Peddi Movie: రామ్ చరణ్ ‘పెద్ది’ నుంచి మరో సర్ప్రైజ్.. వైరల్ సాంగ్ ఫుల్ వీడియో వచ్చేసింది
మెగా పవర్ స్టార్ రామ్ చరణ్ నటించిన లేటెస్ట్ సినిమా 'పెద్ది'. జూన్ 04న విడుదలైన ఈ సినిమా ఇప్పటికే రూ.400 కోట్లకు చేరువలో ఉంది. కాగా రీసెంట్ గా ఈ సినిమాలో కొన్ని కొత్త సీన్లను యాడ్ చేసిన సంగతి తెలిసిందే. తాజాగా పెద్ది నుంచి మరో సర్ ప్రైజ్ వచ్చింది.
Updated on: Jun 15, 2026 | 7:08 PM
మెగా పవర్ స్టార్ రామ్ చరణ్ లేటెస్ట్ సినిమా ‘పెద్ది’ ప్రభంజనం కొనసాగుతోంది. జూన్ 04న విడుదలైన ఈ మెగా మూవీ ఇప్పటికే రూ. 400 కోట్లకు చేరువలో ఉంది. రెండో వారంలోనూ ఈ సినిమాకు సాలిడ్ కలెక్షన్లు వస్తుండడం విశేషం. దీనికి తోడు సినిమా టికెట్ల రేట్లు తగ్గడం, అలాగే కొత్త సీన్లను యాడ్ చేస్తామని చెబుతుండడంతో పెద్ది సినిమా కలెక్షన్లు మరింత పెరిగే అవకాశముందని ట్రేడ్ నిపుణులు అంచనా వేస్తున్నారు. కాగా పెద్ది సినిమా విజయానికి పాటలు కూడా ప్రధాన కారణమని చెప్పవచ్చు. ఆస్కార్ విజేత ఏ ఆర్ రెహమాన్ అందించిన స్వరాలు ఆడియెన్స్ ను ఉర్రూతలూగించాయి. ఈ నేపథ్యంలో పెద్ది సినిమాకు బోలెడంత హైప్ తీసుకొచ్చిన ‘చికిరి చికిరి’ సాంగ్ ఫుల్ వీడియో వచ్చేసింది. సినిమా రిలీజ్ కు ముందు అంటే ఏడు నెలల క్రితం ఈ సాంగ్ లిరికల్ వీడియో రిలీజైనప్పుడు ఎలాంటి సెన్సేషన్ క్రియేట్ చేసిందో ప్రత్యేకంగా చెప్పక్కర్లేదు. సోషల్ మీడియాలో ఎక్కడ చూసినా ఈ పాట రీల్స్, రీక్రియేట్ వీడియోలే కనిపించాయి. ఇప్పుడు అభిమానులను సర్ ప్రైజ్ చేస్తూ చికిరి చికిరి సాంగ్ ఫుల్ వీడియోను రిలీజ్ చేశారు మేకర్స్.
కాగా చికిరి చికిరి సాంగ్ లో వచ్చే కొన్ని లిరిక్స్పై అభ్యంతరాలు, విమర్శలు వచ్చిన సంగతి తెలిసిందే. అయితే వాటిని సరిచేసి థియేటర్ లో కొత్త సాంగ్ ను రిలీజ్ చేశారు. ఇదిలా ఉంటే పెద్ది న్యూ వెర్షన్ సన్నివేశాలు బుధవారం (జూన్ 17) నుంచి థియేటర్లలో ప్రదర్శితం కానున్నాయి. హీరోయిన్కు సంబంధించిన మూడు సీన్లు, అలాగే జగపతిబాబు గారికి ఒక సీన్ పెద్ది కొత్త వెర్షన్ లో యాడ్ కానున్నాయి. ఇక పెద్ది సినిమా విషయానికి వస్తే.. వృది సినిమాస్ సమర్పణలో మైత్రీ మూవీ మేకర్స్, సుకుమార్ రైటింగ్స్ సంయుక్తంగా భారీ బడ్జెట్ తో అత్యంత ప్రతిష్ఠాత్మకంగా పెద్ది చిత్రాన్ని నిర్మించారు. జాన్వీ కపూర్ హీరోయిన్ గా నటించింది. అలాగే జగపతిబాబు, శివరాజ్ కుమార్, దివ్యేందు శర్మ, రావు రమేష్, బొమన్ ఇరానీ, రవి కిషన్, కమెడియన్ సత్య, చమ్మక్ చంద్ర, అజయ్ ఘోష్ తదితరులు ప్రధాన పాత్రలు పోషించారు.
చికిరి చికిరి ఫుల్ వీడియో సాంగ్..
మరిన్ని సినిమా వార్తల కోసం ఇక్కడ క్లిక్ చేయండి
