OTT Movie: బంగ్లాలో 120 ఏళ్ల క్రితం నాటి ఆత్మలు.. ఓటీటీలో లేటెస్ట్ హారర్ థ్రిల్లర్ మూవీ

ప్రముఖ కోలీవుడ్ హీరోలు జీవా, అర్జున్ సర్జా ప్రధాన పాత్రల్లో తెరకెక్కిన చిత్రం అగత్యా. పా.విజయ్‌ తెరకెక్కించిన ఈ ఫాంటసీ హారర్ థ్రిల్లర్ మూవీలోరాశీ ఖన్నా హీరోయిన్ గా నటించింది. ఫిబ్రవరి 28న పాన్ ఇండియా స్థాయిలో ఈ మూవీ విడుదలైంది. తమిళ్ తో పాటు తెలుగు, హిందీ, కన్నడ భాషల్లో అగత్యా మూవీ ప్రేక్షకుల ముందుకు వచ్చింది. ప్రస్తుతం ట్రెండింగ్ లో ఉన్న రూరల్ బ్యాక్ గ్రౌండ్, హారర్ అండ్ థ్రిల్లింగ్ కాన్సెప్ట్ తో తెరకెక్కిన ఈ మూవీ ఆడియెన్స్ కు బాగానే నచ్చింది. అయితే తెలుగులో పెద్దగా ఈ మూవీకి ప్రమోషన్స్ నిర్వహించకపోవడంతో ఇక్కడి జనాలు పెద్దగా పట్టించుకోలేదు. తమిళంలో మాత్రం అగత్యా సినిమాకు మంచి రెస్పాన్స్ వచ్చింది. థియేటర్లలో ఆడియెన్స్ ను థ్రిల్ చేసిన ఈ మూవీ ఇప్పుడు డిజిటల్ స్ట్రీమింగ్ కు వచ్చేసింది. అగత్యా సినిమా డిజిటల్ స్ట్రీమింగ్ హక్కులను ప్రముఖ తమిళ్ ఓటీటీ సంస్థ సన్‌ నెక్స్ట్‌ సొంతం చేసుకుంది. ఈ నేపథ్యంలో సినిమా ఓటీటీ స్ట్రీమింగ్ పై అధికారిక ప్రకటన కూడా వెలువడింది. మార్చి 28 నుంచి అగత్యా సినిమాను ఓటీటీలోకి తీసుకురానున్నట్లు సన్ నెక్ట్స్ సోషల్ మీడియా వేదికగా  అఫీషియల్ గా అనౌన్స్ చేసింది. అయితే పాన్ ఇండియా భాషల్లో రిలీజైన ఈ మూవీని ఓటీటీలో ఎన్ని భాషల్లో స్ట్రీమింగ్ కు తీసుకొస్తున్నారో మాత్రం క్లారిటీగా చెప్పలేదు.

అయితే తమిళంతో పాటు తెలుగు, హిందీ, కన్నడ భాషల్లోనూ అగత్యా సినిమా స్ట్రీమింగ్ కు రానుందని తెలుస్తోంది. సన్‌ నెక్స్ట్‌ తో పాటు  అమెజాన్‌ ప్రైమ్‌లో కూడా ఈ మూవీ అందుబాటులోకి రావచ్చని తెలుస్తోంది. వీల్స్ ఫిల్మ్ ఇంటర్నేషనల్ వామ్ ఇండియా బ్యానర్ పై డా.ఇషారి కె.గణేశ్, అనీశ్‌ అర్జున్‌దేవ్‌ ఈ సినిమాను నిర్మించారు. ఎడ్వర్డ్, రాధా రవి, యోగి బాబు, పూర్ణిమ భాగ్యరాజ్, రోహిణీ, సెంథిల్, అభిరామి, ఛార్లీ, ఢిల్లీ గణేష్, నిళల్ గల్ రవి, వీటీవీ గణేష్, రెడిన్ కింగ్ స్లే ,ఇంద్రజా శంకర్ తదితరులు ప్రధాన పాత్రలు పోషించారు. యువన్ శంకర్ రాజా స్వరాలు సమకూర్చారు.

See more

An angel and a devil are on their way to meet you all this March 28th! 🔥❄️

Aghathiyaa streaming from 28th march on Sun NXT

ఇవి కూడా చదవండి

కాలేజీలో 42 ప్రేతాత్మలు.. ఓటీటీలోకి లేటెస్ట్ హారర్ థ్రిల్లర్

దుబాయ్‌లోని హిందూ దేవాలయాన్ని దర్శించుకున్న అల్లు అర్జున్..వీడియో

సినీ, క్రికెట్ స్టార్లకు హెయిర్ కటింగ్ చేసేది ఇతనే.. ఫీజు ఎంతంటే?

సుశాంత్ మృతి కేసు.. సీబీఐ ఫైనర్ రిపోర్టులో సంచలన విషయాలు

[Aghathiyaa On Sun NXT, Jiiva, Arjun Sarja, Raashii Khanna, Edward Sonnenblick, Matylda, Radha Ravi, Yogi Babu, Rohini, Poornima Bhagyaraj, Abhirami,… pic.twitter.com/uvAV52vT14

— SUN NXT (@sunnxt) March 24, 2025

మరిన్ని సినిమా వార్తల కోసం ఇక్కడ క్లిక్ చేయండి.