డిగ్రీ లేకుండానే గూగుల్లో 80 లక్షల ప్యాకేజీ జాబ్ ఎలా సాధించాడు? అసలు రహస్యం ఇదే!
Google Job Success Story: కోల్కతాకు చెందిన అర్కా మజుందార్ ఐఐటీ లేదా ఎన్ఐటీ వంటి ప్రతిష్టాత్మక విద్య లేకుండానే గూగుల్ వంటి ప్రముఖ ఐటీ సంస్థలో భారీ ప్యాకేజీతో ఉద్యోగం సాధించాడు. అతని విజయం కఠిన శ్రమ, ఓర్పు, నిరంతర ప్రయత్నం వల్లే సాధ్యమైందని ఈ ప్రయాణం నిరూపిస్తుంది. ఆయన సక్సెస్ స్టోరీ గురించి ఇప్పుడు తెలుసుకుందాం.
Success Story: పెద్ద సంస్థలో భారీ ప్యాకేజీతో ఉద్యోగం రావాలంటే ఉన్నత చదువులు చదివి ఉండాలి. చాలా స్కిల్స్ కావాలి. అయితే, ఓ యువకుడు మాత్రం ఐఐటీ, ఎన్ఐటీ డిగ్రీ లేకుండానే ఏకంగా దిగ్గజ ఐటీ సంస్థలో అరకోటికిపైగా ప్యాకేజీతో ఉద్యోగం సాధించాడు. అయితే, అతడు సాధించిన విజయానికి తగినంత కృషి కూడా ఉంది. విజయానికి తక్షణ మార్గాలు లేవు. కష్టపడి, ఓర్పుతో, నిరంతర శ్రమతో ముందుకు సాగిన వారికే అది చేరుతుంది అన్న మాటను కోల్కతాకు చెందిన అర్కా మజుందార్ జీవితం స్పష్టంగా నిరూపిస్తుంది. ప్రతిష్టాత్మకమైన ఐఐటీ లేదా ఎన్ఐటీ నేపథ్యం లేకపోయినా, గూగుల్ వంటి టెక్ దిగ్గజ సంస్థలో కోట్ల రూపాయల ప్యాకేజీతో ఉద్యోగం సాధించడం అతని ప్రయాణం విశేషం.
సాధారణ విద్యార్థి కావడంతో..
చిన్నప్పటి నుంచి అర్కా ఒక సాధారణ విద్యార్థి. 12వ తరగతిలో అతను కేవలం 69% మార్కులు మాత్రమే సాధించాడు. గణితంలో అయితే 43 మార్కులు మాత్రమే వచ్చాయి. పెద్ద ఇంజనీరింగ్ కాలేజీలకు అవసరమైన స్థాయి మార్కులు కాకపోవడంతో.. అతను టైర్-3 కళాశాల అయిన కూచ్ బెహార్ ప్రభుత్వ ఇంజనీరింగ్ కళాశాలలో కంప్యూటర్ సైన్స్లో B.Tech చదివాడు.
టీసీఎస్లో తొలి అవకాశం..
కళాశాల పూర్తయ్యాక ఉద్యోగం పొందడం అతనికి సులభం కాలేదు. నెలల తరబడి అనేక కంపెనీలకు దరఖాస్తు చేసినా తిరస్కరణలే ఎదురయ్యాయి. అయినప్పటికీ అతను నిరాశ చెందలేదు, ప్రయత్నం ఆపలేదు. చివరికి TCSలో అవకాశం దొరికింది. అక్కడ టాటా న్యూ యాప్ ఆర్కిటెక్చర్ మెరుగుదల, క్లౌడ్ ఫంక్షన్స్ ఆధారంగా నోటిఫికేషన్ సిస్టమ్ నిర్మాణం వంటి ముఖ్యమైన ప్రాజెక్టుల్లో పని చేశాడు. TCSలో నెలకు సుమారు ₹22,000 జీతంతో ప్రారంభించినా.. అతను తన నైపుణ్యాలను నిరంతరం పెంచుకుంటూనే ఉన్నాడు. Android Development, Java, Kotlin, Cloud Computing వంటి టెక్నాలజీలను నేర్చుకొని సర్టిఫికేషన్లు పొందాడు. అదే సమయంలో LeetCodeలో 800కు పైగా సమస్యలను సాధన చేశాడు.
పెద్ద మలుపు
దీర్ఘకాల శ్రమ తర్వాత, 2025లో అతని జీవితంలో పెద్ద మలుపు వచ్చింది. గూగుల్ కెరీర్స్ ద్వారా అప్లై చేసిన అతని ప్రొఫైల్ షార్ట్లిస్ట్ అయింది. ఫోన్ స్క్రీన్, ఆన్సైట్ ఇంటర్వ్యూలు, అలాగే “గూగ్లీనెస్” రౌండ్ను విజయవంతంగా దాటిన తర్వాత, అతను గూగుల్ Android Core టీమ్లో చేరాడు.
3.2 లక్షల నుంచి 80 లక్షల ప్యాకేజీకి..
సుమారు ₹3.2 లక్షల వార్షిక వేతనం నుంచి సుమారు ₹80 లక్షల ప్యాకేజీకి చేరడం అతని ప్రయాణంలో ఒక పెద్ద మైలురాయి. ఈ విజయానికి కారణం అతని మాటల్లోనే స్పష్టంగా తెలుసుకుందాం. “ఒక స్పష్టమైన లక్ష్యం, ఓర్పు, ప్రతిరోజూ కష్టపడే అలవాటు ఉంటే విజయం తప్పకుండా వస్తుంది.” అర్కా మజుందార్ స్టోరీ ఒక విషయం స్పష్టం చేస్తుంది. నేపథ్యం ఎంత సాధారణమైనదైనా, నిరంతర శ్రమ, నేర్చుకునే తత్వం ఉంటే అసాధ్యమంటూ ఏదీ ఉండదు.