Maestro Sneak Peak: కృష్ణాష్టమి రోజున మాస్ట్రో సర్‏ప్రైజ్.. అంధుడిగా ఆకట్టుకుంటున్న నితిన్..

Nithiin

టాలెంటెడ్ హీరో నితిన్ ప్రధాన పాత్రలో మేర్లపాక గాంధీ తెరకెక్కిస్తున్న చిత్రం మాస్ట్రో. ఇందులో నితిన్ సరసన నభా నటేష్ హీరోయిన్‏గా నటిస్తుండగా.. మిల్కిబ్యూటీ తమన్నా కీలక పాత్రలో కనిపించబోతుంది. ఇప్పటికే షూటింగ్ చేసుకున్న ఈ మూవీ సెప్టెంబర్ 17న ప్రముఖ ఓటీటీ సంస్థ డీస్నీ హాట్ స్టార్ వేదికగా స్ట్రీమింగ్ కానుంది. ఇప్పటికే ఈ సినిమా నుంచి విడుదలైన పోస్టర్స్, సాంగ్స్‏కు విశేషస్పందన లభించింది. అయితే కృష్ణాష్టమి సందర్భంగా.. మాస్ట్రో చిత్రయూనిట్ నితిన్ అభిమానులకు సర్‎ఫ్రైజ్ గిఫ్ట్ ఇచ్చింది.

తాజాగా కృష్ణాష్టమి పురస్కరించుకుని మాస్ట్రో నుంచి స్నీక్ పీక్ విడుదల చేసింది చిత్రయూనిట్. అందులో నితిన్ పియానే ప్లే చేస్తూ కనిపించాడు. ఈ సినిమాలో నితిన్ కళ్లు కనిపించని అంధుడిగా కనిపించబోతున్నట్లుగా మొదటి నుంచి టాక్ వినిపిస్తోంది. తాజాగా విడుదలైన స్నీక్ పీక్‏లో నితిన్ కళ్లు కనబడని యువకుడిగానే కనిపిస్తున్నాడు. అంధుడైన నితిన్ ఓ బ్యూటిఫుల్ ట్యూన్ కంపోజ్ చేస్తుండగా.. ఆకస్మాత్తుగా పియానో వర్క్ చేయడం ఆగిపోతుంది. దీంతో ట్యూన్ అవడం లేదు.. పియానో పనిచేయడం లేదు.. అంటూ తన చేతికి ఉన్న వాచ్‏లో టైం చెక్ చేసుకుంటాడు. అయితే ఇందులో నితిన్ నటన ఆకట్టుకుంటుంది. ఈ సినిమాను హిందీలో సూపర్ హిట్ సాధించిన అంధాధున్ చిత్రానికి రీమేక్‏గా తెరకెక్కిస్తున్నారు. ఇప్పటికే ఈ మూవీ నుంచి విడుదలైన ట్రైలర్ సినిమా పై ఆసక్తిని పెంచుతుంది. రాజ్ కుమార్ ఆకెళ్ల సమర్పణలో శ్రేష్ఠ మూవీస్ బ్యానర్ పై ఎన్.సుధాకర్ రెడ్డి, నిఖిత రెడ్డి సంయుక్తంగా ఈ చిత్రాన్ని నిర్మిస్తున్నారు. మాస్ట్రో చిత్రానికి మహతి స్వర సాగర్ సంగీతం అందిస్తున్నారు. ఇక ఈ సినిమాలో సీనియర్ నరేష్, జిషుసేన్ గుప్తా, శ్రీముఖి, అనన్య, హర్షవర్ధన్, రచ్చ రవి, మంగ్లీ, శ్రీనివాస్ ముఖ్య పాత్రలలో నటిస్తున్నారు.

Also Read: Tollywood drugs case: ‘లింకులు తెంపుతాం.. నేరస్థులను పట్టుకుంటాం..’ టాలీవుడ్ డ్రగ్స్ కేసులో ఈడీ దూకుడు

Shruti Haasan: . ప్రేమ, పెళ్లిపై శ్రుతి హాసన్‏కు పిచ్చ క్లారిటీ.. అప్పుడే చెబుతానంటోన్న బ్యూటీ..