ఆ హీరోని చిన్నప్పుడు తెగ ఎత్తుకునేదాన్ని.. ఇప్పుడు పాన్ ఇండియా స్టార్ అయ్యాడు

రోజా సెల్వమణి.. సినిమాల్లో ఒకప్పుడు స్టార్ హీరోయిన్‌గా మెప్పించిన రోజా.. ఇప్పుడు రాజకీయనాయకురాలిగా రాణిస్తున్నారు. రోజా అసలు పేరు శ్రీలతా రెడ్డి. సినిమాల్లోకి వచ్చాక రొజాగా మార్చుకున్నారు. తెలుగుతో పాటు క‌న్న‌డ‌, త‌మిళం, మ‌ల‌యాళం భాష‌ల్లో 100కు పైగా సినిమాల్లో నటించారు రోజా.

Roja

Rajeev Rayala |
Updated on: Aug 16, 2026 | 11:39 AM

ప్రముఖ నటి, రాజకీయ నాయకురాలు ఆర్కే రోజా తన సినీ ప్రస్థానం, టాలీవుడ్ స్టార్ హీరోలతో ఆమెకు గల అనుబంధం గురించి ఆసక్తికర విషయాలను ఓ ఇంటర్వ్యూలో వెల్లడించారు. తాను రాజకీయాల్లోకి వచ్చిన తర్వాత తనను చూస్తుంటే, పాత రోజుల్లో తనతో కలిసి నటించిన హీరోలు ఆశ్చర్యపోతారని తెలిపారు. వెంకటేశ్‌గారు, బాలకృష్ణగారు, నాగార్జునగారు వంటి వారు ఎదురుపడినప్పుడు ఎలా ఉన్నావ్ రోజా.? అని ఆప్యాయంగా పలకరిస్తారని చెప్పారు. ఆమె బాలకృష్ణతో కలిసి నటించిన భైరవ ద్వీపం సినిమాను గుర్తు చేసుకున్నారు. ఆ చిత్రంలో క్వీన్ గెటప్‌లో ఆమె చాలా బాగుంటారని, తన అందానికి దేవుడు మంచి ఫీచర్స్ ఇచ్చారని బాలకృష్ణ ప్రశంసించేవారని తెలిపారు. భైరవ ద్వీపంలో తనకు స్క్రీన్ టెస్ట్ కూడా చేయలేదని పేర్కొన్నారు.

అన్నమయ్య చిత్రంలో మోహన్‌బాబు పక్కన క్వీన్ క్యారెక్టర్‌కి కూడా తననే తీసుకున్నారని, ఎక్కడ క్వీన్ పాత్ర ఉన్నా తననే ఎంచుకునేవారని చెప్పారు. వెంకటేశ్‌గారి గురించి మాట్లాడుతూ.. ఆయన కొంచెం రిజర్వ్‌డ్‌గా ఉంటారని, అందరినీ పిలిచి మాట్లాడేంత జోవియల్‌గా ఉండరని తెలిపారు. బాలకృష్ణగారు మాత్రం సెట్‌లో అందరినీ కూర్చోబెట్టి కబుర్లు, పాటలు, పద్యాలు చెప్తూ సరదాగా గడిపేవారని పేర్కొన్నారు. నాగార్జునగారు చాలా కూల్‌గా, డిగ్నిఫైడ్‌గా ఉంటారని, ఎవరినీ హర్ట్ చేయరని, హీరోయిన్లు ఆయనతో మాట్లాడటానికి ఎక్కువగా ఇష్టపడతారని ఆమె చెప్పారు.

ఇవి కూడా చదవండి

ప్రస్తుత తరం హీరోల గురించి మాట్లాడుతూ, మహేష్ బాబుకు తాను వీరాభిమానినని రోజా తెలిపారు. మహేష్ బాబు చైల్డ్ ఆర్టిస్ట్‌గా ఉన్నప్పటి నుంచి తనకు తెలుసునని, తన మేకప్ మేన్ పట్టాభి, మహేష్ బాబు హీరోగా చేసినప్పటి నుంచి ఆయనతోనే ఉన్నారని గుర్తు చేసుకున్నారు. మహేష్ బాబుకు తల్లి పాత్ర కాకుండా వదిన లేదా అక్క పాత్ర చేయాలనుందని, ఒకవేళ తల్లి పాత్ర చేయాల్సి వచ్చినా పవర్‌ఫుల్ రోల్ అయితే చేస్తానని చెప్పారు. ప్రభాస్ వ్యక్తిత్వం తనకు బాగా ఇష్టమని, జూనియర్ ఎన్టీఆర్ డాన్స్ స్టైల్, అల్లు అర్జున్ స్టైల్, స్టైల్ ఐకాన్‌గా ఎదిగిన విధానాన్ని ప్రశంసించారు. రామ్ చరణ్ తన బాల్యంలో చాలా అల్లరివాడని, ముఠా మేస్త్రి షూటింగ్ సమయంలో ఊటీకి వచ్చాడని, ఆర్‌ఆర్‌ఆర్‌ చూసినప్పుడు చాలా గర్వంగా అనిపించిందని తెలిపారు.