Ram Charan: అంబానీ ప్రీ వెడ్డింగ్‌లో చెర్రీని అవమానించిన షారుఖ్.. మేకప్ ఆర్టిస్ట్ సంచలన పోస్ట్.. అసలేమైందంటే?
సినిమాల సంగతి పక్కన పెడితే తోటి నటీ నటులతోనూ షారుఖ్ ఖాన్ ఎంతో హుందాగా నడుచుకుంటాడు. చిన్నా పెద్దా అన్న తారతమ్యం చూపించడు. అయితే అనంత్ అంబానీ, రాధిక మర్చెంట్ ల ప్రీ వెడ్డింగ్ వేడుకల్లో షషారుక్‌ మాట్లాడిన తీరు చాలా మందికి నచ్చడం లేదు. మెగా పవర్ స్టార్, గ్లోబల్ స్టార్ రామ్ చరణ్ ను ఉద్దేశిస్తూ..
భారతీయ సినిమా ఇండస్ట్రీలో షారూఖ్ ఖాన్ క్రేజ్ గురించి ప్రత్యేకంగా చెప్పక్కర్లేదు. బాలీవుడ్‌లోనే కాకుండా ప్రపంచ వ్యాప్తంగా కింగ్ ఖాన్ కు అభిమానులు ఉన్నారు. సినిమాల సంగతి పక్కన పెడితే తోటి నటీ నటులతోనూ షారుఖ్ ఖాన్ ఎంతో హుందాగా నడుచుకుంటాడు. చిన్నా పెద్దా అన్న తారతమ్యం చూపించడు. అయితే అనంత్ అంబానీ, రాధిక మర్చెంట్ ల ప్రీ వెడ్డింగ్ వేడుకల్లో షషారుక్‌ మాట్లాడిన తీరు చాలా మందికి నచ్చడం లేదు. మెగా పవర్ స్టార్, గ్లోబల్ స్టార్ రామ్ చరణ్ ను ఉద్దేశిస్తూ ‘ఇడ్లీ వడ’ అనడంపై షారుఖ్ పై మెగా ఫ్యాన్స్ గుస్సా అవుతున్నారు. వివరాల్లోకి వెళితే.. అనంత్ అంబానీ, రాధికా మర్చంట్ ప్రీ వెడ్డింగ్ ఫంక్షన్‌కు షారుఖ్ ఖాన్, అమీర్ ఖాన్ ,సల్మాన్ ఖాన్ హాజరయ్యారు. ‘ఆర్‌ఆర్‌ఆర్‌’ చిత్రంలోని ‘నాటు నాటు..’ పాటకు వీరందరూ కలిసి స్టెప్పులేశారు. అయితే సల్మాన్, ఆమిర్ సరిగా చేయకపోవడంతో రామ్ చరణ్ ను స్టేజ్ మీదకు పిలిచాడు షారుఖ్ ఖాన్. అయితే ఇక్కడే కింగ్ ఖాన్ నోరు జారాడని రామ్ చరణ్ మేకప్ ఆర్టిస్ట్ జీబా హసన్ ఆరోపిస్తోంది. ‘ఇడ్లీ, వడ రామ్ చరణ్ ఎక్కడున్నావ్ నువ్వు?’ అని షారుఖ్ అన్నాడని, అది విన్న తర్వాత తాను చాలా అవమానంగా భావించి ఆ ఈవెంట్ నుంచి బయటకు వచ్చేసినట్లు జీబా సోషల్‌ మీడియాలో ఓ పోస్ట్ పెట్టింది. గ్లోబల్ స్టార్ గా గుర్తింపు పొందిన రామ్ చరణ్ ను అలా పిలవడం దారుణమంటూ ఆమె పోస్టులో ఆగ్రహం వ్యక్తం చేసింది. దక్షిణాది హీరోలంటే నార్త్ వాళ్లకు ఎప్పటి నుంచో చిన్నచూపు ఉందంటూ జీబా ఫైర్ అయ్యింది.
తాను షారుఖ్ కు పెద్ద అభిమానిని అని, అయితే రామ్ చరణ్ ను అతను స్టేజ్ పై అవమానించిన తీరు తనకు నచ్చలేదని జీబా తన ఇన్ స్టా స్టోరీస్ పోస్ట్ లో తెలిపింది. రామ్ చరణ్ కు చాలా రోజులుగా జీబా మేకప్ ఆర్టిస్ట్ గా ఉంటోంది. ప్రస్తుతం ఆమె పోస్ట్ సామాజిక మాధ్యమాల్లో వైరల్ గా మారింది. ఇది చూసిన రామ్ చరణ్ అభిమానులు షారుఖ్ ఖాన్ పై ఆగ్రహం వ్యక్తం చేస్తున్నారు. షారుఖ్ నుంచి ఇలాంటిది తాము అసలు ఊహించలేదంటూ కామెంట్స్ చేస్తున్నారు. ఇక సినిమాల విషయానికి వస్తే.. రామ్ చరణ్ ప్రస్తుతం ‘గేమ్ ఛేంజర్’ సినిమాతో బిజీగా ఉన్నాడు.
రామ్ చరణ్ ను అలా పిలవడంపై ఫ్యాన్స్ ఫైర్..
Shah Rukh Khan must not casually pass racist comments towards a particular community.
Zeba who is the make-up artist of Ram Charan’s wife has rightly called out him for that thing. pic.twitter.com/FdLxwCF8pP— Abhishek Ojha (@vicharabhio) March 4, 2024
మరిన్ని సినిమా వార్తల కోసం ఇక్కడ క్లిక్ చేయండి..