TS TET 2022 Results: టెట్ అభ్యర్ధులకు అలర్ట్.. జులై 1న తెలంగాణ టెట్ ఫలితాలు
తెలంగాణ టీచర్‌ ఎలిజిబిలిటీ టెస్ట్‌ (TS TET 2022) ఫలితాలు జులై 1న విడుదల చేయనున్నట్లు విద్యాశాఖ మంత్రి పి సబితా ఇంద్రారెడ్డి మంగళవారం (జూన్‌ 28) వెల్లడించారు. ఈ రోజు తన కార్యాలయంలో విద్యాశాఖ..
TS TET 2022 Results Date: తెలంగాణ టీచర్‌ ఎలిజిబిలిటీ టెస్ట్‌ (TS TET 2022) ఫలితాలు జులై 1న విడుదల చేయనున్నట్లు విద్యాశాఖ మంత్రి పి సబితా ఇంద్రారెడ్డి మంగళవారం (జూన్‌ 28) వెల్లడించారు. ఈ రోజు తన కార్యాలయంలో విద్యాశాఖ పనితీరుపై మంత్రి సబిత సమీక్ష నిర్వహించారు. ఈ సమీక్షలో మంత్రి మాట్లాడుతూ.. తెలంగాణ టెట్ ఫలితాల వెల్లడిలో జాప్యానికి ఆస్కారం లేకుండా జులై 1న ఫలితాలు విడుదల చేయాలన్నారు. ఈ మేరకు టెట్ ఫలితాలు విడుదలకు ఏర్పాట్లు చేయాలని మంత్రి సబిత అధికారులను ఆదేశించారు. ఈ ఏడాది జూన్‌ 12న నిర్వహించిన తెలంగాణ టెట్ పరీక్ష ఫలితాలు నోటిఫికేషన్‌లో పేర్కొన్న విధంగా జూన్‌ 27న వెలువడవలసి ఉంది. ఐతే జూన్‌ 27న టెట్ ఫలితాలపై విద్యాశాఖ ఎటువంటి ప్రకటన జారీచేయకపోవడంతో ఫలితాలు వాయిదా పడ్డాయి. ఈసారి టెట్ పేపర్ 1 పరీక్షకు 3,18,506 మంది హాజరవగా, ఇక రెండో పేపర్‌కు 2,51,050ల మంది పరీక్ష రాశారు.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.