Cp waring to drunk and drivers: తాగి వాహనం నడుపుతున్నారా.? అయితే మీరు తీవ్రవాదే.. ఈ మాట అంటోంది ఎవరో కాదు.
మద్యం తాగి వాహనాలు నడపడం వల్ల జరిగే ప్రమాదాలేంటో ప్రత్యేకంగా చెప్పాల్సిన అవసరం లేదు. పోలీసులు ఎన్ని డ్రంక్ డ్రైవ్ టెస్ట్‌లు నిర్వహించినా, జరిమానాలు విధించినా మందు బాబులు మాత్రం తాగి వాహనాలు నడపడం మానట్లేదు. అయితే.. మద్యం తాగి వాహనాలు నడిపే వారు...
Cp waring to drunk and drivers: మద్యం తాగి వాహనాలు నడపడం వల్ల జరిగే ప్రమాదాలేంటో ప్రత్యేకంగా చెప్పాల్సిన అవసరం లేదు. పోలీసులు ఎన్ని డ్రంక్ డ్రైవ్ టెస్ట్‌లు నిర్వహించినా, జరిమానాలు విధించినా మందు బాబులు మాత్రం తాగి వాహనాలు నడపడం మానట్లేదు. అయితే.. మద్యం తాగి వాహనాలు నడిపే వారు టెర్రరిస్టులతో సమామని అంటున్నారు సైబరాబాద్ సీపీ వీసీ సజ్జనార్. కొత్తేడాది వేడుకలు ప్రారంభంకానున్న నేపథ్యంలో డ్రంక్ డ్రైవ్‌లపై పోలీసులు ప్రత్యేక శ్రద్ధ పెట్టారు. ఈ క్రమంలోనే నగరంలో పెద్ద ఎత్తున డ్రంక్ డ్రైవ్ పరీక్షలను నిర్వహిస్తున్నారు. సోమవారం ఒక్కరోజే ఏకంగా 420 మంది డ్రంక్ అండ్ డ్రైవ్ టెస్టులో పట్టుపడ్డారంటేనే పరిస్థితి ఏంటో అర్థం చేసుకోవచ్చు. కరోనా వ్యాప్తి నేపథ్యంలో హైదరాబాద్‌లో న్యూఇయర్ వేడుకలను నిషేధించిన విషయం తెలిసిందే. ఈ విషయమై తాజాగా సీపీ సజ్జనార్ స్పందించారు. డ్రంక్ డ్రైవ్ చేస్తూ పట్టుబడితే పదేళ్ల జైలు శిక్ష పడేలా కేసులు నమోదు చేస్తామని హెచ్చరించారు. మద్యం సేవించి వాహనాలు నడిపే వారు ఎంతటి వారైనా వదిలే ప్రసక్తే లేదని సీపీ స్పష్టం చేశారు. ట్రాఫిక్, లా అండ్ ఆర్డర్, ఏఆర్‌తో పాటు ఎస్‌వోటీ పోలీసులు కూడా డ్రంక్ అండ్ డ్రైవ్ తనిఖీల్లో పాల్గొంటారని తెలిపారు. నిబంధనలను అతిక్రమించిన వారికి కఠిన శిక్షలు ఉంటాయని హెచ్చరించారు. కాగా.. మద్యం తాగి వాహనం నడుపుతూ మొదటిసారి పట్టుబడితే రూ.10వేల జరిమానా, 6 నెలల జైలు శిక్ష, 3 నెలలు లైసెన్స్ రద్దు చేస్తామని. రెండోసారి పట్టుబడితే రూ.15 వేల ఫైన్‌, రెండేళ్ల జైలు శిక్ష, శాశ్వతంగా లైసెన్స్ రద్దు చేస్తామని హైదరాబాద్ పోలీసులు ఇటీవల హెచ్చరికలు జారీ చేసిన విషయం తెలిసిందే.
