T-Series Bhushan Kumar : టి- సిరీస్ హెడ్ భూషణ్ కుమార్‌పై అత్యాచారం ఆరోపణలు.. ఎఫ్‌ఐఆర్ నమోదు..
T-Series Bhushan Kumar : దివంగత గీత రచయిత గుల్షన్ కుమార్ కుమారుడు, టి-సిరీస్ కంపెనీ మేనేజింగ్ డైరెక్టర్ భూషణ్ కుమార్ పై అత్యాచారం కేసు నమోదైంది.
T-Series Bhushan Kumar : దివంగత గీత రచయిత గుల్షన్ కుమార్ కుమారుడు, టి-సిరీస్ కంపెనీ మేనేజింగ్ డైరెక్టర్ భూషణ్ కుమార్ పై అత్యాచారం కేసు నమోదైంది. భూషణ్ 30 ఏళ్ల మహిళపై అత్యాచారం చేశాడని ఆరోపణలు వచ్చాయి. అతను తన కంపెనీ ప్రాజెక్ట్ లో భాగంగా ఉద్యోగం నెపంతో ఆమెపై అత్యాచారం చేశాడని ఆరోపణలు వస్తున్నాయి.2017 నుండి 2020 ఆగస్టు వరకు భూషణ్ కుమార్ తనను దాదాపు మూడేళ్ళకు పైగా వేధింపులకు గురిచేశాడని బాధితురాలు ఆరోపించింది. ముంబై పోలీసు వర్గాల సమాచారం ప్రకారం, ఆమెను వేర్వేరు ప్రదేశాలకు తీసుకెళ్లి వేధింపులకు గురిచేసినట్లు మహిళ ఆరోపించింది . తన ఫోటో, వీడియో వైరల్ చేస్తామని నిందితుడు బెదిరించాడని బాధితురాలు ఆరోపించింది. ముంబైలోని అంధేరికి చెందిన డిఎన్ నగర్ పోలీసులు కేసు నమోదు చేశారు.
గతంలో మీటూ ఉద్యమం ద్వారా మోడల్ మెరీనా కున్వర్ కూడా భూషణ్ కుమార్ శారీరక వేధింపులకు పాల్పడ్డారని ఆరోపించారు. మెరీనా కున్వర్ ఓ టీవి ఛానెల్‌కిచ్చిన ఇంటర్వ్యూలో భూషన్ ఒక రోజు తనను కలవడానికి ప్రయత్నించారని చెప్పారు. తనతో తప్పుడు పనులు చేయడానికి ప్రయత్నించాడని పేర్కొంది. తన కాల్ వివరాలను మీకు సాక్ష్యంగా చూపిస్తానని తెలిపింది.తనపై వచ్చిన ఆరోపణలను భూషణ్ కుమార్ ఖండించారు. పబ్లిసిటీ కోసమే తనపై కావాలని ఆరోపణలు చేస్తున్నారని ప్రకటించారు.