TS Eamcet 2022 results: బ్రేకింగ్..! మరికాసేపట్లో విడుదలకానున్న తెలంగాణ ఎంసెట్, ఈసెట్- 2022 ఫలితాలు..
తెలంగాణ ఇంజనీరింగ్ అండ్ మెడికల్ కామన్ ఎంట్రన్స్ టెస్ట్ (TS EAMCET 2022) ఫలితాలు ఈ రోజు (ఆగస్టు12) ఉదయం విడుదలకానున్నాయి. ఈ మేరకు అన్ని ఏర్పాట్లు పూర్తి చేసినట్లు విద్యాశాఖ..
TS Eamcet 2022 Results: తెలంగాణ ఇంజనీరింగ్ అండ్ మెడికల్ కామన్ ఎంట్రన్స్ టెస్ట్ (TS EAMCET 2022) ఫలితాలు ఈ రోజు (ఆగస్టు12) ఉదయం విడుదలకానున్నాయి. ఈ మేరకు అన్ని ఏర్పాట్లు పూర్తి చేసినట్లు విద్యాశాఖ స్పష్టం చేసింది. తెలంగాణ ఎంసెట్ 2022తోపాటు ఈసెట్ ఫలితాలు కూడా ఈ రోజు విడుదల చేయనున్నారు. విద్యాశాఖ మంత్రి సబితా ఇంద్రారెడ్డి చేతుల మీదుగా ఈ రోజు ఉదయం 11 గంటల 15 నిముషాలకు ఎంసెట్ ఫలితాలు, అలాగే 11 గంటల 45 నిముషాలకు ఈసెట్ ఫలితాలు ప్రకటించనున్నారు. కాగా ఈ ఏడాది జులై 18 నుంచి 21 వరకు ఎంసెట్ ఇంజినీరింగ్ స్ట్రీమ్ పరీక్షలు, జులై 30, 31 తేదీల్లో అగ్రికల్చర్, ఫార్మా ప్రవేశ పరీక్షలు నిర్వహించారు. టీఎస్ ఎంసెట్ 2022 ఇంజినీరింగ్ స్ట్రీమ్ పరీక్షకు 1,56,812 మంది హాజరుకాగా, అగ్రికల్చర్ అండ్ ఫార్మా కోర్సులకు నిర్వహించిన పరీక్షకు 80,575 మంది విద్యార్థులు పరీక్షలు రాసినట్లు ఎంసెట్ కన్వీనర్ ఎ గోవర్ధన్ తెలిపారు. ఫలితాల ప్రకటన అనంతరం విద్యార్థులు అధికారిక వెబ్ సైట్ https://eamcet.tsche.ac.in/ లో రిజల్ట్స్ చెక్ చేసుకోవచ్చు.
ఈ పరీక్షలకు సంబంధించి ప్రైమరీ ఆన్సర్ కీని కూడా ఇప్పటికే విడుదల చేసి విద్యార్థుల నుంచి అభ్యంతరాలను స్వీకరించే ప్రక్రియ కూడా పూర్తి చేయడం జరిగింది. ఫలితాలతోపాటు ఫైనల్ ఆన్సర్ ‘కీ’ని తెలంగాణ ఎంసెట్ కమిటీ విడుదల చేయనుంది. కాగా ఈ సారి బీఎస్సీ నర్సింగ్ సీట్లను కూడా ఎంసెట్ అగ్రికల్చర్ ర్యాంకుల ఆధారంగానే కాళోజీ వైద్య విశ్వవిద్యాలయం భర్తీ చేయనున్న విషయం తెలిసిందే.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.