Pushpa 2: నమ్మొద్దు.. పుష్ప 2 విషయంలో అవన్నీ అబద్ధాలే.. ఫుల్ క్లారిటీ ఇదిగో

Pushpa Movie

Tollywood: సెట్స్‌పైకి వెళ్లకుండానే ఎన్నో విషయాల్లో సెంటరాఫ్ అట్రాక్షన్‌గా మారిపోతుంది పుష్ప 2. పైగా దీనిపై సోషల్ మీడియాలో చాలా గాసిప్స్ వస్తున్నాయి. అందులో ఓ క్రేజీ న్యూస్.. అల్లు స్టూడియోలో షూటింగ్ చేసుకోబోయే మొదటి సినిమా పుష్ప 2 అని రావడం. మరి ఇందులో నిజమెంత..? పుష్ప సీక్వెల్‌తోనే అల్లు వారి సొంత స్టూడియో ఓపెన్ కానుందా..? అసలు దీని లాంఛింగ్ ఎప్పుడు..? అల్లు అర్జున్(Allu Arjun) ఎప్పుడెప్పుడు పుష్ప 2 షూటింగ్ మొదలు పెడతారా అని అభిమానులు ఆతృతగా వేచి చూస్తున్నారు. ఇప్పటికే సుకుమార్ బౌండెడ్ స్క్రిప్ట్ సిద్ధం చేసారు. దసరా తర్వాత ఈ చిత్ర షూటింగ్ మొదలు కానుంది. ఆర్నెళ్లలోనే టాకీ పూర్తి చేయాలని చూస్తున్నారు లెక్కల మాస్టారు. దీనికోసం పర్ఫెక్టుగా షెడ్యూల్స్ కూడా ప్లాన్ చేసుకున్నారు. ఇదిలా ఉంటే అల్లు స్టూడియోస్‌లో పుష్ప 2 షూటింగ్ మొదలు కానుందని ప్రచారం జరుగుతుంది.

ఇండస్ట్రీలో చాలా మంది హీరోలు, నిర్మాతలకు సొంత స్టూడియోలున్నాయి. ఈ క్రమంలోనే హైదరాబాద్ సిటీ ఔట్ స్కర్ట్స్‌లో అల్లూ స్టూడియోస్ భారీ స్థాయిలో నిర్మించారు. అక్టోబర్ 1న అల్లు రామలింగయ్య జయంతి సందర్భంగా ఈ స్టూడియో ఓపెనింగ్ జరగనుంది. అయితే అందులోనే పుష్ప 2 రెగ్యులర్ షూటింగ్ మొదలు కానుందని వస్తున్న ప్రచారం మాత్రం పూర్తిగా అబద్ధం. ఆ రోజు రామలింగయ్య జయంతి కారణంగా.. లాంఛ్ చేస్తున్నాం కానీ షూటింగ్స్ ఏం లేవని తేల్చేసారు అల్లూ స్టూడియోస్ అధినేతలు. ఫిల్మ్‌ మేకింగ్‌కు అవసరమైన లేటెస్ట్ టెక్నాలజీతో 10 ఎకరాలకు పైగానే ఈ స్టూడియో ఉండబోతుందని తెలుస్తుంది. సినిమా రంగానికి అల్లు రామలింగయ్య చేసిన సేవలకు కొనసాగింపుగా గండిపేట ప్రాంతంలో స్టేట్‌ ఆఫ్‌ ది ఆర్ట్‌ ఫిల్మ్‌ స్టూడియోను నిర్మిస్తున్నట్లు ఎప్పుడో ప్రకటించారు అల్లు కుటుంబం. ఈ స్టూడియో ఓపెనింగ్‌కు ప్రత్యేక అతిథి రానున్నారని తెలుస్తుంది. మొత్తానికి అక్టోబర్ 1న ఓపెనింగ్ వరకు నిజమే కానీ.. అందులో పుష్ప 2 షూటింగ్ మాత్రం అబద్ధమని తేలిపోయింది.

మరిన్ని సినిమా వార్తల కోసం క్లిక్ చేయండి..