చైనా సీక్రెట్ న్యూక్లియర్ టెస్ట్.. అమెరికా వర్రీ
అణుపాటవ పరీక్షల నిషేధం, ఇందుకు సంబంధించి అమలులో ఉన్న అంతర్జాతీయ ఒప్పందాన్ని ఖాతరు చేయకుండా చైనా రహస్యంగా తక్కువ స్థాయిలో ఈ పరీక్షలను నిర్వహించడంపై అమెరికా భగ్గుమంది. ఇప్పటికే ఈ రెండు దేశాల మధ్య సంబంధాలు ఆశించిన రీతిలో లేవు. కరోనా వైరస్ చైనా లోని వూహాన్ సిటీ నుంచే పుట్టిందని అమెరికా అధ్యక్షుడు ట్రంప్ ఆరోపించడం, చైనా దీన్ని ఖండించడం తెలిసిందే. కాగా చైనా తన ‘లోప్ నూర్’ అణు కేంద్రం వద్ద గత ఏడాదంతా […]
అణుపాటవ పరీక్షల నిషేధం, ఇందుకు సంబంధించి అమలులో ఉన్న అంతర్జాతీయ ఒప్పందాన్ని ఖాతరు చేయకుండా చైనా రహస్యంగా తక్కువ స్థాయిలో ఈ పరీక్షలను నిర్వహించడంపై అమెరికా భగ్గుమంది. ఇప్పటికే ఈ రెండు దేశాల మధ్య సంబంధాలు ఆశించిన రీతిలో లేవు. కరోనా వైరస్ చైనా లోని వూహాన్ సిటీ నుంచే పుట్టిందని అమెరికా అధ్యక్షుడు ట్రంప్ ఆరోపించడం, చైనా దీన్ని ఖండించడం తెలిసిందే. కాగా చైనా తన ‘లోప్ నూర్’ అణు కేంద్రం వద్ద గత ఏడాదంతా సీక్రెట్ గా న్యూక్లియర్ టెస్ట్స్ జరిపిందని వాల్ స్ట్రీట్ జర్నల్ తెలిపింది. అమెరికా విదేశాంగ శాఖ కూడా ఓ నివేదికలో ఇదే విషయాన్ని ప్రస్తావించింది. అణు పరీక్షలకు సంబంధించి ‘జీరో ఈల్డ్’ ఒడంబడికను బీజింగ్ అతిక్రమిస్తోందని, ఇది 1996 నాటి ఒప్పందాన్ని పూర్తిగా ఉల్లంఘించడమేనని ఈ రిపోర్టు దుయ్యబట్టింది.
అణు వార్ హెడ్ ను డెటోనెట్ చేసే పరీక్షల్లో పేలుడు జరగనప్పటికీ.. దీన్ని న్యూక్లియర్ టెస్టుగానే భావిస్తున్నారు. చైనా తన అణుపరీక్షా స్థావరాలను మళ్ళీ తెరిచింది.. పేలుడు పదార్థాలతో కూడిన కంటెయిన్ మెంట్ చాంబర్స్ ను వినియోగిస్తోందని, ఇది తీవ్ర ఆందోళనకరమైనదని ట్రంప్ ప్రభుత్వం విమర్శించింది. అయితే ఇందుకు ఆధారాలను చూపలేదు. పైగా ఓ ఇంటర్నేషనల్ ఏజెన్సీ నిర్వహించే మానిటరింగ్ సెంటర్ కు అనుబంధంగా ఉన్న సెన్సర్స్ నుంచి డేటా ట్రాన్స్ మిషన్లను చైనా బ్లాక్ చేస్తోందని కూడా ట్రంప్ సర్కార్ ఆరోపించింది. అయితే ఈ ఆరోపణలపై చైనా స్పందించలేదు.
