Renigunta Movie: రేణిగుంట సినిమాలో కనిపించిన ఈ అమ్మడు గుర్తుందా..? ఇప్పుడేం చేస్తుందంటే..

ఒకప్పుడు సినీరంగంలో చైల్డ్ ఆర్టిస్టులుగా అలరించిన చిన్నారులు ఇప్పుడు హీరోయిన్లుగా వెండితెరపై అలరిస్తున్నారు. కానీ కొందరు మాత్రం చదువుల కోసం సినిమాలు వదిలేసి ఇప్పుడు వివిధ రంగాల్లో సెటిల్ అయ్యారు. అందులో ఈ అమ్మడు ఒకరు. తెలుగు, తమిళం భాషలలో అనేక చిత్రాల్లో చైల్డ్ ఆర్టిస్టుగా అలరించింది. ఇక ఇప్పుడు ఈ బ్యూటీ లేటేస్ట్ ఫోటోస్ వైరలవుతున్నాయి.

Renigunta

Rajitha Chanti |
Updated on: Jul 02, 2025 | 11:55 AM

రేణిగుంట సినిమా గుర్తుందా.. ? 2009లో విడుదలైన ఈ సినిమాకు మంచి రెస్పాన్స్ వచ్చింది. తెలుగుతోపాటు తమిళంలో అడియన్స్ ముందుకు వచ్చిన ఈ చిత్రంతో ఫేమస్ అయ్యింది నటి సనుష. అంతకు ముందే తమిళం, తెలుగు, మలయాళం, కన్నడ వంటి అనేక భాషల్లో నటించింది.ప్రస్తుతం ఆమె లేటేస్ట్ ఫోటోస్ నెట్టింట తెగ వైరలవుతున్నాయి. కేరళకు చెందిన సనుష 2000లో రిలీజ్ అయిన దాదా సాహెబ్ చిత్రంతో బాలనటిగా సినిమాల్లోకి అడుగుపెట్టింది. అలాగే విక్రమ్ నటించిన కాశి సినిమాతో తమిళంలోకి తెరంగేట్రం చేసింది. ఆ తర్వాత సుందర ట్రావెల్స్, భీమ, రేణికుంట, నాలై నమడే, ఏతాన్ వంటి చిత్రాల్లో నటించింది. ఇక తెలుగులో పవర్ స్టార్ పవన్ కళ్యాణ్ నటించిన బంగారం సినిమాలో చైల్డ్ ఆర్టిస్టుగా మెరిసింది. తక్కువ సమయంలోనే తనదైన నటనతో గుర్తింపు తెచ్చుకున్న సనూష.. చివరగా మలయాళంలో జలధర పంప్ సెట్ సిన్స్ 1962 చిత్రంలో కనిపించింది. ఈ మూవీ 2023లో విడుదలైంది.

ఆ తర్వాత ఆమె మరో సినిమా చేయలేదు. చదువుల కోసం సినిమాలకు దూరమయ్యారు. కొన్ని రోజుల క్రితమే గ్రాడ్యూయేషన్ పట్ట అందుకున్నారు. సనూష సంతోషం ప్రస్తుతం స్కాట్లాండ్‌లో చదువుతూ గ్రాడ్యుయేషన్ చేస్తోంది. ఇందుకు సంబంధించిన ఫోటోస్ సోషల్ మీడియాలో షేర్ చేసింది సనూష. ఇంటి నుంచి దూరంగా ఉండి.. ఎన్నో కన్నీళ్లు.. నిద్రలేని రాత్రులు.. అనేక పార్ట్ టైమ్ ఉద్యోగాలు… ఫుల్ టైమ్ జాబ్స్, కష్టపడి పనిచేయడం.. ఆరోగ్య సమస్యలు.. ఒత్తిడి ఎన్నో తన గ్రాడ్యుయేషన్ పూర్తి చేసేందుకు ప్రతిఫలంగా నిలిచాయని సనూష రాసుకొచ్చింది.

ఇవి కూడా చదవండి

ప్రస్తుతం నసూష లేటేస్ట్ ఫోటోస్ తెగ వైరలవుతున్నాయి. నిత్యం సోషల్ మీడియాలో చాలా యాక్టివ్ గా ఉంటున్న ఈ అమ్మడు.. రెగ్యులర్ ఫోటోస్, వీడియోస్ అప్లోడ్ చేస్తూ నెటిజన్లకు దగ్గరగా ఉంటుంది. తాజాగా ఈ అమ్మడు షేర్ చేసిన గ్రాడ్యుయేషన్ ఫోటోస్ తెగ వైరలవుతున్నాయి.