Adipurush: రామాయణంలో విభీషణుడి భార్య ఇలా ఉంటుందా ?.. మరో సమస్యలో ఆదిపురుష్..

వాల్మీకి రాసిన రామాయణం కాకుండా.. డైరెక్టర్ ఓంరౌత్ తన ఇష్టానుసారం తెరకెక్కించి.. రామాయణాన్ని వక్రీకరించారని సినీ ప్రముఖులు సైతం ఆగ్రహం వ్యక్తం చేస్తున్నారు. మరోవైపు ఈ సినిమాను బ్యాన్ చేయాలంటూ నిరసనలు వ్యక్తం చేస్తున్నారు ప్రజలు. ఈ సినిమాలో హనుమ పాత్రలు మాస్ డైలాగ్స్ పెట్టడం.. అలాగే రాముడు, సీత పాత్రల కాస్ట్యూమ్స్ పై ట్రోలింగ్ జరుగుతుంది.

Adipurush Movie

Rajitha Chanti | Edited By: Ravi Kiran|
Updated on: Jun 21, 2023 | 5:45 AM

ప్రస్తుతం బాక్సాఫీస్ వద్ద భారీగా వసూళ్లు రాబడుతున్న చిత్రం ఆదిపురుష్. ఓవైపు కలెక్షన్స్.. మరోవైపు విమర్శలు..అదే స్థాయిలో ఉన్నాయి. రామాయణం ఇతిహాసం ఆధారంగా బాలీవుడ్ డైరెక్టర్ ఓంరౌత్ తెరకెక్కించిన ఈ సినిమాపై దేశవ్యాప్తంగా తీవ్రస్థాయిలో నెగిటివిటీ వస్తుంది. ఎన్నో అంచనాల మధ్య విడుదలైన ఈ సినిమా మరోసారి ప్రభాస్ అభిమానులను నిరాశకు గురిచేసింది. వాల్మీకి రాసిన రామాయణం కాకుండా.. డైరెక్టర్ ఓంరౌత్ తన ఇష్టానుసారం తెరకెక్కించి.. రామాయణాన్ని వక్రీకరించారని సినీ ప్రముఖులు సైతం ఆగ్రహం వ్యక్తం చేస్తున్నారు. మరోవైపు ఈ సినిమాను బ్యాన్ చేయాలంటూ నిరసనలు వ్యక్తం చేస్తున్నారు ప్రజలు. ఈ సినిమాలో హనుమ పాత్రలు మాస్ డైలాగ్స్ పెట్టడం.. అలాగే రాముడు, సీత పాత్రల కాస్ట్యూమ్స్ పై ట్రోలింగ్ జరుగుతుంది.

అంతేకాదు.. డైరెక్టర్ రామాయణాన్ని తెరకెక్కించాము అని చెప్పగా.. మేము అసలు రామాయణం రూపొందించలేదు అంటూ రైటర్ మనోజ్ చెప్పడంతో మరిన్ని విమర్శలు వచ్చాయి. ఇక ఇటీవల ఓ ఇంటర్వ్యూలో హనుమంతుడు అసలు దేవుడే కాదు.. కేవలం భక్తుడు మాత్రమే అంటూ మరోసారి రైటర్ మనోజ్ కామెంట్స్ చేయడం మరింత వివాదాస్పదమయ్యింది. ఇక ఇప్పుడు ఆదిపురుష్ సినిమా మరో సమస్యలో పడింది.

ఈ చిత్రంలో విభీషణుడి భార్య కనిపిస్తుంది. అయితే ఆమె క్యారెక్టర్ ని డిజైన్ చేసిన విధానం ఇప్పుడు ప్రజలకు నచ్చడం లేదు. నిజంగా విభీషణుడి భార్య అలా ఉంటుందా ? అనే సందేహం కలుగుతుంది. ఇందులో ఆమె స్లీవ్ లెస్ వేసి కనిపించడం.. రాత్రివేళ గుడారాల మధ్యన బయటకొచ్చి పైట సర్దుకుని వస్తున్నట్లుగా ఆమెను చూపించడం.. ఇక లక్ష్మణుడు మూర్ఛబోతే విభీషణుడి భార్య సంజీవిని గురించి చెప్పడం.. ఆ తర్వాత ఆమె దగ్గరుండి లక్ష్మణుడికి సపర్యలు చేస్తున్నట్లు చూపించడం మరింత ఆశ్చర్యం కలిగించింది. అలాగే రాముడి యుద్ధ శిబిరంలో ఆమె ఎందుకు ఉంది అనే అనుమానం కలుగుతున్నాయి. ఇదిలా ఉంటే.. ఆదిపురుష్ సినిమాలో విభీషణుడి భార్య గా నటించింది తృప్తి దోరద్మల్ అలియాస్ అయేష్ మధుకర్. బుల్లితెరపై ఆమె ఫేమస్ నటి.

ఇవి కూడా చదవండి