స్టార్ హీరోతో విబేధాలు.. కొడుకు కోసం ఆస్తిమొత్తం పోగొట్టుకున్నాడు.. చివరకు

నటనా రంగంలో  రూపం, ఆహార్యం కంటే ప్రతిభే ముఖ్యమని నిరూపించిన గొప్ప నటుడు నగేష్. తమిళ చిత్రసీమలో హాస్యనటుడిగా, సహాయ నటుడిగా, కథానాయకుడిగా తనకంటూ ఒక ప్రత్యేక స్థానాన్ని ఏర్పరచుకున్నారు నగేష్. ఆయన జీవిత ప్రయాణం ఎందరికో ఆదర్శంగా నిలిచింది. ధారాపురం, తమిళనాడులో జన్మించిన నగేష్, చిన్ననాటి నుంచే చదువుపై ఆసక్తి చూపారు. కష్టపడి చదువుకుని మద్రాసు చేరి, అక్కడ రైల్వే క్లర్క్‌గా ఉద్యోగం సంపాదించారు. ఈ సమయంలోనే నాటకాల పట్ల ఆయనకున్న అభిరుచి పెరిగింది. రైల్వే అసోసియేషన్ నిర్వహించిన నాటకాలలో చురుకుగా పాల్గొని తన అద్భుతమైన నటనతో అందరినీ ఆకట్టుకున్నారు. ఒకానొక సందర్భంలో ఎం.జి.ఆర్. ఒక నాటకాన్ని చూసి నగేష్ నటనా శైలిని, ఆయన డైలాగ్ డెలివరీని, హావభావాలను ప్రశంసించారు. ఆయన సినీరంగంలో రాణిస్తారని చెప్పిన మాట నగేష్‌ను సినిమాల వైపు ప్రోత్సహించింది. తొలిదశలో చిన్న చిన్న వేషాలతో ప్రారంభించి, క్రమంగా తనకంటూ ఒక ప్రత్యేక గుర్తింపును తెచ్చుకున్నారు. కె. బాలచందర్ దర్శకత్వంలో వచ్చిన “సర్వర్ సుందరం” ఆయన కెరీర్‌లో ఒక మలుపు.

ఇది కూడా చదవండి :

చిరంజీవికి విలన్‌గా చేయడమే నాజీవితంలో అతి పెద్ద కోరిక.. నటుడి ఎమోషనల్ కామెంట్స్

తమిళ చిత్రసీమలో అగ్రతారలైన ఎం.జి.ఆర్, శివాజీ గణేశన్, జెమిని గణేశన్ వంటి వారందరి సినిమాలలోనూ నగేష్ నటించారు. ఆయన టైమింగ్, నృత్యాలు తెలుగులో రాజబాబు వంటి హాస్యనటులను ప్రభావితం చేశాయి. వెయ్యికి పైగా చిత్రాలలో నటించి, సినీ చరిత్రలో ఒక అరుదైన రికార్డును సొంతం చేసుకున్నారు. తెలుగు ప్రేక్షకులకు కూడా ఆయన సుపరిచితులే. పవన్ కళ్యాణ్ నటించిన “తొలిప్రేమ” చిత్రంలో ఆయన నటన గుర్తుండిపోతుంది. అంతకుముందు ఎన్.టి.ఆర్. తో కలిసి “మనుషులంతా ఒకటే”, “వేటగాడు”, “విజేత”, “దేవత” వంటి చిత్రాలలో కూడా నటించారు. రామానాయుడు వంటి నిర్మాతలు ఆయనలోని రచయితను, దర్శకుడిని గుర్తించి “మొరటోడు” వంటి చిత్రానికి దర్శకత్వ అవకాశం కూడా ఇచ్చారు.

ఇది కూడా చదవండి :

ఆ హీరోతో ఒక పాటలోనైనా కలిసి డ్యాన్స్ చేయాలి.. అదే నా కోరిక : ఇంద్రజ

అయితే, నగేష్ జీవితంలో ఎన్నో ఎత్తుపల్లాలను చవిచూశారు. ఒకానొక సందర్భంలో ఎం.జి.ఆర్.తో విభేదాలు ఏర్పడ్డాయి. పాండి బజార్‌లో ఆయన నిర్మించిన థియేటర్ నిర్మాణం పన్నుల సమస్యలతో నిలిచిపోవడం కూడా ఆయన్ని ఆర్థికంగా దెబ్బతీసింది. అత్యంత బాధాకరమైన సంఘటన ఏమిటంటే, తన తల్లి రుక్మిణమ్మకు ఎంతో ఇష్టంగా కొనిచ్చిన కారులోనే ఆమె మరణించడం. ఈ సంఘటన ఆయనను తీవ్రంగా కలచివేసింది. ఒక్కగానొక్క కొడుకు ఆనంద్‌ను హీరోగా నిలబెట్టడానికి ఎంతో కష్టపడ్డారు. అతని చిత్రాల నిర్మాణం కోసం తన ఆస్తులను కోల్పోయారు. రియల్ ఎస్టేట్‌లో పెట్టిన పెట్టుబడులు కూడా నష్టాలను మిగిల్చాయి. వరుస ఆర్థిక నష్టాలు, కుటుంబ కష్టాలు ఆయన ఆరోగ్యంపై తీవ్ర ప్రభావం చూపాయి. 2009 జనవరి 1వ తేదీన, 75వ ఏట గుండెపోటుతో నగేష్ తుది శ్వాస విడిచారు. ఆయన మరణం తమిళ చిత్ర పరిశ్రమకు పెద్ద షాక్

ఇవి కూడా చదవండి

ఆ ఒక్క సినిమా నా కెరీర్ మార్చేసింది..

ఆ హీరోతో ఒక పాటలోనైనా కలిసి డ్యాన్స్ చేయాలి..

చిరంజీవికి విలన్‌గా చేయడమే నాజీవితంలో అతిపెద్ద కోరిక..

ఆ హీరోని చిన్నప్పుడు తెగ ఎత్తుకునేదాన్ని..

ఇది కూడా చదవండి :

ఇన్నాళ్ల తర్వాత కనిపించింది మావ..! బిందాస్ బ్యూటీ ఎంత మారిపోయింది .!!

మరిన్ని సినిమా వార్తల కోసం ఇక్కడ క్లిక్ చేయండి.