UPSC Recruitment 2023: రాత పరీక్షలేకుండా కేంద్ర కొలువులకు యూపీఎస్సీ నోటిఫికేషన్ విడుదల.. ఈ అర్హతలుంటే చాలు నేరుగా ఇంటర్వ్యూ..
వివిధ కేంద్ర ప్రభుత్వ శాఖల్లో యూనియన్ పబ్లిక్ సర్వీస్ కమిషన్ (యూపీఎస్సీ).. 146 రిసెర్చ్ ఆఫీసర్, అసిస్టెంట్ డైరెక్టర్, పబ్లిక్ ప్రాసిక్యూటర్, జూనియర్ ఇంజినీర్ తదితర పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతోంది..
Updated on: Apr 10, 2023 | 8:09 PM
వివిధ కేంద్ర ప్రభుత్వ శాఖల్లో యూనియన్ పబ్లిక్ సర్వీస్ కమిషన్ (యూపీఎస్సీ).. 146 రిసెర్చ్ ఆఫీసర్, అసిస్టెంట్ డైరెక్టర్, పబ్లిక్ ప్రాసిక్యూటర్, జూనియర్ ఇంజినీర్ తదితర పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతోంది. సివిల్, ఎలక్ట్రికల్, ఫొరెన్సిక్ ఆడిట్, రెగ్యులేషన్స్ ఇన్ఫర్మేషన్ తదితర విభాగాల్లో పోస్టుల భర్తీకి ఈ నోటిఫికేషన్ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు ఏదైనా గుర్తింపు పొందిన యూనివర్సిటీ లేదా ఇన్స్టిట్యూట్ నుంచి పోస్టును బట్టి సంబంధిత స్పెషలైజేషన్లో డిగ్రీ/ఇంజినీరింగ్ డిగ్రీ/బ్యాచిలర్స్ డిగ్రీ/ఇంజనీరింగ్ డిగ్రీ/పీజీ డిగ్రీ లేదా తత్సమాన కోర్సులో ఉత్తీర్ణత సాధించి ఉండాలి. అభ్యర్ధుల వయసు పోస్టును బట్టి 30 నుంచి 40 ఏళ్ల మధ్య ఉండాలి. ఎస్సీ/ ఎస్టీ అభ్యర్థులకు 5 సంవత్సరాలు, ఓబీసీ అభ్యర్థులకు 3 సంవత్సరాల వరకు వయోపరిమితిలో సడలింపు ఉంటుంది.
ఈ అర్హతలున్నవారు ఆన్లైన్ విధానంలో ఏప్రిల్ 27, 2023వ తేదీ రాత్రి 11 గంటల 59 నిముషాలలోపు దరఖాస్తు చేసుకోవచ్చు. దరఖాస్తు సమయంలో జనరల్ అభ్యర్ధులు తప్పనిసరిగా రూ.25 రిజిస్ట్రేషన్ ఫీజు చెల్లించాలి. ఎస్సీ/ఎస్టీ/వికలాంగ/మహిళా అభ్యర్ధులకు ఫీజు మినహాయింపు ఉంటుంది. షార్ట్ లిస్టింగ్, ఇంటర్వ్యూ ఆధారంగా ఎంపిక చేస్తారు. ఎంపికైన వారికి నోటిఫికేషన్లో సూచించిన నిబంధనల మేరకు జీతభత్యాలు చెల్లిస్తారు. ఇతర వివరాలు అధికారిక నోటిఫికేషన్లో చెక్ చేసుకోవచ్చు.
నోటిఫికేషన్ కోసం క్లిక్ చేయండి.
పూర్తి సమాచారం కోసం క్లిక్ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.
