Vijay Sethupathi: ప్రముఖ హాస్య నటుడి కుటుంబానికి అండగా విజయ్ సేతుపతి.. కాలేజ్ ఫీజు కట్టడంతో పాటు..

కోలీవుడ్ స్టార్ యాక్టర్ విజయ్ సేతుపతి క్రేజ్ గురించి ప్రత్యేకంగా చెప్పక్కర్లేదు. హీరోగానే కాకుండా విలన్ గానూ అదరగొడుతున్నాడు మక్కల్ సెల్వన్. తమిళ్ తో పాటు తెలుగు, హిందీ భాషల్లోనూ వరుసగా సినిమాలు చేస్తూ బిజీబిజీగా ఉంటున్నాడు. విజయ్ సేతుపతి ఇటీవల నటించిన మహారాజా బ్లాక్ బస్టర్ హిట్ గా నిలిచింది. ఈ మూవీ ఆయన కెరీర్ లో 50వ సినిమా. ప్రస్తుతం ఈ సినిమా నెట్ ఫ్లిక్స్ ఓటీటీలోనూ వ్యూస్ పరంగా రికార్డుల మోత మోగిస్తోంది. సినిమాల సంగతి పక్కన పెడితే.. ఇబ్బందుల్లో ఉన్న తన తోటి నటీనటులు, అభిమానులు, వారి కుటుంబాలకు తన వంతు సాయం చేస్తున్నాడు విజయ్ సేతుపతి. అలా ఆయన తాజాగా మరోసారి తన గొప్ప మనసును చాటుకున్నారు. ప్రముఖ హాస్యనటుడు తెనాలి కుటుంబానికి అండగా నిలిచారు. వివరాలిలా ఉన్నాయి.. తమిళంలో పలు హిట్ సినిమాల్లో నటించి మెప్పించాడు తెనాలి. విజయ్ సేతపతి సినిమాల్లో కూడా మెరిశాడు. ఇప్పుడు తెనాలి కుమారుడు విన్నరసన్ డాక్టర్ ఎంజీఆర్ యూనివర్సిటీలో ఫిజియోథెరపీ చదువుతున్నాడు. అయితే కుటుంబం ఆర్థికంగా ఇబ్బందుల్లో ఉంది. దీంతో ట్యూషన్ ఫీజు చెల్లించలేకపోతున్నారు. ఈ విషయం తెలుసుకున్న మరో నటుడు భావ లక్ష్మణన్.. విజయ్ సేతుపతికి సమాచారం అందించాడు. దీనికి వెంటనే స్పందించిన మక్కల్ సెల్వన్ వెంటనే కాలేజీ ఫీజు రూ.76 వేల రూపాయలు చెల్లించాడు. అంతేకాకుండా ప్రతి ఏడాది ఫీజు చెల్లిస్తానని మాటిచ్చాడు. దీంతో తెనాలి కుటుంబ సభ్యుల్లో ఆనందం వెల్లివెరిసింది.

ఈ సందర్భంగా విజయ్ సేతుపతి చేసిన సాయంపై నటుడు తెనాలి మాట్లాడుతూ ఎమోషనల్ అయ్యాడు.. ‘ నా కుటుంబానికి విజయ్‌ సేతుపతి చేసిన సాయాన్ని ఎప్పటికీ మర్చిపోలేను’ అని భావోద్వేగానికి లోనయ్యాడు. ప్రస్తుతం ఈ వార్త సామాజిక మాధ్యమాల్లో వైరల్ గా మారింది. పలువురు సినీ ప్రముఖులతో పాటు అభిమానులు, నెటిజన్లు మక్కల్ సెల్వన్ చేసిన మంచి పనిపై ప్రశంసల వర్షం కురిపిస్తున్నారు. ఇక సినిమాల విషయానికి వస్తే.. ప్రస్తుతం గాంధీ టాక్స్ అనే ఓ డిఫరెంట్ మూవీలో నటిస్తున్నాడు విజయ్ సేతుపతి. దీంతో పాటు విడుదలై పార్ట్ 2 కూడా రిలీజ్ కు రెడీగా ఉంది.

ఇవి కూడా చదవండి

రామ్ చరణ్ చిరుత హీరోయిన్ గుర్తుందా? ఇప్పుడేంటిలా మారిపోయింది.

లండన్ వీధుల్లో సామాన్యుడిలా టీమిండియా స్టార్ క్రికెటర్..

తుల్జాభవానీ అమ్మవారిని దర్శించుకున్న జెనీలియా దంపతులు.. ఫొటోస్

రామ్ చరణ్ దంపతుల గొప్ప మనసు.. పిఠాపురంలో ఏం చేయనున్నారంటే?

నటుడు తెనాలి కుటుంబ సభ్యులతో విజయ్ సేతుపతి

காமெடி நடிகர் தெனாலி அவரது மகன் வின்னரசனின் கல்வி கட்டணம் 76 ஆயிரம் ரூபாயை கொடுத்து உதவிய அண்ணன் விஜய் சேதுபதி அவர்கள்.! #vijaysethupathi pic.twitter.com/NWBXrVSi0F

— Madhumitha (@Madhumitha_99) August 16, 2024

காமெடி நடிகர் தெனாலி அவரது மகன் வின்னரசனின் கல்வி கட்டணம் 76 ஆயிரம் ரூபாயை கொடுத்து உதவிய அண்ணன் விஜய் சேதுபதி அவர்கள்.! #vijaysethupathi pic.twitter.com/qnrgNTih1m

— Kanchi District Official ® 🎭 (@Kanchi_VSPFC) August 16, 2024

మరిన్ని సినిమా వార్తల కోసం ఇక్కడ క్లిక్ చేయండి.