Harom Hara: సుధీర్ ఫస్ట్‌ పాన్‌ ఇండియా మూవీ.. ప్రభాస్‌ చేతుల మీదుగా టీజర్‌ లాంచ్‌.. టైమ్ ఇదే

Prabhas, Sudheer Babu

టాలీవుడ్‌ యంగ్‌ సుధీర్ బాబు నటించిన తొలి పాన్ ఇండియా మూవీ ‘హరోమ్ హర’. ఫస్ట్ లుక్ తోనే అంచనాలను పెంచేసింది. ఈ సినిమా టీజర్‌ను ఐదు భాషల్లో విడుదల చేయనున్నారు. హరోమ్ హర టీజర్ తెలుగు, కన్నడ, తమిళం, మలయాళం, హిందీ భాషలలో విడుదల కానుంది. ఆయా భాషల సూపర్ స్టార్లు ఈ ఐదు భాషలలో టీజర్‌ను విడుదల చేయనున్నారు. తెలుగులో పాన్‌ ఇండియా సూపర్‌ స్టార్‌ ప్రభాస్, కన్నడలో కిచ్చా సుదీప్, మలయాళంలో మమ్ముట్టి, తమిళంలో విజయ్ సేతుపతి, హిందీలో టైగర్ ష్రాఫ్ హరోం హర సినిమా స్నీక్‌పీక్‌ని రిలీజ్‌ చేయనున్నారు. సోమవారం (నవంబర్ 27) మధ్యాహ్నం 2 గంటల 30 నిమిషాలకు హరోం హర టీజర్‌ రిలీజ్ కానుంది. సోషల్ మీడియా ద్వారా ఈ టీజర్‌ను ప్రభాస్ ఆవిష్కరించనున్నారు. అదే, సమయంలో హైదరాబాద్‍లోని ఏఏఏ సినిమాస్‍లో టీజర్ లాంచ్ ఈవెంట్ కూడా జరగనుంది.

హరోమ్ హర సినిమాలో సుధీర్ బాబు సరసన మాళవిక శర్మ కథానాయికగా నటిస్తోంది. కన్నడ నటుడు అర్జున్ గౌడ సునీల్ విలన్‌గా నటిస్తున్నాడు. ‘హరోమ్ హర’ పాన్ ఇండియా సినిమా. సినిమా చివరి దశ పెండింగ్‌లో ఉంది. 1989లో చిత్తూరు జిల్లా కుప్పంలో జరిగిన యదార్థ సంఘటనల ఆధారంగా ఈ కథను రూపొందించారు. ఈ చిత్రానికి జ్ఞానసాగర్ ద్వారక దర్శకత్వం వహించారు. సుమంత్ జీ నాయుడు భారీ ఎత్తున నిర్మిస్తున్నారు. చేతన్‌ భరద్వాజ్ నేపథ్య సంగీతం సమకూర్చగా, అరవింద్ విశ్వనాథన్ సినిమాటోగ్రఫీ అందించారు. శ్రీ సుబ్రహ్మణ్యేశ్వర్ సిమిమాస్ బ్యానర్‌పై హరోమ్ హర సినిమా రూపొందుతోంది. . వచ్చే ఏడాది హరోం హర మూవీ రిలీజ్ కానున్నట్లు తెలుస్తోంది.

ఈరోజు మధ్యాహ్నం టీజర్ లాంచ్

మరిన్ని సినిమా వార్తల కోసం ఇక్కడ క్లిక్ చేయండి.