12 ఏళ్లకే ఎంట్రీ.. స్టార్ హీరోలనే రఫ్ఫాడించింది.. 1500లకుపైగా సినిమాలు చేసిన తిరుగులేని నటి

దక్షిణాది చిత్ర పరిశ్రమలో ఆమె తనదైన ముద్ర వేసింది. 60 ఏళ్ల సినీ ప్రయాణంలో 1500లకు పైగా సినిమాల్లో నటించారు. అలాగే 5000 రంగస్థల ప్రదర్శనలలో నటించి గిన్నిస్ వరల్డ్ రికార్డ్‌ను సాధించారు. స్టార్ హీరోల వల్ల కూడా కానీ రికార్డ్స్ సొంతం చేసుకున్నారు ఈ నటి.

Actress

Rajeev Rayala |
Updated on: Aug 01, 2026 | 8:29 AM

దక్షిణాది చిత్ర పరిశ్రమలో తన అసాధారణ ప్రతిభతో స్టార్ హీరోలనే రఫ్పాడించిన దిగ్గజ నటి ఆమె. ఎన్నో సూపర్ హిట్ సినిమాలు, మరెన్నో వైవిధ్యమైన పాత్రలు చేసి మెప్పించిన ఆ నటి మరెవరో కాదు మనోరమ. ఆరు దశాబ్దాల సుదీర్ఘ సినీ ప్రయాణంలో ఆమె నటన, కామెడీ ద్వారా అద్భుతమైన గుర్తింపు తెచ్చుకున్నారు. తెలుగు, తమిళం, మలయాళం, కన్నడ, హిందీ, సింహళ భాషల్లో కలిపి 1500కు పైగా సినిమాల్లో నటించి, సినీ చరిత్రలో తనదైన ముద్ర వేశారు. అంతేకాకుండా, 5000కు పైగా రంగస్థల ప్రదర్శనలు ఇచ్చి, ఈ రెండు విభాగాల్లోనూ గిన్నిస్ వరల్డ్ రికార్డులను సాధించిన అరుదైన కళాకారిణి మనోరమ. మనోరమ 1937 మే 26న తమిళనాడులోని మన్నార్ గుడిలో జన్మించారు. ఆమె అసలు పేరు గోపీశాంత. అభిమానులు ఆమెను ముద్దుగా ఆచి అని పిలుచుకునేవారు. 12 ఏళ్ల చిన్న వయసులోనే నాటకాల్లో నటించడం ప్రారంభించిన మనోరమ, నాటక రంగంలో గణనీయమైన అనుభవాన్ని గడించారు. ఇది ఆమె సినీ జీవితానికి బలమైన పునాది వేసింది.

ఇది కూడా చదివేయండి : రోజుకు 3లక్షలు రెమ్యునరేషన్.. మంచంపై నోట్ల కట్టలు పరుచుకుని పడుకునేది.. చివరకు అనాధలా చనిపోయింది

మనోరమ ఎలాంటి పాత్రలోనైనా ఒదిగిపోయి, తరతరాల అభిమానుల హృదయాలపై చెరగని ముద్ర వేశారు. మనోరమ కేవలం నటిగానే కాకుండా, అదనపు ప్రతిభను కూడా ప్రదర్శించారు. ఆమె సుమారు 300 పాటలకు నేపథ్య గాయనిగా వ్యవహరించి తన గాన మాధుర్యాన్ని చాటారు. ఆమె కెరీర్లో అత్యంత విశేషమైన ఘట్టాలలో ఒకటి అన్నాదురై, కరుణానిధి, ఎంజీఆర్‌, జయలలిత, స్టాలిన్‌, ఎన్టీ రామారావు, దళపతి విజయ్ వంటి ఏడుగురు ముఖ్యమంత్రులతో కలిసి నటించిన అరుదైన గౌరవం. దిల్లానా మోహన్ బాల్, అన్బావే, చిన్ గౌండర్ వంటి చిత్రాల్లో ఆమె పోషించిన పాత్రలు విస్తృతంగా ప్రశంసలు అందుకున్నాయి.

ఇది కూడా చదివేయండి : అతనికి 29, ఆమెకు 53..! 6 ఏళ్లుగా ఓటీటీని షేక్ చేస్తున్న రొమాంటిక్ సిరీస్.. ఎక్కడ చూడొచ్చంటే

ఆమె అసాధారణ కృషికి గుర్తింపుగా, భారత ప్రభుత్వం 2002లో అత్యున్నత పౌర పురస్కారాలలో ఒకటైన పద్మశ్రీని ప్రదానం చేసింది. పుదియ పాతై చిత్రంలో తన అద్భుత నటనకు గాను ఆమె ఉత్తమ సహాయ నటిగా జాతీయ పురస్కారాన్ని అందుకున్నారు. తమిళనాడు ప్రభుత్వం ఆమెకు కలైమామణి పురస్కారాన్ని ప్రదానం చేయగా, పలు ఫిలింఫేర్ అవార్డులను కూడా ఆమె గెలుచుకున్నారు. సినీ రంగంలో ఓ వెలుగు వెలిగినప్పటికీ, మనోరమ వ్యక్తిగత జీవితం కష్టాలు ఎదురుకున్నారు. తాను పని చేసే నాటక సంస్థలో ప్రసిద్ధ నటుడైన ఎస్ఎం రామనాథంతో ప్రేమలో పడి, తన తల్లి అభీష్టానికి వ్యతిరేకంగా అతన్ని వివాహం చేసుకున్నారు. అయితే, బిడ్డ పుట్టిన తర్వాత ఒక జ్యోతిష్యుడు చెప్పిన మాటల కారణంగా రామనాథన్ ఆ బిడ్డను పుట్టిన కొద్ది కాలానికే వదిలిపెట్టాడు. అంతకు ముందే ఆమె తండ్రి కూడా వారిని వదిలి వెళ్ళారు. ఈ తీవ్రమైన పరిస్థితుల్లో కుంగిపోయిన మనోరమ, మళ్లీ పెళ్లి చేసుకోకూడదని, తన కొడుకు భూపతిని ఒంటరిగా పెంచాలని నిర్ణయించుకున్నారు. ఆమె తన జీవితాంతం తన కుటుంబం కోసం ఒంటరిగానే జీవించారు. అనారోగ్యంతో బాధపడుతూ, 2011 అక్టోబర్ 11న ఆమె తుదిశ్వాస విడిచారు.

ఇవి కూడా చదవండి