Bangarraju Movie: సస్పెన్స్‏కు చెక్ పెట్టిన నాగ్.. ఎట్టకేలకు పట్టాలెక్కిన బంగార్రాజు..

Bangarraju

చాలా కాలంగా ఎదురుచూస్తున్న సస్పెన్స్‏కు చెక్ పెట్టేశాడు కింగ్ నాగార్జున. నాగ్ ప్రధాన పాత్రలో నటించిన సోగ్గాడే చిన్ని నాయన సినిమా సూపర్ హిట్ అందుకున్న సంగతి తెలిసిందే. ఈ మూవీకి ప్రీక్వెల్‌‌‌గా బంగార్రాజు సినిమా చేయనున్నట్లుగా గతంలోనే ప్రకటించాడు డైరెక్టర్ కళ్యాణ్ కృష్ణ. అయితే అనూహ్య కారణాలతో ఈ సినిమా ఇప్పటి వరకు పట్టాలెక్కలేదు. దీంతో బంగార్రాజు మూవీ స్టార్ట్ అవుతుందా ? లేదా ? అనే సందేహాలు చాలా వరకు వ్యక్తమయ్యాయి. ఈ క్రమంలోనే ఇటీవల ఈ మూవీ షూటింగ్ ఈనెలలో ప్రారంభం కాబోతున్నట్లుగా ఫిల్మ్ సర్కిల్లో టాక్ నడిచింది. ఇక ఇప్పటివరకు సోషల్ మీడియాలో చక్కర్లు కొట్టిన రూమర్స్‏కు స్వస్తీ పలికింది చిత్రయూనిట్. ఈరోజు (ఆగస్ట్ 20న) బంగార్రాజు మూవీ పూజా కార్యక్రమాలతో లాంఛనంగా ప్రారంభమైంది.

హైదరాబాద్‏లోని అన్నపూర్ణ స్టూడియోలో జరిగిన బంగార్రాజు సినిమా ముహుర్తపు కార్యక్రమానికి నాగచైతన్య, నాగార్జున, కృతి శెట్టి, డైరెక్టర్ కళ్యాణ్ కృష్ణ, మ్యూజిక్ డైరెక్టర్ అనూప్ రూబెన్స్, నాగ సుశీల తదితరులు హాజరయ్యారు. ఇక ఈ సినిమా రెగ్యూలర్ షూటింగ్ ఈనెల 25 నుంచి ప్రారంభం కానుంది. ఇప్పటికే బంగార్రాజు కోసం ఆర్ట్ డైరెక్టర్ రవీందర్ నేతృత్వంలో సెట్స్ నిర్మాణం కూడా పూర్తైనట్లుగా తెలుస్తోంది. ఇందులో నాగ్ సరసన రమ్యకృష్ణ నటించనుండగా.. చైతూకు జోడీగా కృతి శెట్టి హీరోయిన్‏గా నటించనుంది. అన్నపూర్ణ స్టూడియోస్ బ్యానర్ పై అక్కినేని నాగార్జున ఈ చిత్రాన్ని నిర్మిస్తున్నారు. అలాగే సోగ్గాడే చిన్ని నాయనా సినిమాకు పనిచేసిన నటీనటులు, సాంకేతిక నిపుణులు బంగార్రాజు కోసం కూడా పనిచేయనున్నారు. ప్రస్తుతం నాగ్.. ప్రవీణ్ సత్తారు దర్శకత్వంలో ఓ సినిమా చేస్తున్నాడు. ఇందులో కాజల్ హీరోయిన్‏గా నటిస్తోంది.

ట్వీట్..

Also Read: KGF-2: సంచలనాల కేజీఎఫ్ 2.. సౌత్ శాటిలైట్ రేట్స్ ఎవరికి దక్కాయో తెలుసా ?

Tharagathi Gadi Daati Movie Review: ఆహాలో విడుదలైన తరగతి గది దాటి.. ఎలా ఉందంటే..