Youth Street Fight: హైదరాబాద్ పాతబస్తీలో గ్యాంగ్‌ వార్‌ కలకలం.. గ్రూపులుగా విడిపోయి విచక్షణారహితంగా కొట్టుకున్న యువకులు..

Hyderabad Youth Street Fight In Old City

Hyderabad Youth Street Fight: హైదరాబాద్ మహానగరంలో మరోసారి గ్యాంగ్ వార్ కలకలం సృష్టించింది. పాతబస్తీలోని డబీర్‌పురా పోలీస్‌స్టేషన్‌ పరిధిలో యువకుల మధ్య ఘర్షణ జరిగింది. అద్నాన్‌, వాడి గ్యాంగ్స్ రోడ్డెక్కి బాహాబాహీకి దిగారు. చంచల్‌గూడా జైలు సమీపంలోని రోడ్డుపై ఆదివారం రాత్రి 10 గంటల ప్రాంతంలో కొందరు యువకులు రెండు గ్రూపులుగా విడిపోయి విచక్షణారహితంగా పరస్పరం దాడులకు తెగబడ్డారు. ఓ చిన్న వివాదంతో మొదలైన ఘర్షణ పెద్దదిగా మారింది. యువకులు ఒకరిపై మరొకరు పిడి గుద్దులు గుద్దుకున్నారు.

అజీబ్, ముజీబ్, కమ్రాన్‌తో పాటు మరికొంత మంది చేసిన దాడిలో అద్నాన్, అతడి గ్యాంగ్ తీవ్రంగా గాయపడ్డారు. దెబ్బల ధాటికి అద్నాన్‌ అనే యువకుడు తీవ్రంగా గాయపడి ఘటనా స్థలంలోనే కుప్పకూలిపోయాడు. ఈ ఘటన సమీపంలో ఉన్న సీసీ కెమెరాల్లో రికార్డయ్యింది. అద్నాన్‌ను ఉస్మానియా ఆసుపత్రికి తరలించారు. ప్రస్తుతం అతని పరిస్థితి విషమంగా ఉందని వెద్యులు తెలిపారు. బాధితుల ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. దీంతో ఇరువర్గాలకు చెందిన యువకులను అదుపులోకి తీసుకున్న పోలీసులు విచారణ చేపట్టారు. అయితే, నగరంలో రాత్రి సమయంలో కర్ఫ్యూ అమలవుతుండగానే ఈ ఘర్షణ చోటుచేసుకోవడం తీవ్ర కలకలం రేగింది.

https://images.tv9telugu.com/wp-content/uploads/2021/06/hyd-youth-street-fight.mp4?_=2