Adipurush: టీవీలో ప్రభాస్ ‘ఆదిపురుష్’.. ఏ ఛానెల్లో ఎప్పుడు టెలికాస్ట్ కానుందంటే?
పాన్ ఇండియా సూపర్ స్టార్ ప్రభాస్ రాముడి అవతారంలో ప్రేక్షకులను కనువిందు చేసిన సినిమా ఆదిపురుష్. రామాయణం మహా కావ్యం ఆధారంగా బాలీవుడ్ డైరెక్టర్ ఓం రౌత్ తెరకెక్కించిన ఈ మూవీలో కృతి సనన్ సీతగా కనిపించింది. లంకేశుడిగా బాలీవుడ్ స్టార్ హీరో సైఫ్ అలీఖాన్ నటించాడు. సన్నీ సింగ్ లక్ష్మణుడు, దేవ్దత్తా నాగే హనుమంతుడి పాత్రలు పోషించారు. భారీ అంచనాలతో జూన్ 16న థియేటర్లలో రిలీజైన ఆదిపురుష్ ప్రేక్షకులను
Updated on: Oct 22, 2023 | 3:47 PM
పాన్ ఇండియా సూపర్ స్టార్ ప్రభాస్ రాముడి అవతారంలో ప్రేక్షకులను కనువిందు చేసిన సినిమా ఆదిపురుష్. రామాయణం మహా కావ్యం ఆధారంగా బాలీవుడ్ డైరెక్టర్ ఓం రౌత్ తెరకెక్కించిన ఈ మూవీలో కృతి సనన్ సీతగా కనిపించింది. లంకేశుడిగా బాలీవుడ్ స్టార్ హీరో సైఫ్ అలీఖాన్ నటించాడు. సన్నీ సింగ్ లక్ష్మణుడు, దేవ్దత్తా నాగే హనుమంతుడి పాత్రలు పోషించారు. భారీ అంచనాలతో జూన్ 16న థియేటర్లలో రిలీజైన ఆదిపురుష్ ప్రేక్షకులను పెద్దగా ఆకట్టుకోలేకపోయింది. సినిమా కథ రామాయణానికి భిన్నంగా ఉందన్న కామెంట్లు, విమర్శలు వినిపించాయి. అలాగే మూవీలోని వీఎఫ్క్స్, డైలాగుపై తీవ్ర అభ్యంతరాలు వ్యక్తమయ్యాయి. అయితే వివాదాలెన్నీ ఉన్నా బాక్సాఫీస్ వద్ద ఆదిపురుష్ సినిమాకు భారీ కలెక్షన్లు వచ్చాయి. సుమారు రూ. 450 కోట్లకు పైగా వసూళ్లు వచ్చాయి. ప్రభాస్ క్రేజ్ దీనికి కారణమని ప్రత్యేకంగా చెప్పక్కర్లేదు. థియేటర్లలో రిలీజైన చాలా రోజులకు ఓటీటీలో వచ్చిన ఆదిపురుష్ ఇక్కడ మాత్రం భారీ వ్యూస్ సొంతం చేసుకుంది. ప్రముఖ ఓటీటీ ప్లాట్ఫామ్ అమెజాన్ ప్రైమ్ వీడియోలో ఆగస్టు 11 నుంచి స్ట్రీమింగైన ఈ మైథలాజికల్ మూవీకి ఆదరణ బాగానే వచ్చింది.
థియేటర్లలో రిలీజైన నాలుగు నెలల తర్వాత బుల్లి తెరపై..
థియేటర్లలో, ఓటీటీలో హిట్గా నిలిచిన ఆదిపురుష్ సినిమా ఇప్పుడు బుల్లితెరపై సందడి చేసేందుకు సిద్ధమైంది. ‘ఆదిపురుష్’ వరల్డ్ టీవీ ప్రీమియర్ డేట్ను తాజాగా ప్రకటించారు. ప్రముఖ టీవీ ఛానెల్ స్టార్ మా ఆదిపురుష్ శాటిలైట్ హక్కులను సొంతం చేసుకుంది. వచ్చే ఆదివారం అంటే అక్టోబర్ 29 న సాయంత్రం 5.30 గంటలకు ప్రభాస్ సినిమాను టెలికాస్ట్ చేయనున్నట్లు అధికారికంగా తెలిపింది. కాగా టీ సిరీస్ బ్యానర్ పై భూషణ్ కుమార్, క్రిష్ణన్ కుమార్ నిర్మించిన ఆది పురుష్ సినిమాను తెలుగులో యూవీ క్రియేషన్స్, పీపుల్ మీడియా ఫ్యాక్టరీ సంయుక్తంగా రిలీజ్ చేశాయి. సంచిత్ బల్హారా, అంకిత్ బల్హారా బ్యాక్గ్రౌండ్ స్కోర్ అందించగా, అజయ్ అతుల్, సంచిత్ స్వరాలు సమకూర్చారు. మరి థియేటర్లు, ఓటీటీలో అదరగొట్టిన ఆదిపురుష్ బుల్లితెరపై ఎలాంటి రెస్పాన్స్ అందుకుంటుందో చూడాలి.
స్టార్ మా లో సందడి చేయనున్న ఆదిపురుష్
World Television Premiere#Adipurush 29th Oct, Sunday at 5.30pm on #starmaa #AdipurushOnStarMaa#Prabhas #KritiSanon #SaifAliKhan #SunnySingh #DevduttaNage #PrabhasBirthdayCelebrations #Salaar #SalaarCeaseFire @TrendsPrabhas @Team_Prabhas @PrabhasEmpire pic.twitter.com/VNQXEFRQX4
— Telugu Television News (@TeluguTvExpress) October 22, 2023
మరిన్ని సినిమా వార్తల కోసం ఇక్కడ క్లిక్ చేయండి..
