Top Electric Scooters: రూ. లక్షలోపు ధరలో.. ఇవే తోపు ఎలక్ట్రిక్ స్కూటర్లు.. ఫీచర్లు, రేంజ్‌లో తగ్గేదేలే..

Ola S1 X Electric Scooter

మన దేశంలో ఎలక్ట్రిక్ ద్విచక్ర వాహనాలకు డిమాండ్ బాగుంది. గత కొన్ని సంవత్సరాలుగా మార్కెట్లో వీటికి గిరాకీ పెరుగుతోంది. ముఖ్యంగా ఎలక్ట్రిక్ స్కూటర్లను వినియోగదారులు కొనుగోలు చేస్తున్నారు. అయితే ఎలక్ట్రిక్ స్కూటర్ల ధర అన్ని వర్గాల ప్రజలకు అందుబాటులో లేదు. వీటి ధరలు కొంతకాలం క్రితం వరకూ రూ. లక్షకు పైగానే ఉన్నాయి. దీంతో అందరూ వీటిని కొనుగోలు చేయలేకపోయేవారు. అయితే ఇటీవల కాలంలో అన్ని ఎలక్ట్రిక్ స్కూటర్ల కంపెనీలు తక్కువ ధరలోనే కొత్త స్కూటర్లను లాంచ్ చేస్తున్నాయి. రూ. లక్షలోపు ధరలోనే అందుబాటులోకి తెస్తున్నాయి. టాప్ కంపెనీలు అయిన ఓలా ఎలక్ట్రిక్, బజాజ్, ఆంపియర్, రివోల్ట్ వంటివి ఈ రేంజ్ లో స్కూటర్లను లాంచ్ చేశాయి. వీటి ధరలు తక్కువగానే ఉన్నప్పటికీ వాటి పనితీరు, ఫీచర్లలో మాత్రం పెద్దగా ఎలాంటి మార్పులు చేయకుండానే వినియోగదారులకు అందిస్తున్నాయి. ఈ నేపథ్యంలో రూ. లక్షలోపు అందుబాటులో ఉన్న టాప్ స్కూటర్ల గురించి ఇప్పుడు తెలుసుకుందాం..

ఓలా ఎస్1 ఎక్స్..

ప్రీమియం ఎలక్ట్రిక్ ద్విచక్ర వాహన తయారీ సంస్థ అయిన ఓలా ఎలక్ట్రిక్ నుంచి రూ. లక్షలోపు ధరలో ఎస్1 ఎక్స్ స్కూటర్ల పోర్ట్ ఫోలియోను అందిస్తోంది. ఈ ఓలా ఎస్1 ఎక్స్ మూడు వేరియంట్లలో అందుబాటులో ఉంది. అవి 2కేడబ్ల్యూహెచ్, 3కేడబ్ల్యూహెచ్, 4కేడబ్ల్యూహెచ్. ఓలాఎస్1 ఎక్స్ 2కేడబ్ల్యూహెచ్ ధర రూ. 74,999 కాగా, 3కేడబ్ల్యూహెచ్ ధర రూ.84,999 . అధిక సామర్థ్యాన్ని కోరుకునే వారికి 4కేడబ్ల్యూహెచ్ రూ. 99,999కి అందుబాటులో ఉంది. ఈ ధరలు ఎక్స్-షోరూమ్. వీటికి అదనంగా ఓలా ఎక్స్+ వేరియంట్‌ను కూడా అందిస్తుంది, దీని ధర రూ.89,999గా ఉంది. అన్ని వేరియంట్‌ల ఫీచర్లు దాదాపు ఒకేలా ఉంటాయి. ప్రతి వేరియంట్‌లో 4.3-అంగుళాల ఎల్సీడీ ఇన్‌స్ట్రుమెంట్ క్లస్టర్, ఈవీని స్టార్ట్ చేయడానికి, అన్‌లాక్ చేయడానికి ఫిజికల్ కీ, టెలిస్కోపిక్ ఫ్రంట్ సస్పెన్షన్, డ్యూయల్ రియర్ షాక్‌లు, ముందు వెనుక డ్రమ్ బ్రేక్‌లు ఉంటాయి. మూడు రైడింగ్ మోడ్‌లు: ఎకో, నార్మల్, స్పోర్ట్స్ వంటి మరికొన్ని ఫీచర్‌లు ఉన్నాయి. ఛార్జింగ్ సమయం బ్యాటరీ సామర్థ్యాన్ని బట్టి మారుతుంది: 2కేడబ్ల్యూహెచ్ 5 గంటలు.. రేంజ్ సింగిల్ చార్జ్ పై 95 కిలోమీటర్లు, 3కేడబ్ల్యూహెచ్ చార్జింగ్ టైం 7.4 గంటలు.. సింగిల్ చార్జ్ పై 143 కిలోమీర్లు, 4కేడబ్ల్యూహెచ్ బ్యాటరీ చార్జింగ్ టైం 6.5 గంటలు, సింగిల్ చార్జ్ పై 190 కిలోమీటర్ల రేంజ్ ఇస్తుంది.

ఆంపియర్ మాగ్నస్ ఈఎక్స్..

గ్రీవ్స్ ఎలక్ట్రిక్ మొబిలిటీ ఆంపియర్ మాగ్నస్ ఈఎక్స్ రూ. లక్ష ధరల విభాగంలో అగ్రశ్రేణి ఎలక్ట్రిక్ స్కూటర్‌లలో ఒకటి. దీని ధర రూ.94900 . ఈ ఎలక్ట్రిక్ స్కూటర్ భద్రత, సౌకర్యం రెండింటినీ మెరుగుపరచడానికి అధునాత ఫీచర్లను అందిస్తోంది. ముందు, వెనుక డ్రమ్ బ్రేక్‌లతో కూడిన డ్యూయల్-వీల్ కాంపౌండ్ బ్రేకింగ్ సిస్టమ్‌ను కలిగి ఉంది. సరికొత్త ఇన్ఫోటైన్‌మెంట్ సిస్టమ్, సంజ్ఞ నియంత్రణతో అమర్చబడి, ఒక సహజమైన వినియోగదారు అనుభవాన్ని అందిస్తుంది. రివర్స్ మోడ్‌ కూడా ఉంటుంది. టెలిస్కోపిక్ సస్పెన్షన్ ఉంటుంది. భద్రతా ఫీచర్లలో కంబైన్డ్ బ్రేకింగ్ సిస్టమ్, సైడ్ స్టాండ్ సెన్సార్ ఉన్నాయి. ఎల్ఈడీ హెడ్ లైట్లు, కీలెస్ ఎంట్రీ కూడిన ఎల్సీడీ ఇన్‌స్ట్రుమెంట్ క్లస్టర్, అండర్-సీట్ ట్రంక్ లైటింగ్ వంటి ప్రధాన అంశాలున్నాయి. దీనిలో బ్యాటరీ సింగిల్ చార్జ్ పై 147 కిలోమీటర్ల రేంజ్ ఇస్తుంది. ఒకసారి ఫుల్ చార్జ్ చేయడానికి ఆరు నుంచి ఏడు గంటల సమయం పడుతుంది.

బజాజ్ చేతక్ 2901..

బజాజ్ ఆటో ఇటీవలే అత్యంత బడ్జెట్-స్నేహపూర్వక చేతక్ మోడల్ చేతక్ 2901 ను విడుదల చేసింది. దీని ధర రూ.95,998 ఎక్స్-షోరూమ్. చేతక్ అర్బేన్, ప్రీమియం వెర్షన్‌ల కంటే ఇది చాలా తక్కువ ధరకు అందబాటులో ఉంటుంది. దీనిలో బ్లూటూత్ కనెక్టివిటీని అందించే కలర్ డిజిటల్ ఇన్‌స్ట్రుమెంట్ క్లస్టర్‌ ఉంటుంది. హిల్ హోల్డ్, రివర్స్ మోడ్, స్పోర్ట్, ఎకానమీ మోడ్‌ల వంటి అదనపు ఫీచర్లు ఉంటాయి. వినియోగదారులు నేరుగా స్కూటర్ ఇంటర్‌ఫేస్ ద్వారా కాల్, మ్యూజిక్ కంట్రోల్ వంటివి చేయొచ్చు. బ్లూటూత్ యాప్ కనెక్టివిటీ కోసం ఫాలో మీ హోమ్ లైట్లు ఉన్నాయి. స్మార్ట్‌ఫోన్ యాప్ ద్వారా నియంత్రణను మెరుగుపరుస్తుంది. దీని బ్యాటరీ చార్జింగ్ టైం ఆరు గంటలు కాగా.. సింగిల్ చార్జ్ పై 123 కిలోమీటర్ల రేంజ్ ఇస్తుంది.

రివోల్ట్ ఎన్ఎక్స్ 100..

రివోల్ట్ మోటార్స్ తమ ప్రీమియం ఎలక్ట్రిక్ స్కూటర్ రివోట్ ఎన్ఎక్స్100ని గత సంవత్సరం విడుదల చేసింది. ఈ భారతీయ-నిర్మిత ద్విచక్ర వాహనం అధునాతనమైన, మన్నికైన ఉత్పత్తిగా గుర్తింపు పొందింది. దీనిలో అత్యాధునిక సాంకేతికత, ప్రత్యేకమైన డిజైన్ అంశాలతో మరింత స్మార్ట్, శక్తివంతమైనదిగా రూపొందింది. ఇది ఐదు వేరియంట్‌లలో అందుబాటులో ఉంది. అవి క్లాసిక్, ప్రో, మ్యాక్స్, స్పోర్ట్స్, ఆఫ్‌ల్యాండర్. క్లాసిక్ మోడల్ ధర రూ. లక్ష కంటే తక్కువ అంటే రూ. 89,000గా ఉంటుంది. ఇది సింగిల్ చార్జ్ పై 100 కిలోమీటర్ల రేంజ్ ఇస్తుంది. రివోట్ ఎన్‌ఎక్స్100 క్లాసిక్ వేరియంట్‌లో కాంబి బ్రేక్ సిస్టమ్, రీకోఇంజిన్, రివర్స్ గేర్ వంటి అధునాతన ఫీచర్లు ఉన్నాయి. ఇది 7.84 అంగుళాల డిస్‌ప్లేను కలిగి ఉంటుంది.

బౌన్స్ ఇన్ఫినిటీ ఈ1..

బెంగళూరుకు చెందిన స్మార్ట్ మొబిలిటీ సంస్థ బౌన్స్ ఇన్ఫినిటీ గత ఏడాది ఈ1 స్కూటర్ వేరియంట్‌లను విడుదల చేసింది. ఇది మూడు వేరియంట్‌లలో అందుబాటులో ఉంది- ఈ1+, ఈ1 ఎల్ఈ, ఈ1. వీటిల్లో ఈ1+ ధర రూ.1,09,605. ఇది 1 లక్ష కంటే కొంచెం ఎక్కువ కానీ దాని పనితీరు సామర్థ్యాలను పరిగణనలోకి తీసుకుంటే స్కూటర్ సరసమైన వేరియంట్‌గా పరిగణించవచ్చు. బౌన్స్ ఇన్ఫినిటీ ఈ1+ స్టైలిష్ డిజైన్, బలమైన నిర్మాణాన్ని కలిగి ఉంది. దీనిలో 1.9 కేడబ్ల్యూహెచ్ బ్యాటరీ ఉంటుంది. సింగిల్ చార్జ్ పై 70 కిలోమీటర్ల రేంజ్ ఇస్తుంది.

విడా వీ1..

హీరో ఎలక్ట్రిక్ విడా వీ1 ఎలక్ట్రిక్ స్కూటర్ దాని అత్యుత్తమ స్పెసిఫికేషన్‌లు, ఫీచర్లతో వస్తుంది. ఇది విడా వీ1 ప్లస్, విడా వీ1 ప్రో అనే రెండు వేరియంట్లలో అందుబాటులో ఉంది, విడా వీ1 ప్లస్ ధర రూ.1,02,70. దీనిలో 3.44కేడబ్ల్యూహెచ్ బ్యాటరీ కెపాసిటీ ఉంటుంది. సింగిల్ చార్జ్ పై 143కిలోమీటర్ల రేంజ్ ఇస్తుంది. దీనిలో 19.05 సెంటీమీటర్ల టీఎఫ్టీ డిస్‌ప్లేతో వస్తుంది. దీనిలో గరిష్ట వేగ పరిమితిని సెట్ చేయడం ద్వారా వేగాన్ని నియంత్రించవచ్చు. స్కూటర్ బ్యాటరీ స్థితిని డిస్ ప్లే లో చూడొచ్చు. ఎస్ఓఎస్-రెడీ ఫంక్షన్‌ను కలిగి ఉంటుంది. స్కూటర్‌లో “ఫాలో మీ హోమ్” లైట్లు, ఎలక్ట్రానిక్ సీట్ హ్యాండిల్ లాక్, క్రూయిజ్ కంట్రోల్, రివర్స్, రీజెన్ అసిస్ట్ కోసం టూ-వే థొరెటల్, ఇన్‌కమింగ్ కాల్ అలర్ట్‌లు కూడా ఉన్నాయి. ఈ స్కూటర్ స్మార్ట్ కీ ఫోబ్‌తో వస్తుంది. ఇది మీకు ఫిజికల్ కీ ఉన్నా లేదా లేకపోయినా పని చేస్తుంది.

మరిన్ని బిజినెస్ వార్తల కోసం ఇక్కడ క్లిక్ చేయండి..