‘టిమ్స్‌’లో నోటిఫికేషన్‌..వైద్యులు, సిబ్బంది నియామకాలు

క‌రోనా నేప‌థ్యంలో హైద‌రాబాద్ గ‌చ్చిబౌలిలో ప్ర‌భుత్వం ఏర్పాటు చేసిన తెలంగాణ ఇనిస్టిట్యూట్‌ ఆఫ్‌ మెడికల్ సైన్సెస్ అండ్ రీసెర్చ్ (టీమ్స్)లో ఆస్ప‌త్రిలో సిబ్బంది నియామకానికి సోమ‌వారం నోటిఫికేష‌న్ విడుద‌లైంది.

కరోనా వైరస్‌ ఉధృతి నేపథ్యంలో గచ్చిబౌలిలోని టిమ్స్ ఆస్ప‌త్రిలో బాధితులకు చికిత్సలు అందించేందుకు ప్రభుత్వం నిర్ణయించి, అన్ని ఏర్పాట్లు చేసింది. కరోనా బాధితుల సంఖ్య పెరుగుతుండడంతో అవసరమైన సిబ్బంది నియామకంపై వైద్య, ఆరోగ్యశాఖ దృష్టి పెట్టింది. ఈ మేరకు టిమ్స్ లో 499 మంది వైద్యులు, నర్సులు, ఇతర సిబ్బంది భర్తీకి నోటిఫికేషన్‌ జారీ చేసింది. కాగా, ఈ నెల 19వ తేదీ వరకు ఆన్‌లైన్‌లో దరఖాస్తు చేసుకునే అవకాశం కల్పించింది.