లెజెండరీ హీరో శశికపూర్ జయంతి నేడు.. శశికపూర్, జెన్నిఫర్ల అందమైన ప్రేమకావ్యం మీకు తెలుసా..
Shashi Kapoor Birthday : బాలీవుడ్ లెజండరీ హీరో శశికపూర్ పుట్టినరోజు నేడు. మార్చి 18న 1938లో పశ్చిమ బెంగాల్లోని కోల్ కత్తాలో జన్మించారు. కొన్ని సినిమాలకు
Shashi Kapoor Birthday : బాలీవుడ్ లెజండరీ హీరో శశికపూర్ పుట్టినరోజు నేడు. మార్చి 18న 1938లో పశ్చిమ బెంగాల్లోని కోల్ కత్తాలో జన్మించారు. కొన్ని సినిమాలకు దర్శకుడిగా, సహాయ దర్శకుడిగా కూడా పనిచేశాడు. 2011 లో ఆయనకు భారత ప్రభుత్వం పద్మభూషణ్ పురస్కారాన్ని ప్రదానం చేసింది. అనారోగ్యంతో శశి కపూర్ ముంబైలోని కోకిలబెన్ హాస్పిటల్లో 2017, డిసెంబర్ 4 (సోమవారం)న మరణించాడు. ఆ దివంగత నటుడి అందమైన ప్రేమ కథ గురించి తెలుసుకుందాం.
శశి కపూర్ 1958 లో జెన్నిఫర్ కెండాల్‌ను వివాహం చేసుకున్నాడు. జెన్నిఫర్ చెల్లెలు ఫెలిసిటీ కాండిల్ తన వైట్ కార్గో పుస్తకంలో వీరిద్దరి ప్రేమకథ గురించి చెప్పుకోచ్చింది. శశి కపూర్ను నేరుగా చూడకముందు జెన్నిఫర్ తన స్నేహితురాలితో కలిసి ఓ నాటకం ప్రదర్శించడానికి ఒపెరా హౌస్ కు వెళ్లింది. ఆ నాటకంలో శశికపూర్ను మొదటి సారి చూసింది. ఆ సమయానికి శశికపూర్ అంతగా గుర్తింపు సాధించలేదు. శశికపూర్ తన ప్రేమ గురించి.. తన పుస్తకం పృథ్వీవాలజ్లో ఇలా రాసుకోచ్చాడు.. నేను జెన్నిఫర్ యొక్క నాటకాలను చూశాను. కానీ ఆమె ఎలాంటి నోటీసు తీసుకోలేదు. కొన్ని రోజుల తర్వాత రాయల్ ఒపెరా హౌస్లో ఒక రోజు నేను ముంబైలో ఉన్నప్పుడు ఆమెను నేను మొదటి సారి కలుసుకున్నాను. ఆ తర్వాత మేం తరచూ కలుసుకునేవాళ్ళం అంటూ తెలిపాడు. శశికపూర్ కంటే జెన్నిఫర్ 5 సంవత్సరాలు పెద్దది. తాను జెన్నిఫర్ను ఎక్కువగా ముంబైలోనే కలుసుకునేవాడినని పుస్తకంలో రాసుకోచ్చాడు శశికపూర్.. ప్రారంభంలో జెన్నిఫర్తో మాట్లాడటానికి శశికపూర్ చాలా సిగ్గుపడేవాడని.. దీంతో తన గురించి జెన్నిఫర్ మరో రకంగా అనుకుందని..కొన్ని అపార్థాలు వచ్చాయని తెలిపాడు. ఆ తర్వాత క్రమంగా వారిద్ధరి మధ్య ఏర్పడిన అపార్థాలు తొలగిపోయి.. సంతోషంగా గడిపినట్లుగా తన పుస్తకంలో చెప్పుకోచ్చాడు శశికపూర్..
Also Read:
సౌందర్య ఎక్స్పోజింగ్ అందుకే చేయలేదట.. అసలు విషయాన్ని బయటపెట్టిన సీనియర్ హీరోయిన్..
మొదటిసారి కొడుకు ఫోటోను షేర్ చేసిన స్టార్ హీరో.. ఇంతకీ అబ్బాయి పేరు ఎంటో తెలుసా..