Tollywood: ఈ చిన్నోడు ఇప్పుడు టాలీవుడ్ స్టార్ కమెడియన్.. స్క్రీన్‌పై కనిపిస్తే చాలు నవ్వులే.. గుర్తు పట్టారా?

పై ఫొటోలోని పిల్లాడిని గుర్తు పట్టారా? ఈ బుడ్డోడు ఇప్పుడు టాలీవుడ్ స్టార్ కమెడియన్. తెరపై ఇతని ముఖం కనిపిస్తే చాలు.. ప్రేక్షకుల ముఖాల్లో నవ్వులే నవ్వులు. తనకు మాత్రమే సాధ్యమయ్యే ఫేస్ ఎక్స్ ప్రెషన్స్ తో ఆడియెన్స్ ను కడుపుబ్బా నవ్వించడం ఈ కమెడియన్ స్టైల్.

Tollywood Comedian Childhood Photo

Basha Shek |
Updated on: Jul 10, 2024 | 2:30 PM

పై ఫొటోలోని పిల్లాడిని గుర్తు పట్టారా? ఈ బుడ్డోడు ఇప్పుడు టాలీవుడ్ స్టార్ కమెడియన్. తెరపై ఇతని ముఖం కనిపిస్తే చాలు.. ప్రేక్షకుల ముఖాల్లో నవ్వులే నవ్వులు. తనకు మాత్రమే సాధ్యమయ్యే ఫేస్ ఎక్స్ ప్రెషన్స్ తో ఆడియెన్స్ ను కడుపుబ్బా నవ్వించడం ఈ కమెడియన్ స్టైల్. ఇక డైలాగులు చెప్పడంలోనూ, టైమింగ్ లోనూ అయితే నెక్ట్స్ లెవెల్. అందుకే బ్రహ్మానందం తర్వాత తెలుగు సినిమాల్లో ఖాళీ అయిన ప్లేస్ ను ఈ నటుడితోనే భర్తీ చేసేందుకు ప్రయత్నిస్తున్నారు మేకర్స్. అందుకు తగ్గట్టుగానే అందరి కంటే ఎక్కువగానే పారితోషకం తీసుకుంటున్నాడీ ట్యాలెంటెడ్ యాక్టర్. తన కామెడీ టైమింగ్ తో ప్రేక్షకులను గిలిగింతలు పెట్టే ఈ హాస్య నటుడు ఇటీవలే హీరోగా మారాడు. ఒక స్పై మూవీతో మన ముందుకు వచ్చాడు. అయితే సినిమా పెద్దగా క్లిక్ కాలేదు. కానీ ఈ స్టార్ కమెడియన్ యాక్టింగ్ మాత్రం అదిరిపోయిందని రివ్యూలు వచ్చాయి. అందుకే థియేటర్లలో ఆకట్టుకోని ఆ మూవీ ఓటీటీలో దుమ్ము రేపింది. మరి ఫొటో చూసి ఆ పిల్లాడెవరో గెస్ చేయగలరా? కష్టంగా ఉందా? అయితే మీకో క్లూ. ఈ కమెడియన్ నటించిన మొదటి సినిమానే తన ఇంటి పేరుగా మార్చుకున్నాడు. యస్. అతను మరెవరో కాదు వెన్నెల కిశోర్.

ఇవి కూడా చదవండి

దేవా కట్టా తెరకెక్కించిన వెన్నెల సినిమాతో నటుడిగా ఇండస్ట్రీకి పరిచయమయ్యాడు వెన్నెల కిశోర్. అంతకు ముందు అమెరికాలో సాఫ్ట్‌వేర్ ఇంజనీర్‌గా పని చేశాడు. మొదటి సినిమాతోనే ఆడియెన్స్ ను కడుపుబ్బా నవ్వించిన వెన్నెల కిశోర్ ఆ తర్వాత తన ట్యాలెంట్ తో టాలీవుడ్ లో టాప్ మోస్ట్ కమెడియన్ గా ఎదిగాడు. ‘వెన్నెల 1 1/2’ అంటూ ఆ మధ్యన ఓ సినిమాకు దర్శకత్వం కూడా వహించినా పెద్దగా క్లిక్ కాలేదు. ఇప్పుడు హీరోగానూ అదృష్టం పరీక్షించుకుంటున్నాడు. చారి 111 సినిమా నిరాశనే మిగిల్చినా ఇప్పుడు మరో సినిమాలో హీరోగా నటిస్తున్నాడు. అదే శ్రీకాకుళం షెర్లాక్ హోమ్స్. ఇందులో అనన్య నాగళ్ల హీరోయిన గా నటిస్తోంది.