Breaking News
  • నల్గొండ: చండూరు డాన్‌బాస్కో కాలేజీలో విద్యార్థి ఆత్మహత్య. ఉరివేసుకొని ఆత్మహత్య చేసుకున్న ఫస్టియర్‌ విద్యార్థి ప్రకాష్‌. ప్రకాష్‌ ఆత్మహత్యకు ప్రేమ వ్యవహారమే కారణమని అనుమానం. ప్రకాష్‌ స్వస్థలం గుంటూరు జిల్లా .
  • ప.గో: సంజీవయ్య నగర్‌లో కొండచిలువ కలకలం. నివాసాల మధ్యకు వచ్చిన 8 అడుగుల కొండచిలువ. భయబ్రాంతులకు గురైన స్థానికులు కొండచిలువను కొట్టి చంపిన స్థానికులు.
  • ప.గో: పెనుమంట్ర మండలం మార్టేరులో కిసాన్‌ మేళా. కిసాన్‌ మేళాలో పాల్గొన్న వ్యవసాయ మంత్రి కన్నబాబు. మాది రైతు పక్షపాత ప్రభుత్వం-మంత్రి కన్నబాబు. 44 లక్షల రైతు కుటుంబాలకు రైతుభరోసా వర్తింపు. రూ.3లక్షల రుణం తీసుకున్న రైతులకు వడ్డీ లేదు-కన్నబాబు. చిరుధాన్యాలు పండించే రైతులను ప్రోత్సహించేందుకు. త్వరలోనే విధివిధానాలు ప్రకటిస్తాం-మంత్రి కన్నబాబు
  • సంగారెడ్డి: జిల్లాలో పలు అభివృద్ధి పనులకు హరీష్‌రావు శంకుస్థాపన. జోగిపేట, ఆందోల్‌లో రూ.10కోట్ల పనులకు శంకుస్థాపన చేసిన హరీష్‌. మున్సిపాల్టీ ఎన్నికల్లో టీఆర్ఎస్‌ విజయం ఖాయం-మంత్రి హరీష్‌రావు. కాళేశ్వరం, మల్లన్న సాగర్‌ నీళ్లతో సింగూర్‌ను నింపుతాం-హరీష్‌. సాగుకోసం సింగూర్‌ నీరు మెదక్ జిల్లాకు దక్కేలా ప్రణాళికలు రచిస్తాం. సింగూర్‌లో నీళ్లు లేకపోవడంతో ప్రత్యామ్నాయ ఏర్పాటు చేస్తాం. అదనంగా నిధులు ఇవ్వాలని సీఎం అధికారులను ఆదేశించారు-హరీష్‌రావు.
  • తెలంగాణ భవన్‌లో ముగిసిన టీఆర్‌ఎస్‌పీపీ సమావేశం కాళేశ్వరం ప్రాజెక్ట్‌కు జాతీయహోదాపై పోరాడుతాం-ఎంపీ నామా. రాష్ట్రంలో అన్ని ప్రాజెక్ట్‌లకు నిధులు కోరుతాం-ఎంపీ నామా. కాళేశ్వరంపై సుప్రీంకోర్టులో ఏపీ అఫిడవిట్‌ దాఖలు చేయడంపై సీఎం కేసీఆర్‌ స్పందించారు-ఎంపీ నామా నాగేశ్వరరావు. బయ్యారం స్టీల్‌ప్లాంట్‌తో పాటు 30 అంశాలపై చర్చించాం . హామీల సాధన కోసం కేంద్రంపై ఒత్తిడి తెస్తాం-నామా నాగేశ్వరరావు. మిషన్‌ భగీరథ పథకానికి కేంద్రాన్ని నిధులు కోరుతాం-ఎంపీ నామా.
  • హైదరాబాద్‌: టీఆర్‌ఎస్‌ ఎంపీలకు కేటీఆర్‌ దిశానిర్దేశం. పార్లమెంట్ సమావేశాల్లో విభజన హామీలు పెండింగ్‌ సమస్యలను లేవనెత్తాలని కేటీఆర్‌ ఆదేశం. బడ్జెట్‌లో తెలంగాణకు దక్కాల్సిన అంశాలు, ప్రాజెక్టులు నిధులపై ఇప్పటి నుంచే పనిచేయాలని ఎంపీలకు సూచన. గణాంకాలతో ఎంపీలకు సమగ్ర సమాచారం అందించాలన్న కేటీఆర్‌. దేశ రాజధానిలో అన్ని హంగులతో పార్టీ కార్యాలయం నిర్మిస్తాం. పార్టీ ఆఫీస్‌ నిర్మాణ ప్రక్రియను వేగవంతం చేస్తామన్న కేటీఆర్‌.
  • తిరుమలలో పెరిగిన భక్తుల రద్దీ శ్రీవారి ఉచిత దర్శనానికి 12 గంటల సమయం ఈరోజు శ్రీవారి హుండీ ఆదాయం రూ.2.88కోట్లు

సిపిఐ యూ టర్న్.. రసకందాయంలో హుజూర్ నగర్

హుజూర్ నగర్ అసెంబ్లీ స్థానానికి జరుగుతున్న ఉప ఎన్నికలో రోజుకో పరిణామం అసక్తి రేపుతూ.. ఉత్కంఠకు గురిచేస్తోంది. తాజాగా సిపిఐ పార్టీ తీసుకున్న యూ టర్న్ మరోసారి ఆ పార్టీ సమ్మర్ సాల్ట్ వైఖరిని స్పష్టం చేసింది. తొలుత టిఆర్ఎస్ పార్టీకి మద్దతిస్తామని ప్రకటించిన సిపిఐ నేత చాడా వెంకట్ రెడ్డి ఆర్టీసీ సమ్మెను సాకుగా చూపిస్తూ టిఆర్ఎస్ పార్టీ అభ్యర్థికి మద్దతు ఇవ్వడం లేదని ప్రకటించారు. సిపిఐ పార్టీ తీసుకున్న యూ టర్న్ హుజూర్ నగర్ ఉప ఎన్నికను మరోసారి రసకందాయంలో పడేసింది.

కాంగ్రెస్ పార్టీ సిట్టింగ్ స్థానమైన హుజూర్ నగర్లో ఉత్తమ్ కుమార్ రెడ్డి రాజీనామాతో బై ఎలక్షన్ వచ్చిన సంగతి తెలిసిందే. అయితే.. గత నవంబర్ లో జరిగిన తెలంగాణ అసెంబ్లీ ఎన్నికల్లో కలిసి పోటీ చేసిన కాంగ్రెస్, టిడిపి, సిపిఐ, టిజెఎస్ పార్టీల్లో టిడిపి ఈసారి సొంతంగా బరిలోకి అభ్యర్థిని దింపింది. కాంగ్రెస్, టిఆర్ఎస్ పార్టీలు సిపిఐ మద్దతు కోరగా.. సిపిఐ నేతలు గులాబీ పార్టీ వైపు మొగ్గు చూపారు. ఈలోగా ఆర్టీసీ సమ్మె రావడంతో సిపిఐ పార్టీపై కార్మికులు ఒత్తిడి తెచ్చినట్లు సమాచారం. కార్మిక సంఘాలకు ప్రతినిధిగా చెప్పుకునే కామ్రేడ్లు ఒకింత ఇరకాటంలో పడి.. తీరా యూ టర్న్ తీసుకున్నారు. ఆదిలాబాద్లో ఆర్టీసీ సమ్మెలో పాల్గొన్న చాడా వెంకట్ రెడ్డి హుజూర్ నగర్లో టిఆర్ఎస్  పార్టీ అభ్యర్థికిచ్చిన మద్దతు ఉపసంహరించుకున్నట్లు వెల్లడించారు.

మొదట్నించి సింగిల్ గానే ఎన్నికల బరిలో నిలుస్తూ వచ్చిన గులాబీ పార్టీ.. ఈసారి తామే స్వయంగా సిపిఐని మద్దతు కోసం సంప్రదించి, సానుకూల నిర్ణయాన్ని పొందారు. అయితే అనూహ్యంగా తెరమీదికొచ్చిన ఆర్టీసీ సమ్మె గులాబీ దళానికి సిపిఐని దూరం చేసింది. ప్రతీ ఎన్నికలోను టిఆర్ఎస్ పార్టీ ఒంటరిగానే విజయాలు సాధిస్తుండడంతో పొత్తు కోసం ఎవరినీ ఆశ్రయించలేదు. అదే పరిస్థితి తాజాగా మరోసారి హుజూర్ నగర్ లో ఏర్పడింది. అయితే.. సిపిఐ కాంగ్రెస్ పార్టీతో దూరంగా వుండడంతో కేశవరావు సారథ్యంలోని గులాబీ నేతలు సిపిఐ నేతలను పొత్తు కోసం సంప్రదించారు. దానికి వారు కూడా సానుకూలంగానే స్పందించారు. అయితే చాడా వెంకట రెడ్డికి ఎమ్మెల్సీ పదవి ఆశ చూపి, హుజూర్ నగర్లో మద్దతు పొందగలిగారని కాంగ్రెస్ నేతలు విమర్శలు గుప్పించారు.

కాంగ్రెస్ నేతల వ్యాఖ్యలపై చాడా వెంకట్ రెడ్డి కాస్త ఘాటుగానే స్పందించారు. ఎమ్మెల్సీ పదవిపై తనకు ఆశలేదని ఆయన క్లారిటీ ఇచ్చారు. అయితే.. ఈ అపవాదును పోగొట్టుకోవడానికి ఆర్టీసీ సమ్మె తాజాగా చాడాకు కలిసి వచ్చినట్లయింది. గత ఎన్నికల్లో మహాకూటమిగా వున్న టిడిపి, కాంగ్రెస్, సిపిఐ పార్టీలు హుజూర్ నగర్ బైపోల్ లో తలో స్టాండ్ తీసుకోవడంతో గులాబీ పార్టీ విజయం నల్లేరు మీద నడకే అనుకుంటున్న సమయంలో సిపిఐ పార్టీ యూ టర్న్ తీసుకోవడం ఆశ్చర్యాన్ని కలిగించే అంశమే. దీని ప్రభావం నుంచి గట్టెక్కేందుకు గులాబీ దళం ప్రతివ్యూహాన్ని సిద్దం చేసుకుంటున్నట్లు సమాచారం. కాంగ్రెస్ పార్టీ  వ్యూహంలో సిపిఐ, బిజెపి భాగస్తులయ్యారని టిఆర్ఎస్ నేతలు అంటుండడం విశేషం.