APPSC Group-1 నోటిఫికేషన్‌ 2022 విడుదల.. జోన్ల వారీ ఖాళీలు, ఆన్‌లైన్‌ అప్లికేషన్‌ ప్రారంభ తేదీ వివరాలు ఇవే..

APPSC Group -1 Recruitment 2022 Notification

ఆంధ్రప్రదేశ్‌ రాష్ట్ర ప్రభుత్వానికి చెందిన పలు శాఖల్లో ఖాళీగా ఉన్న గ్రూప్‌ -1 సర్వీసుల భర్తీకి ఆంధ్రప్రదేశ్‌ పబ్లిక్‌ సర్వీస్‌ కమిషన్‌ నోటిఫికేషన్‌ విడుదల చేసింది. ఈ నోటిఫికేషన్‌ ద్వారా మొత్తం 92 పోస్టులను భర్తీ చేయనున్నారు. ఈ పోస్టులకు దరఖాస్తు చేసుకునే అభ్యర్ధులు తప్పనిసరిగా ఏదైనా గుర్తింపు పొందిన యూనివర్సిటీ నుంచి బ్యాచిలర్స్ డిగ్రీ లేదా తత్సమాన కోర్సులో ఉత్తీర్ణత సాధించి ఉండాలి. దరఖాస్తుదారుల వయసు పోస్టును బట్టి జులై 1, 2022వ తేదీ నాటికి 18 నుంచి 42 ఏళ్ల మధ్య ఉండాలి. ఈ అర్హతలున్న వారు ఆన్‌లైన్‌ విధానంలో నవంబర్‌ 2, 2022వ తేదీలోపు దరఖాస్తు చేసుకోవచ్చు. దరఖాస్తు సమయంలో జనరల్‌ అభ్యర్ధులు రూ.370లు, ఎస్సీ/ఎస్టీ/బీసీ/పీహెచ్‌/ఎక్స్‌ సర్వీస్‌మెన్‌ అభ్యర్ధులు రూ.120లు అప్లికేషన్‌ ఫీజు చెల్లించవల్సి ఉంటుంది. రాతపరీక్ష (ప్రిలిమ్స్, మెయిన్స్‌), ఇంటర్వ్యూ ఆధారంగా తుది ఎంపిక ఉంటుంది. ప్రతిభ కనబరచిన వారికి నెలకు రూ.54,060ల నుంచి రూ.1,51,370ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.

ఖాళీల వివరాలు..

• డిప్యూటీ రిజిస్ట్రార్ పోస్టులు: 1
• అసిస్టెంట్ ఆడిట్ ఆఫీసర్ పోస్టులు: 1
• డిప్యూటీ కలెక్టర్ పోస్టులు: 10
• అసిస్టెంట్ కమిషనర్ పోస్టులు: 12
• డిప్యూటీ సూపరింటెండెంట్‌ పోస్టులు: 13
• డివిజనల్/డిస్ట్రిక్‌ ఫైర్‌ ఆఫీసర్‌ పోస్టులు: 2
• అసిస్టెంట్‌ ట్రెజరీ ఆఫీసర్/అసిస్టెంట్‌ అకౌంట్స్ ఆఫీసర్ పోస్టులు: 8
• రీజనల్‌ ట్రాన్స్‌పోర్ట్ ఆఫీసర్‌ పోస్టులు: 2
• మండల పరిషత్ డెవలప్‌మెంట్‌ ఆఫీసర్‌ పోస్టులు: 7
• జిల్లా రిజిస్ట్రార్ పోస్టులు: 3
• జిల్లా గిరిజన సంక్షేమ ఆఫీసర్‌ పోస్టులు: 1
• జిల్లా బీసీ సంక్షేమ ఆఫీసర్‌ పోస్టులు: 2
• మున్సిపల్ కమీషనర్ గ్రేడ్-II పోస్టులు: 6
• అడ్మినిస్ట్రేటివ్ ఆఫీసర్/లే సెక్రెటరీ అండ్‌ ట్రెజర్‌ గ్రేడ్-II పోస్టులు: 18
• అసిస్టెంట్ ఆడిట్ ఆఫీసర్ పోస్టులు: 4

ముఖ్యమైన తేదీలు..

• ఆన్‌లైన్‌ దరాఖాస్తులకు ప్రారంభ తేదీ: అక్టోబర్‌ 13, 2022.
• ఆన్‌లైన్‌ దరఖాస్తులకు చివరి తేదీ: నవంబర్‌ 2, 2022.
• దరఖాస్తు రుసుము చెల్లించడానికి చివరి తేదీ: నవంబర్‌ 21, 2022.
• ప్రిలిమినరీ రాత పరీక్ష తేదీ: డిసెంబర్‌ 18, 2022.
• మెయిన్స్‌ రాత పరీక్ష తేదీ: మార్చి 2023.

ఈ కింది జోన్ల వారీగా పోస్టుల ఎంపిక ఉంటుంది

• జోన్‌-1: శ్రీకాకుళం, విశాఖపట్నం, విజయనగరం
• జోన్‌-2: తూర్ప గోదావరి, వెస్ట్‌ గోదావరి, కృష్ణ
• జోన్‌-3: గుంటూరు, ప్రకాశం, నెల్లూరు
• జోన్‌-4: చిత్తూరు, కడప, అనంతపూర్‌, కర్నూలు

పూర్తి సమాచారం కోసం క్లిక్‌ చేయండి.

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.