Kantara Movie: ఓటీటీలోకి ‘కాంతారా’ వచ్చేది అప్పుడేనా.. స్ట్రీమింగ్ ఎక్కడ.? ఎప్పుడంటే.?

Kantara Movie

కన్నడంలో చిన్న సినిమాగా విడుదలై.. అఖండ విజయాన్ని సొంతం చేసుకున్న చిత్రం ‘కాంతారా’. రిషబ్ శెట్టి హీరోగా, దర్శకుడిగా వ్యవహరించిన ఈ సినిమా కేవలం 15 రోజుల్లోనే ప్రపంచవ్యాప్తంగా రూ. 150 కోట్లకు పైగా వసూళ్లు రాబట్టింది. శాండిల్‌వుడ్‌లో కేజీఎఫ్ 2 తర్వాత ఆ స్థాయి వసూళ్లు రాబట్టిన చిత్రం ఇదే కావడం విశేషం. కన్నడంలో అద్భుతమైన హిట్ కొట్టిన ఈ మూవీని రీసెంట్‌గా తమిళ, తెలుగు, హిందీ భాషల్లో విడుదల చేశారు. ఇక మలయాళం వెర్షన్ ఈ నెల 20న ప్రేక్షకుల ముందుకు రాబోతోంది.

కన్నడం అటుంచితే.. తెలుగు, హిందీ భాషల్లో కూడా ఈ సినిమా బాక్సాఫీస్ రాంపేజ్ సృష్టిస్తోంది. మంచి వసూళ్లు రాబట్టుతోంది. థియేటర్లలో హౌస్‌ఫుల్ కలెక్షన్లతో దూసుకుపోతున్న ఈ సినిమా ఎప్పుడెప్పుడు ఓటీటీలోకి వస్తుందా అని ప్రేక్షకులు ఎదురు చూస్తున్నారు. తాజాగా సమాచారం ప్రకారం.. ఈ మూవీ ఓటీటీ హక్కులు అమెజాన్ ప్రైమ్ వీడియో దక్కించుకుందని తెలుస్తోంది. నవంబర్ 4వ తేదీన ఈ సినిమా కన్నడ వెర్షన్ ఓటీటీలో విడుదలయ్యే అవకాశం ఉందని సమాచారం. అయితే దీనిపై అధికారిక ప్రకటన రావాల్సి ఉంది.

కాగా, రిషబ్ శెట్టి స్వీయ దర్శకత్వంలో రూపొందిన ఈ చిత్రం పీరియాడిక్ యాక్షన్ థ్రిల్లర్‌గా తెరకెక్కించింది. హోంబలే ఫిలిమ్స్ బ్యానర్‌పై విజయ్ కిరంగండుర్ నిర్మించిన ఈ మూవీ కన్నడం సెప్టెంబర్ 30వ తేదీన విడుదలైంది.

మరిన్ని సినిమా వార్తల కోసం క్లిక్ చేయండి..