అందిస్తూ అంతులేని అభిమానాన్ని సొంతం చేసుసుకున్నాడు సోనూసూద్ 

Sonu Sood: లాక్‏డౌన్ సమయంలో వేలాది మంది వలస కార్మికులకు, విద్యార్థులకు, నిరుద్యోగులకు సాయం చేసి రియల్ హీరోగా మారాడు సోనూసూద్. అంతేకాదు లాక్‏డౌన్ అనంతరం కూడా సోనూ..సహాయం చేయడం మాత్రం ఆపలేదు. సాయం కావాలంటూ.. ఎవరు అడిగిన లేదనకుండా సహాయం చేశాడు. తన సంపాదన కరిగిపోయినా కానీ.. వలస కార్మికులకు సాయాన్ని అందించాడు. దీంతో చాలా మంది సోనూసూద్‏ను రియల్ హీరోగా.. తమ ఆరాధ్య దేవుడిగా కొలిచారు.  మరికొంతమంది వలస  కార్మికులు తమ దుకాణాలకు ఆయన పేరు పెట్టుకొని కృతజ్ఞత చాటుకున్నారు. ఇదిలా ఉంటే.. ఇటీవల ఖమ్మం జిల్లాకు చెందిన ఓ జంట తమ కూతురికి సోనూ సూద్ పేరు వచ్చేలా.. సోనాలి సూద్ అని పేరు పెట్టుకున్న విషయం తెలిసిందే.  తాజాగా వారిని కలిసాడు రియల్ హీరో.

Sonu Sood 1

బోనకల్ మండలం ముష్టికుంట్ల గ్రామానికి చెందిన పండగ నవీన్ ఆర్ఎంపీగా పనిచేస్తుంటారు. నవీన్, త్రివేణి దంపతులకు ఇటీవల కూతురికి జన్మించింది. ఆ చిన్నారికి సోనాలి సూద్ అని పేరు పెట్టారు. ఫిబ్రవరి 2న పాపకు అన్నప్రాసన కార్యక్రమం నిర్వహించారు. ఈ వేడుకకు రావాలంటూ.. సోనూసూద్‏ను ఆహ్వానిస్తూ.. ఆహ్వాన పత్రికను ముద్రించారు. ఇక ఆ పత్రిక సోషల్ మీడియాలో హాల్ చల్ చేసిన సంగతి తెలిసిందే… ఇదిలా ఉంటే.. రియల్ హీరో ఆ జంటను కలిశాడు. ఆ కుటుంబాన్ని కలిసి.. వారితో సెల్ఫీ తీసుకున్నాడు. ఇందుకు సంబంధించిన ఫోటోలు నెట్టింట్లో వైరల్ అవుతున్నాయి.

Sonu Sood 2

సోనూసూద్ చివరిసారిగా అల్లుడు అదుర్స్ సినిమాలో కనిపించాడు. ప్రస్తుతం సోనూ.. కొరటాల శివ దర్శకత్వంలో మెగాస్టార్ చిరంజీవి నటిస్తున్న ఆచార్య సినిమాలో నటిస్తున్నారు. ఇందులో రామ్, పూజా హెగ్డే కీలక పాత్రలలో నటిస్తున్నారు. చిరంజీవికి జోడీగా కాజల్ అగర్వాల్ హీరోయిన్‏గా నటిస్తుంది. కొణిదెల ప్రొడక్షన్స్, మ్యాట్నీ ఎంటర్ టైన్మెంట్స్ బ్యానర్లపై మెగా పవర్ స్టార్ రాంచరణ్, నిరంజన్ రెడ్డి సంయుక్తంగా నిర్మిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతుంది. ఈ మూవీని మే 13న దేశ వ్యాప్తంగా విడుదల చేయనున్నట్లుగా ఇప్పటికే చిత్రయూనిట్ ప్రకటించింది.

ట్వీట్..

Also Read:

కిడ్నీ ఫెయిల్యూర్.. గుండె సమస్యలతో ఉన్న నన్ను సినిమాలే హీరోగా మార్చాయి.. ఆసక్తికర విషయాలను చెప్పిన రానా..

Tollywood Actresses in Sarees : నల్లటి చీరలో మెరిసిన టాలీవుడ్ ముద్దుగుమ్మలు.. ఎంత సొగసో.. సుమీ