TS TET 2022 Results: రేపే తెలంగాణ టెట్‌ 2022 ఫలితాలు.. రిజల్ట్స్‌ ఇలా చెక్ చేసుకోండి..
తెలంగాణ టీచర్‌ ఎలిజిబిలిటీ టెస్ట్‌ (TS TET 2022) ఫలితాలు శుక్రవారం (జులై 1) విడుదలకానున్నాయి. ఈ మేరకు విద్యాశాఖ మంత్రి పి సబితా ఇంద్రారెడ్డి ఇప్పటికే ప్రకటన విడుదల చేశారు. టెట్‌ ఫైనల్‌ కీ కూడా బుధవారం విడుదలైన సంగతి..
TS TET 2022 Results Date: తెలంగాణ టీచర్‌ ఎలిజిబిలిటీ టెస్ట్‌ (TS TET 2022) ఫలితాలు శుక్రవారం (జులై 1) విడుదలకానున్నాయి. ఈ మేరకు విద్యాశాఖ మంత్రి పి సబితా ఇంద్రారెడ్డి ఇప్పటికే ప్రకటన విడుదల చేశారు. టెట్‌ ఫైనల్‌ కీ కూడా బుధవారం విడుదలైన సంగతి తెలిసిందే. ఇక రేపు ఫలితాలు ప్రకటించడానికి విద్యాశాఖ సిద్ధంగా ఉన్నట్లు సమాచారం. వాస్తవానికి ఈ నెల 27న టెట్‌ ఫలితాలు (TS TET Results) విడుదల చేస్తామని అధికారిక నోటిఫికేషన్‌లో వెల్లడించినప్పటికీ కొన్ని కారణాల రిత్యా ఆలస్యం నెలకొంది. జూన్ 12న నిర్వహించిన టెట్‌ పరీక్షలో పేపర్‌-1కు 3,18,506, పేపర్‌-2కు 2,51,070 మంది అభ్యర్థులు హాజరయ్యారు. అంటే దాదాపు 90 శాతం మంది పరీక్ష రాశారు. గత పరీక్షలతో పోలిస్తే ఈసారి ప్రశ్నల సరళి సులువుగా ఉందని పలువురు అభ్యర్ధులు తమ అభిప్రాయాన్ని వ్యక్తం చేశారు. దీంతో ఈ సారి అధిక సంఖ్యలో టెట్‌ పరీక్షలో అర్హత సాధించే అవకాశం ఉందని అంచనా. ఫలితాల వెల్లడి అనంతరం టెట్‌ ఫలితాలను అధికారిక వెబ్‌సైట్‌ https://tstet.cgg.gov.in/లో చెక్ చేసుకోవచ్చు.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.