Bigg Boss Priya Shetty: ‘ఆ క్షణమే చనిపోవాలనిపించింది’.. బిగ్‌బాస్ ప్రియా శెట్టి జీవితంలొ ఇన్ని కష్టాలున్నాయా?

బిగ్ బాస్ తెలుగు సీజన్ 9 కంటెస్టెంట్ ప్రియాశెట్టి రీసెంట్ గా ఒక టాక్ షోకు హాజరైంది. తన పర్సనల్ అండ్ ప్రొఫెషనల్ లైఫ్ నకు సంబంధించి పలు ఆసక్తికర విషయాలను పంచుకుంది. ఇదే క్రమంలో తాను ఎదుర్కొన్న కష్టాల గురించి చెబుతూ బాగా ఎమోషనల్ అయ్యింది.

Bigg Boss Priya Shetty

Basha Shek |
Updated on: May 03, 2026 | 9:16 AM

బిగ్ బాస్ తెలుగు రియాలిటీ షోతో మంచి గుర్తింపు తెచ్చుకున్న వారిలో ప్రియాశెట్టి కూడా ఒకరు. రాయలసీమలోని కర్నూలు ప్రాంతానికి చెందిన ఆమె బిగ్ బాస్ సీజన్ 9 లోకి కామనర్ గా అడుగు పెట్టింది. బిగ్ బాస్ అగ్ని పరీక్ష ద్వారా హౌస్ లోకి ఎంట్రీ ఇచ్చిన ప్రియా తన ఆట, మాట తీరుతో అందరి దృష్టిని ఆకర్షించింది. అయితే ఎక్కువ రోజులు హౌస్ లో ఉండలేకపోయింది. కేవలం మూడు వారాలకే ఎలిమినేట్ అయ్యి బిగ్ బాస్ హౌస్ నుంచి బయటకు వచ్చేసింది. బిగ్ బాస్ తర్వాత పలు టీవీ షోస్, ప్రోగ్రామ్స్ లో సందడి చేసింది ప్రియా శెట్టి. ఇదే క్రమంలో తాజాగా ఓ టాక్ షోకు హాజరైందీ ముద్దుగుమ్మ. ఈ సందర్భంగా తన పర్సనల్ అండ్ ప్రొఫెషనల్ లైఫ్ నకు సంబంధించి పలు ఆసక్తికర విషయాలు పంచుకుంది. అలాగే తన తండ్రి ఆరోగ్య పరిస్థితి గురించి చెబుతూ బాగా ఎమోషనల్ అయ్యింది. ‘ మా నాన్నకు పోలియో ఉంది. ఏదో ఒక ఫంక్షన్ కి వెళ్లి కింద పడ్డారు. దీంతో ఆయనకు థై బోన్ ఫ్రాక్చర్ అయ్యింది. వెంటనే ఆస్పత్రికి తీసుకెళ్లారు. అక్కడ లోపల నన్ను చూసి మా నాన్న చాలా ఏడ్చేశారు. నాన్నను ఆ పరిస్థితుల్లో చూసి నాకు ఏడుపొచ్చింది. ఆయనను అలా చూసేసరికి ఆ క్షణం చనిపోవాలనిపించింది’ అని ఎమోషనల్ అయ్యింది ప్రియా శెట్టి.

ఇదే సందర్భంగా బిగ్ బాస్ హౌస్ గురించి, ప్రేమ, డేటింగ్ గురించి తన అభిప్రాయాలను పంచుకుంది ప్రియా శెట్టి. బిగ్ బాస్ హౌస్ లో తనకి కళ్యాణ్ అంటే చాలా ఇష్టమని తెలిపింది. ఇక తన బాయ్ ఫ్రెండ్ కూడా డార్క్ కలర్ లో ఉంటే చాలా ఇష్టమని చెప్పిన ఆమె.. ‘ అబ్బాయిలు ఒక్కసారి లవ్ చేసి నాది అనుకున్నారు అంటే, వాళ్లు చాలా ఎమోషనల్ గా కనెక్ట్ అయిపోతారు. ఏదైనా జరిగితే డిప్రెషన్ కి గురవుతారు. ఫస్ట్ లవ్ అనేది ప్రతి ఒక్కరి లైఫ్ లో చాలా ఇంపార్టెంట్. ఆ లవ్ మన చేతుల్లోనే ఉంటుంది . దానిని చాలా జాగ్రత్తగా కాపాడుకోవాలని’ అని పేర్కొంది. ప్రస్తుతం ఈ బిగ్ బాస్ బ్యూటీ కామెంట్స్ నెట్టింట వైరల్ అవుతున్నాయి.

ఇవి కూడా చదవండి