20 ఏళ్లుగా జరుగుతున్న పైశాచికం, నయా నిజాం వికృత చేష్టలు వెలుగులోకి. ఇంతకీ ఎవరీ నవాబు..? ఏంటాచేష్టలు..?
ఈ నవాబు మామూలోడు కాదు. వికారాబాద్‌ అడవుల్లో 20 ఏళ్లు రాజ్యమేలాడు. కాని ఇప్పటికి అతని కోట కూలిపోయే సమయం ఆసన్నమైంది. ఈ నయా నవాబ్‌ ఆకృత్యాలు... అతడి..
ఈ నవాబు మామూలోడు కాదు. వికారాబాద్‌ అడవుల్లో 20 ఏళ్లు రాజ్యమేలాడు. కాని ఇప్పటికి అతని కోట కూలిపోయే సమయం ఆసన్నమైంది. ఈ నయా నవాబ్‌ ఆకృత్యాలు… అతడి అరాచకాలు టీవీ9 చేతికి చిక్కాయి. వికారాబాద్‌ అడవుల్లో దర్జాగా ప్రభుత్వ భూమిని కబ్జాపెట్టాడు సాజిద్‌ నవాబ్‌. కబ్జా ఒక్కటే కాదు.. అక్కడ సమాంతర ప్రభుత్వాన్ని నడుపుతున్నాడు. సొంత సైన్యాన్ని ఏర్పాటు చేసుకున్నాడు. చుట్టుపక్కల గ్రామాల్లో అలజడి సృష్టించడం అతడి హాబీగా మారింది. అమ్మాయిలను తీసుకొచ్చి రేప్‌ చేయడం.. చిత్రహింసలకు గురిచేసి చంపేయడం నవాబుకి చాలా చిన్న విషయం. అడవి జంతువులను వేటాడి వాటి మాంసాన్ని వండుకు తినేవాడు నవాబ్‌. జింక, దుప్పి, నెమళ్లు
ఒకటేమిటి.. అడవుల్లో తిరిగేవి, ఎగిరేవి, పాకేవి అన్నింటి రుచి చూసేశాడు. ఇన్నాళ్లూ అధికారులను గుప్పిట్లో పెట్టుకుని అతడు ఆట ఆడుతూ వచ్చాడు. కాని.. ఇప్పుడు ఓ కలెక్టర్‌ అతడికి ముచ్చెమటలు పట్టిస్తున్నారు. సాజిద్‌ సామ్రాజ్యానికి సవాల్‌గా నిలిచారు. వికారాబాద్‌ కలెక్టర్‌ పౌసుమి బసు అన్ని లెక్కలూ తేలుస్తున్నారు. జిల్లాలో ప్రైవేటు వ్యక్తుల కబ్జాలో ఉన్న భూములను స్వాధీనం చేసుకునేందుకు సిద్ధమయ్యాయి. ఇప్పటికే నవాబు అరాచకాలను తెలుసుకున్న కలెక్టర్‌.. 240 ఎకరాల కబ్జా భూమిని విడిపించే ప్రయత్నంలో ఉన్నారు. టీవీ9 ఇన్వెస్టిగేషన్‌లో నవాబు నాటకాలన్నీ బయటికొస్తున్నాయి. అక్కడి గ్రామస్తులను అడిగితే.. చెప్పలేని మాటల్లో నవాబుపై ఉన్న కోపాన్ని వ్యక్తం చేస్తున్నారు.