RRB ALP Exam Date: సికింద్రాబాద్‌ రైల్వేలో 2,528 అసిస్టెంట్‌ లోకో పైలట్‌ పోస్టులు.. పరీక్ష తేదీలు ఇవే

RRB ALP Exam

హైదరాబాద్‌, నవంబర్‌ 18: రైల్వే ఉద్యోగాలకు సీరియస్‌గా ప్రిపేరవుతున్న అభ్యర్ధులకు రైల్వే శాఖ మరో అప్‌డేట్‌ విడుదల చేసింది. అసిస్టెంట్‌ లోకో పైలట్‌ నియామక రాత పరీక్ష సిటీ ఇంటిమేషన్‌ స్లిప్పులను రైల్వే శాఖ ఇటీవల విడుదల చేసింది. పరీక్షకు దరఖాస్తు చేసుకున్న అభ్యర్థులు అధికారిక వెబ్‌సైట్‌లో తమ రిజిస్ట్రేషన్‌ నంబర్‌, యూజర్‌ పాస్‌వర్డ్ లేదా పుట్టిన తేదీ వివరాలు నమోదు చేసి తమ పరీక్ష కేంద్రం వివరాలను ( సిటీ ఇంటిమేషన్‌ స్లిప్పు) డౌన్‌లోడ్‌ చేసుకోవచ్చు. ఈ స్లిప్పులో పరీక్ష కేంద్రం, సిటీ, పరీక్ష తేదీ, సమయం, మార్గదర్శకాలు వంటి తదితర వివరాలు ఉంటాయి. ఇక త్వరలో నే అడ్మిట్‌ కార్డులు కూడా విడుదల కానున్నాయి.

కాగా దేశ వ్యాప్తంగా ఉన్న వివిధ రైల్వే జోన్లలో మొత్తం 18,799 అసిస్టెంట్‌ లోకో పైలట్‌ కొలువులకు ఈ ఏడాది జనవరిలో ఆర్‌ఆర్‌బీ ప్రకటన జారీ చేసిన సంగతి తెలిసిందే. మొత్తం పోస్టుల్లో సికింద్రాబాద్‌ రైల్వే జోన్‌లో 2,528 వరకు ఖాళీలు ఉన్నాయి. ఈ పోస్టులకు సంబంధించిన నియామక రాత పరీక్ష నవంబర్‌ 25, 26, 27, 28, 29 తేదీల్లో దేశ వ్యాప్తంగా పలు పరీక్ష కేంద్రాల్లో నిర్వహించనున్నారు. సీబీటీ 1, సెకండ్‌ సీబీటీ 2, కంప్యూటర్‌ బేస్డ్‌ ఆప్టిట్యూడ్‌ టెస్ట్‌, డాక్యుమెంట్ వెరిఫికేషన్, మెడికల్ ఎగ్జామినేషన్ తదితరాల ఆధారంగా అభ్యర్థుల తుది ఎంపిక జరుగుతుంది.

రేల్వే ఏఎల్‌పీ ఎగ్జామ్‌ సిటీ ఇంటిమేషన్‌ స్లిప్పుల కోసం ఇక్కడ క్లిక్‌ చేయండి.

ఫార్మసిస్టుల శిక్షణ నమోదుకు దరఖాస్తులు ఆహ్వానం.. డిసెంబరు 5 వరకు ఛాన్స్

ఢిల్లీకి చెందిన ‘లైఫ్‌ సైన్సెస్‌ సెక్టార్‌ స్కిల్‌ డెవలప్‌మెంట్‌ కౌన్సిల్‌’ ఫార్మసిస్టులకు అందించే శిక్షణకు దరఖాస్తులు ఆహ్వానిస్తుంది. ఆసక్తి కలిగిన వారు డిసెంబరు 5 వరకు దరఖాస్తు చేసుకునే అవకాశం ఉందని తెలంగాణ ఫార్మసీ కౌన్సిల్‌ ఓ ప్రకటనలో తెలిపింది. ఈ శిక్షణ 4 రోజుల పాటు జరుగుతుందని తెలిపింది. ఆసక్తి కలిగిన వారు ఆన్‌లైన్‌లో నమోదు చేసుకోవచ్చని తెలిపింది. భవిష్యత్తులో తెలంగాణ ఫార్మసీ కౌన్సిల్‌ ప్రత్యేకంగా ఫార్మసిస్టులకు శిక్షణ ఇస్తుందని వెల్లడించింది.

మరిన్ని విద్యా, ఉద్యోగ వార్తల కోసం క్లిక్‌ చేయండి.