Nandamuri: నందమూరి ఫ్యామిలీలో మరో ప్రమాదం.. బాలకృష్ణ సోదరుడి కారు నుజ్జు నుజ్జు
నందమూరి కుటుంబంలో మరో వ్యక్తి రోడ్డు ప్రమాదం బారిన పడ్డారు. ఎన్టీఆర్ కుమారుడు, బాలకృష్ణ సోదరుడు రామకృష్ణ ప్రయాణిస్తున్న కారు శుక్రవారం తెల్లవారుజామున ప్రమాదానికి గురైంది. జూబ్లీహిల్స్‌ రోడ్‌ నెంబర్-10 లో ఈ యాక్సిడెంట్‌ జరిగింది.
నందమూరి కుటుంబంలో మరో వ్యక్తి రోడ్డు ప్రమాదం బారిన పడ్డారు. ఎన్టీఆర్ కుమారుడు, బాలకృష్ణ సోదరుడు రామకృష్ణ ప్రయాణిస్తున్న కారు శుక్రవారం తెల్లవారుజామున ప్రమాదానికి గురైంది. జూబ్లీహిల్స్‌ రోడ్‌ నెంబర్-10 లో ఈ యాక్సిడెంట్‌ జరిగింది. ఈ ప్రమాదంలో రామకృష్ణకు స్వల్పగాయాలయ్యాయి. ప్రస్తుతం ఆయన పూర్తి ఆరోగ్యంగానే ఉన్నట్లు తెలుస్తోంది. అయితే ప్రమాదంలో కారు పూర్తిగా నుజ్జు నుజ్జు అయ్యింది. ప్రమాదం ఆయన కుటుంబ సభ్యులు వచ్చి కారుని తీసుకెళ్లారు. అయితే ఈ ప్రమాదంపై ఎలాంటి కేసు నమోదు కాలేదని పోలీసులు పేర్కొన్నారు. కాగా నందమూరి కుటుంబంలో వరుస విషాదాలు చోటు చేసుకుంటుండడంతో అభిమానులు ఆందోళన వ్యక్తం చేస్తున్నారు. ఇటీవల నందమూరి తారకరత్న గుండె పోటుకు గురైన సంగతి తెలిసందే. నారా లోకేశ్‌ పాదయాత్రలో కుప్పకూలిన ఆయన ప్రస్తుతం బెంగళూరు హృదయాలయ ఆస్పత్రిలో చికిత్స పొందతున్నాడు. ప్రస్తుతం తారకరత్న క్రమంగా కోలుకుంటున్నట్లు తెలుస్తోంది.
కాగా నందమూరి కుటుంబ సభ్యులు వరుసగా రోడ్డు ప్రమాదాల బారిన పడడం ఆందోళనకు గురిచేస్తోంది. గతంలో నందమూరి హరికృష్ణ, నందమూరి జానకీరామ్‌లు కారు యాక్సిడెంట్స్‌లోనే కన్నుమూశారు. ఇక జూనియర్‌ ఎన్టీఆర్ సైతం ఒకసారి రోడ్డుప్రమాదానికి గురయ్యారు. ఇక తాజాగా గాయపడ్డ నందమూరి హరికృష్ణ కూడా గతంలో ఒక ప్రమాదంలో తీవ్రంగా గాయపడ్డారు. పెద్దన్నయ్య విజయోత్సవ సభకు వెళుతూ రోడ్డు ప్రమాదానికి గురయ్యారు. ఇక ఆయన ఇటీవల బెంగళూరులోని నారాయణ హృదయాలయ ఆస్పత్రిలో తారకరత్నను పరామర్శించారు. తారకరత్న ఆరోగ్య పరిస్థితిపై వైద్యులను అడిగి తెలుసుకున్నారు. తారకరత్న ఆరోగ్యం క్రమంగా మెరుగుపడుతోందని తెలిపారు. ఇంతలోనే ఆయన రోడ్డు ప్రమాదానికి గురవ్వడం గమనార్హం.
మరిన్ని సినిమా వార్తల కోసం క్లిక్ చేయండి..
