Pooja Hegde: బుట్టబొమ్మ స్టెప్‌ను సృష్టించింది తామే అంటోన్న పూజా.. అర్హ‌తో ఆస‌క్తిక‌ర‌మైన వీడియో..
Pooja Hegde: అల్లు అర్జున్, పూజా హెగ్డే జంట‌గా వ‌చ్చిన అల వైకుంఠ‌పురం ఎంత‌టి విజ‌యాన్ని సాధించిందో ప్ర‌త్యేకంగా చెప్పాల్సిన ప‌నిలేదు. ఈ సినిమా విడుద‌లై రెండేళ్లు పూర్త‌వుతుంది. 2020లో సంక్రాంతి కానుక‌గా...
Pooja Hegde: అల్లు అర్జున్, పూజా హెగ్డే జంట‌గా (Allu Arjun) వ‌చ్చిన అల వైకుంఠ‌పురం ఎంత‌టి విజ‌యాన్ని సాధించిందో ప్ర‌త్యేకంగా చెప్పాల్సిన ప‌నిలేదు. ఈ సినిమా విడుద‌లై రెండేళ్లు పూర్త‌వుతుంది. 2020లో సంక్రాంతి కానుక‌గా వ‌చ్చిన ఈ సినిమా బాక్సాఫీస్ వ‌ద్ద మంచి విజ‌యాన్ని సొంతం చేసుకుంది. ముఖ్యంగా ఈ సినిమాలోని పాటలు శ్రోత‌ల‌ను విప‌రీతంగా ఆక‌ట్టుకున్నాయి. వీటిలో బుట్టబొమ్మ సాంగ్ గురించి ప్ర‌త్యేంగా చెప్పుకోవాలి. ఈ పాటకు ఏకంగా విదేశీయులు కూడా రీల్స్ చేస్తూ సంద‌డి చేశారు. అంత‌లా క్రేజ్‌ను ద‌క్కించుకున్న ఈ పాట అప్ప‌ట్లో సోష‌ల్ మీడియాలో ఓ సెన్సేష‌న్‌గా చెప్ప‌వ‌చ్చు.
ఇదిలా ఉంటే తాజాగా ఈ సినిమా విడుద‌లై రెండేళ్లు పూర్త‌యిన నేప‌థ్యంలో న‌టి పూజా హెగ్డే ఇన్‌స్టాగ్రామ్ వేదిక‌గా ఓ ఆస‌క్తిక‌ర‌మైన వీడియోను పోస్ట్ చేసింది. షూటింగ్ గ్యాప్‌లో అల్లు అర్జున్ కూతురు అర్హ‌తో చేసిన సంద‌డికి సంబంధించిన వీడియోను పోస్ట్ చేసింది. ఈ వీడియోలో అర్హ, పూజా కలిసి బుట్ట‌బొమ్మ‌కు స్టెప్పులేశారు. అయితే ఈ సంద‌ర్భంగా పూజా ఆస‌క్తిక‌ర‌మైన క్యాప్ష‌న్‌ను రాసుకొచ్చింది.
బుట్టబొమ్మ సాంగ్ షాట్ కోసం వేచి చూస్తున్న స‌మ‌యంలో అర్హ‌తో కలిసి బుట్టబొమ్మ పాటకు డ్యాన్స్ చేశానని చెప్పుకొచ్చిన పూజా.. నిజానికి తెలియ‌కుండానే అస‌లు బుట్టబొమ్మ స్టెప్‌ను తామే సృష్టించామ‌ని అనుకుంటున్నాను అని రాసుకొచ్చింది. ప్ర‌స్తుతం ఈ వీడియో నెట్టింట వైర‌ల్ అవుతోంది.
CM KCR: ఎరువుల ధరలు తగ్గించండి.. ప్రధాని మోడీకి సీఎం కేసీఆర్ బహిరంగ లేఖ..
NRI News: ప్రవాస భారతీయుల కోసం పంజాబ్ నేషనల్ బ్యాంక్ అద్భుత డిపాజిట్ పథకం.. వివరాలివే!