Hyderabad: ఏప్రిల్ 20న సివిల్స్‌ టాలెంట్‌ సెర్చ్‌ టెస్ట్.. సివిల్స్‌కు సన్నద్దమయ్యేవారు అర్హులు..
ప్రతీ యేట ఏప్రిల్ 21 నేషనల్‌ సివిల్‌ సర్వీసెస్‌ డే జరుపుకుంటున్న సంగతి తెలిసిందే. ఈ నేపథ్యంలో ఈనెల 21న దేశ వ్యాప్తంగా సివిల్స్‌కు సన్నద్ధమవుతున్న అభ్యర్థులకు ఏప్రిల్ 20న సివిల్స్‌ టాలెంట్‌ సెర్చ్‌ పరీక్ష నిర్వహిస్తున్నారు. ఈ మేరకు..
Updated on: Apr 07, 2023 | 12:44 PM
ప్రతీ యేట ఏప్రిల్ 21 నేషనల్‌ సివిల్‌ సర్వీసెస్‌ డే జరుపుకుంటున్న సంగతి తెలిసిందే. ఈ నేపథ్యంలో ఈనెల 21న దేశ వ్యాప్తంగా సివిల్స్‌కు సన్నద్ధమవుతున్న అభ్యర్థులకు ఏప్రిల్ 20న సివిల్స్‌ టాలెంట్‌ సెర్చ్‌ పరీక్ష నిర్వహిస్తున్నారు. ఈ మేరకు ట్వంటీ ఫస్ట్‌ సెంచరీ ఐఏఎస్‌ అకాడమీ ఛైర్మన్‌ పి కృష్ణప్రదీప్‌ ఏప్రిల్ 6న ఓ ప్రకటనలో తెలిపారు. తెలుగు రాష్ట్రాల నుంచి అధిక సంఖ్యలో సివిల్‌ సర్వీస్‌ అధికారులను దేశానికి అందించాలనే లక్ష్యంతో ఈ పరీక్షను నిర్వహిస్తున్నామని ఆయన తెలిపారు.
సివిల్స్‌ టాలెంట్‌ సెర్చ్‌ టెస్ట్‌లో ప్రతిభ కనబరిచిన వారికి ఏప్రిల్ 23న మాజీ ఉపరాష్ట్రపతి ఎం వెంకయ్యనాయుడు చేతుల మీదుగా బహుమతులు ప్రదానం చేస్తామని ఛైర్మన్‌ పి కృష్ణప్రదీప్‌ వివరించారు. ఆసక్తి ఉన్న అభ్యర్థులు ఎవరైనా ఈ పరీక్ష రాయవచ్చని. ఇతర పూర్తి వివరాలకు 040-35052121, 8686233879 ఫోన్‌ నంబర్లను సంప్రదించాలని సూచించారు.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.
