షాకింగ్.. కరోనా కాటుకు 45 మంది పోలీసులు మృతి

కరోనా మహమ్మారికి మహామహులంతా మరణిస్తున్నారు. ప్రపంచ వ్యాప్తంగా ఈ వైరస్ రోజురోజుకు విజృంభిస్తోంది. దీనికి చెక్ పెట్టేందుకు వ్యాక్సిన్ లేకపోవడంతో.. దీనిని అరికట్టడంలో అన్ని దేశాలు విఫలమవుతున్నాయి. దీని బారినపడ్డ వారి రికవరీ రేటు బాగానే ఉన్నప్పటికీ.. రోజురోజుకు పాజిటివ్ కేసుల సంఖ్య పెరుగుతోంది. మన దేశంలో కూడా కరోనా కేసులు రోజు వేలల్లో నమోదవుతున్నాయి. ఇప్పటికే 3.6లక్షలకు పైగా కరోనా పాజిటివ్ కేసులు నమోదవ్వగా.. వీటిలో అత్యధికంగా మహారాష్ట్ర నుంచి వచ్చినవే. ఇక్కడ సామాన్య ప్రజలతో పాటు అన్ని విభాగాల వారిని కరోనా మహమ్మారి భయపెడుతోంది. ముఖ్యంగా పోలీసులను కరోనా వైరస్ వణికిస్తోంది. మూడు వేలకు పైగా పోలీస్ సబ్బంది కరోనా బారినపడగా.. అందులో 45 మంది మరణించారు. ఈ విషయాన్ని మహారాష్ట్ర హోం మంత్రి అనిల్ దేశ్‌ముఖ్ తెలిపారు. మొత్తం 3,820 పోలీస్ సిబ్బందికి కరోనా పాజిటివ్ సోకగా.. అందులో 45 మంది మరణించారని.. 2754 మంది కరోనా నుంచి కోలుకుని ఆస్పత్రుల నుంచి డిశ్చార్జ్ అయ్యారని తెలిపారు.